Zakariya 10:7 - Bhibhiliya Nya Guage

⁷ Va na Efrayimi va na khala kha nga ndrena, myonyo yawe yi na nengela gukhwatshi va di sela vbinyu. Ina, sanana sawe si na wona satshavbo sesi, si nengela. Myonyo yawe yi na tsakela Pfhumu Nungungulu.

Zakariya 10:7 Iomraidhean Croise

Zakariya 9:15

Pfhumu Nungungulu nya Tshivba Yatshavbo a na vhikela vathu vaye, a na mbembisa valala vaye, va gandredzela siwindri nya gundziwitedwe; va na sela novba wa valala vawe va gira ligwaha kha nga vathu va levidego khu vbinyu; kha nga novba nya sirengo wu tadzago dzimbiya nya miphaso, va mitegedzela kha nga mati dzikhonani nya giluvelo.

1 Pedro 1:8

Enu mu ngu mu haladza, ambari mu ngamba mu wona; mu ngu khodwa gwaye, ambari mu si mu wonigo olu. Khu guralo, enu mu ngu nengela khu gutsaka nya gukhongolo ngudzu, ni wudhumo wu tandrwago gu ganedwa khu magana.

Vafilipi 4:4

Nengelani ga Pfhumu; nyi ngu engedza gu mi embela, nengelani.

Mithumo 2:26

Khavbo avbo, monyo wangu wu di tsaka ni lidimi langu li di nengela givili gyangu gi na hefemula khu gutumba

Johane 16:22

Gunene, olu mu na ni wusiwana, aholu eni nyi nata mi wonani nyaluphye; gikhati gyogyo myonyo yanu yi na tala khu gunengela. Mwalo a na mi dzegelago gunengela gwanu.

Luka 1:47

ni monyo wangu wu ngu nengela ga Nungungulu, Muvbanyisi wangu,

Zakariya 9:17

Kholu wudhumo wawe wu na bani wuri wukhongolo ngudzu! Ni gumbura gwawe gu na bani guri gukhongolo ngudzu! Tirigu ni wuuvha nya dosi si na dandrisa madzaha ni dzimbiri.

Sofoniya 3:14

Embelela khu gutsaka uwe nyamahegyane wa Siyoni, kulungelani khu gutsaka enu vathu va Israyeli, nengela u womba kulungwane khu monyo wago watshavbo, uwe nyamahegyane wa Jerusalema!

Habhakuka 3:18

ambari khu guralo, eni nyi na khusedza Pfhumu Nungungulu, nyi nengela ga Nungungulu nya guvbanyise gwangu.

Jeremiya 32:39

Nyi na va gira va manega ni monyo moyo nya wadi ni gu gimbila khu ndzila mweyo, gasi va nyi ninga githawo gikhati gyatshavbo, gasi va vbanye gwadi avo gumogo ni livelego lawe.

Isaya 66:14

Avbo mu na wonago silo sesi si na gu girega, myonyo yanu yi na tsaka, ni marambo ma na nyuga nga mwasi nya nyenvu; kholu tshivba ya Pfhumu Nungungulu, yi na dzi wonegisa ga sithumi saye, aholu likhulo laye li na wugela valala vaye.

Isaya 38:19

Avo va vbanyago, khavo basi va na gu rungudzago, kha nga iso nyi girago eni muhuno; vavelegi va na hevbudze sanana sawe gutumbega gwago.

Dzindzimo 104:15

Mafu ma ngu ninga vbinyu yi tsakisago myonyoni nya vathu, mafura ma nyelugisago dzikhovbe, ni guhodza gu wusedzago tshivba.

Dzindzimo 102:28

Sanana sa vathu vago, si na vbanya na si tiyide, ni situgulwana sawe si na tiyiswa mbeli gwago.

Dzindzimo 28:7

Pfhumu Nungungulu tshivba ni gitshangu gyangu, monyo wangu wa gu tumba uye; nyi phasidwe, givili gyangu gi ngu thungedzela, nyi ngu bonga khu monyo wangu watshavbo.

Dzindzimo 13:5

Eni nyi tumbide wuhigo wago; monyo wangu wu na nengela, kholu u na nyi vbanyisa.

1 Samuweli 2:1

Ana a di lombelela a ganela, khuye: “Monyo wangu wu ngu nengela ga Pfhumu Nungungulu, ni hefemulo wangu, wu ngu rungudza Pfhumu Nungungulu; likana langu, li ngu hega valala vangu, kholu nyi ngu tsakela guvbanyisa gwago.

Genesi 43:34

Josefe a di ruma gukhuye va theledzedwe guhodza gu nga bani guromo mbeli gwaye; aholu Bhejami a di thedwa livbandre dzinyondro guvbindra vakwawe. Va di sela gumogo va nengela naye.

Genesi 18:19

Kholu nyi mu hathide gasi a laye sanana saye ni linyumba laye gu landrisa ndzila ya Pfhumu Nungungulu, khu gu gira gululama ni lisine; khu magirelo yoyo, Pfhumu Nungungulu a na tadzisa gitumbiso gyaye ga Abrahama.”

Mithumo 13:33

Nungungulu tadziside ga ethu, sanana, gitumbiso a nga gira ga vababe vathu, khu gu wusa Jesu. Kha nga gu lovidwego umo nya Dzindzimo, gupwani: ‘Uwe u Mwamana wangu nyi gu velegidego muhuno.’

Mithumo 2:39

Kholu khu lisine gitumbiso gya gu lumba enu ni sanana sanu ni vatshavbo vale va guromo hwindzo; vatshavbo ava Nungungulu Pfhumu yathu a va ranago gwaye.”

Dzindzimo 90:16

Yeyedza wugulu nya tshivba yago ga sithumi sago ni sanana sathu si na wone wudhumo wago!

Dzindzimo 33:21

Khuye a gu gunengela gwathu, kholu hi ngu tumba lina laye nya gukatege.

Isaya 54:13

Sanana sago satshavbo, si na khala vapizane va Pfhumu Nungungulu; sanana sago si na mana gurula nya gukhongolo ngudzu.

Ezekiyeli 37:25

Va na vbanya tigoni nyi ningidego githumi gyangu Jakobe, umo va vbanyidego umo vababe vanu. Va na vbanya umo, avo ni sanana sawe, gumogo ni situgulwana sawe, kala gupindruga; Dhavhidhe, githumi gyangu, a na khala uye mufumeli wawe kala gupindruga.

Joyele 2:23

Enu vathu va Siyoni, tsakani mu nengela ga Pfhumu Nungungulu wanu, kholu uye a na mi ninga muhevbudzi nya gululame ni gu wisa ndzadzi khu gikhati ni nango yi vbwetegago, khu ngima nya guhegule.

Isaya 25:9

Khu litshigu lolo, va na ganela, khavo: “Wonani, oyu khu Nungungulu wathu, hi mu tumbidego a na hi vbanyisa, khuye Pfhumu Nungungulu, oyu hi mu viredego, hi na tsake hi nengele khu guvbanyisa gwaye!”

Zakariya 12:8

Khu litshigu lolo, Pfhumu Nungungulu a na vhikela vathu va vbanyago Jerusalema, khu litshigu lolo, oyu nya gusolege vbakari gwawe, a na fanana ni mufumeli Dhavhidhe, gambe nyumba ya Dhavhidhe yi na wonega kha nga Nungungulu, kha nga ngilozi ya Pfhumu Nungungulu yi thangidego mbeli gwawe.