Zakariya 10:5 - Bhibhiliya Nya Guage

⁵ Na va patane vatshavbo va na fanana ni dzindrena nyimbitunu dzi gandredzelago valala maragani ya dzindzilani; kholu Pfhumu Nungungulu womo vbakari gwawe, aholu a na thela dzitshoni vale va khiledego dzikavalu.

Zakariya 10:5 Iomraidhean Croise

2 Samuweli 22:43

Eni nyi di va tshigira kha nga kudzudzwane nyi va suga nyi va gandredzela kha nga maraga ya mu dzindzilani.

2 Samuweli 22:8

Khavbo avbo, litigo li di thuruga li ndrendremela, matshina nya sigomo ma di kutsungwa, khu kotani nya likhulo laye.

2 Dzipfhumu 9:33

Khavbo avbo, Uye a di khuye: “Mu rinyeni khu vbatshani a thega vbavbatshi.” Avo va di mu rinya khu vbatshani a thega vbavbatshi, novba waye wu di mitegedzela ndzari ni dzikavalu, Jewu a mu pfara khu kareta.

Dzindzimo 18:42

Eni nyi di va kuya kha nga kudzudzwane wu phalalegiswago khu phuvbo, nyi di va dzudzuga kha nga maraga ya ndzilani.

Dzindzimo 20:7

Vambe va gu tumba dzikareta, vambe va tumba dzikavalu; gasi ethu ha gu rana lina la Pfhumu Nungungulu wathu.

Dzindzimo 33:16

Mwalo mufumeli a dzi vbanyisago khu talo nya dzinyimbi dzaye; ambari ndrena gu dzi vbanyisa khu tshivba yaye nya yikhongolo.

Dzindzimo 44:5

Khu tshivba yago hi vetide valala vathu; khu lina lago hi gandredzela khu migondro vatshanisi vathu. Avo va nga bani va hi wugela.

Dzindzimo 45:3

Hunga litshari giwununi gwago, uwe ndrena; kholu u ngu zundzega ni guthavisega!

Isaya 10:6

Nyi ngu mu ruma guya dwana ni litigo li vivbedwego khu monyo, nyi mu leletede guya wugela vathu nyi gorogidego khavo, nyi mu ningide nayo nya guya va phanga ni gu wandra silo sawe, ni gu va gandredzela kha nga maraga ya mudzindzilani.

Isaya 25:10

Kholu gyandza gya Pfhumu Nungungulu, gi na handzegwa vbatshani nya gigomo gegi; aholu Mowabhi, a na gandredzedwa avbo a guromo, kha nga idzo va gandredzelago khidzo mwasi talani nya ndzilo.

Isaya 31:1

Libango ga avo vayago Egipito guya lomba giphaso, na va gu tumba dzikavalu; Va gu tumba dzikareta ni va vakhileli vakone, kholu avo vangi, na vari ni tshivba ngudzu, aholu va si theli kota khuye a Agidego wa Israyeli, ambari gu vbweta giphaso ga Pfhumu Nungungulu.

Isaya 41:12

U na vbweta valala vago, u va hamuga; vatshavbo va gu dwanisago va na manega na va siri gilo, va mbemba vatshavbo va vbela havo bhi.

Isaya 41:25

Nyi ranide mumbe muthu, khu Wuronga; a nata, khu Khugadambo, uye a na rungudza lina langu; a na gandredzela vafumeli kha nga maraga; kha nga muwumbi a gandredzelago libumba, a na va gandredzela kharato.

Isaya 8:9

Ndrendremelani enu vathu, kholu mu na vbadzuledwa; yingisani, enu vathu va mayigoni ga hwindzo, somani matshari, kholu mu na vbadzuledwa! Somani matshari kholu mu na vbadzuledwa.

Ezekiyeli 38:15

Khu guralo, u nata khu wulangani gwago, khu phuvbo ga Wuronga, uwe gumogo ni mayigo nya mangi, mwatshavbo na mu khilede dzikavalu, gidzemo nya gikhongolo ni masotshwa nya mangi;

Amosi 2:15

Uye a gu ni wulaho kha na nga emega gwadi, muthu nya mazambo kha na dzi vbulugisa ni mukhileli nya kavalu kha na vbulugisa womi waye.

Mikeya 5:8

Mitshaledwa ya Jakobe yi na bani yiri vbakari nya mafumbu nya mangi, ni vbakari nya vathu nya mangi, kha nga nghala vbakari nya sirengo nya likhabi, kha nga ginghalana vbakari nya mitshambi nya dzinvuta, avbo gi vbindrago, gi na dzi gandredzela ni gu dzi vbadzulela nyamba manega muthu nya gu dzi vbulugise.

Mikeya 7:10

Nala wangu a na si wona isoso, a tedwa khu dzitshoni, uye a nga bani a nyi embela, khuye: “Womo hayi Pfhumu Nungungulu wago?” Maho yangu ma na wona guthega gwaye; na gu gandredzedwa kha nga maraga ya mudzindzilani.

Agewu 2:22

nyi na thesa sikhalo nya mifumo, nyi khungumula dzitshivba nya mifumo ya va nya mayigo, nyi khungumulela dzikareta ni vakhileli vakone, dzikavalu ni vakhileli vakone dzi na theswa, moyo ni moyo a na songwa khu litshari la ndriyaye.

Zakariya 12:4

Litshigu lolo, a ngu ganela Pfhumu Nungungulu, nyi na wusa pfilupfilu nyi thusa dzikavalu dzatshavbo, nyi handrugisa mapimo ya vakhileli va kone. Nyi na thendregedza maho yangu nyi khedza nyumba ya Judha nyi yi vhikela; nyi na gira dzikavalu dzatshavbo dza va nya mayigo dzi khala sikhumu.

Zakariya 12:8

Khu litshigu lolo, Pfhumu Nungungulu a na vhikela vathu va vbanyago Jerusalema, khu litshigu lolo, oyu nya gusolege vbakari gwawe, a na fanana ni mufumeli Dhavhidhe, gambe nyumba ya Dhavhidhe yi na wonega kha nga Nungungulu, kha nga ngilozi ya Pfhumu Nungungulu yi thangidego mbeli gwawe.

Zakariya 14:13

Litshigu lolo, vbakari gwawe gu na manega pfilupfilu nya yikhongolo ngudzu nya gugirwe khu Pfhumu Nungungulu; muthu ni muthu a na mola libogo la mungana waye, va na wugelana khu gyawe.

Zakariya 14:3

Khavbo avbo, Pfhumu Nungungulu a na duga aya wugela mayigo yoyo, a ma dwanisa, kha nga idzo a dwanidego khidzo litshiguni nya nyimbi.

Zakariya 9:13

Kholu Eni nyi na ghwimba Judha kha nga wulaho, nyi khwandra Efrayimi kha nga giholoma; nyi na kutsedzela sanana sago uwe Siyoni, guya wugela sanana sago, uwe Gresiya! Uwe Siyoni u na fanana ni litshari la ndrena nya gukari.

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Matewu 4:3

Khavbo avbo, mulingi a di ta, khuye: “Wa gu bani uri Mwamana wa Nungungulu, ruma siwindri sesi si vbindrugedze si khala guhodza.”

Luka 24:19

Jesu a di va wudzisa, khuye: “Gasi ginani gi nga giregago?” Va di mu embela, khavo: “Iso si nga dugelelago Jesu wa Nazareta, muprofeti nya sigiro ni magana nya tshivba mahoni ga Nungungulu ni mahoni nya vathu vatshavbo.

Mithumo 18:24

A di vboha Efeso mwama moyo nya Mujudha nya gupwani khu Apolo, givelegwa gya Alexandriya, a diri mwama a nga bani a etide khu gu hevbula Milowo.

Mithumo 7:22

Khu guralo, Mosi a di hevbudzwa guti gwatshavbo wa Vagipiti, a diri ni tshivba khu magana ni mithumo.

2 Vakorinto 10:4

Matshari nyi dwanago khayo khandri ya wuthu, kholu tshivba nya ayo ya guta khu ga Nungungulu, ma gu khungumula mabhiyo yatshavbo, ni gu vbedza mapimo nya guvivbe,

Dhewuteronome 20:1

Wa gu hongola litungatunu nya guye dwana nyimbi ni valala vago u wona dzikavalu, dzikareta ni vathu nya tengo nya wungi guvbindra uwe, u nga va thavi; kholu Pfhumu Nungungulu wago a nga gu dusago khu tigoni ga Egipito, a na ni uwe.

2 Thimoti 4:17

Aholu, Pfhumu yi diri ni eni yi nyi ninga tshivba nya gutivise Mahungu maphya nya Yadi ma hakhwa khu va nya mayigo. Khu kharato, nyi vbulugide kanani nya nghala

2 Thimoti 4:7

Nyi dwanide litunga nya ladi. Nyi vbedzide gututuma ni gu sayisa gukhodwa gwangu.

Josuwa 10:14

Gima li si gu manegi litshigu nya nga eli, khu gale, ambari khu hwane gwaye, kholu Pfhumu Nungungulu a di yingisa lito la muthu, kholu Pfhumu Nungungulu, a di dwanela va na Israyeli.

Josuwa 10:42

Josuwa a di khozisa vafumeli vatshavbo vava, a wandra mayigo yawe khu gumogo basi; kholu Pfhumu Nungungulu wa Israyeli a diri ni Israyeli.

Gutuledwa 19:17

Gu di handzamedza nyi wona ngilozi mweyo na yi emide vbatshani nya lidambo, na yi gu ganela khu tshivba ga sinyoni satshavbo si nga bani si gu vbuvba ndrengelengeni, khiyo: “Deluni; tshanganani buzoni nya khongolo wa Nungungulu,

1 Samuweli 16:18

Moyo nya dzindruna a di hakha, khuye: “Nyi nguti gyanana gimwegyo gya Jese wa Bhetlehema, gi kodzago gu womba gitendre. Uye mudwani ni ndrena nya nyimbi, a ngu kodza gu ganela gwadi, a na ni giyemo nya gukhalege gambe Pfhumu Nungungulu a na ni uye.”