Zakariya 10:3 - Bhibhiliya Nya Guage

³ Likhulo langu la gu vbisela vahavisi, eni nyi na tsayisa vathangeli; aholu Pfhumu Nungungulu nya Tshivba Yatshavbo a nata sayisa tshambi waye, a gu vathu va Judha, a nga va gira kha nga kavalu yaye nya tshivba nyimbitunu.

Zakariya 10:3 Iomraidhean Croise

Joba 39:25

Avbo yi pwago guwombwa nya pundru, ya gu ganela, khiyo: Hongoleni mbeli! Na yi ngari hwindzo ya gupwa mahema nya nyimbi ni gupwa malito ya vathangeli nya nyimbi.

Ekisodha 4:31

Vathu va di khodwa. Avo na va pwide nya gupwani Pfhumu Nungungulu holede sanana sa na Israyeli, a gu wona gutshaniseka gwawe, va di noga va mu khozela.

Mavingu 21:31

Khu litshigu nya litunga, va gu dongisela kavalu, aholu Pfhumu Nungungulu khuye a ningago tshivba nya gupale.

Gizimba 1:9

Gigodwa gyangu, uwe wa gu fanana ni dzikavalu nya dzikareta dza Faro;

Isaya 10:12

Khu guralo, Pfhumu Nungungulu, avbo a na vbedzago thumo waye gigomoni ga Siyoni ni Jerusalema, a na tsayisa matshandza ni gu dzi khusedza ga mufumeli wa Asiriya;

Isaya 24:21

Khu litshigu lolo, Pfhumu Nungungulu a na lamula mabutho ya ndzadzini, gumogo ni vafumeli nya mafu, tigoni.

Jeremiya 10:21

Kholu vathangeli vathu va hambaniside nayo, kha va yingisa Pfhumu Nungungulu; khu guralo, kha va dugelela, mitshambi yawe yatshavbo yi phalalegide.

Jeremiya 11:22

Ina, Pfhumu Nungungulu nya Tshivba Yatshavbo a ngu ganela kharati, khuye: “Wonani, eni nyi na va tsayisa; madzaha ma na songwa khu litshari, ni sanana sawe nya sikhwathana ni sagadzyana si nafa khu ndzala.”

Jeremiya 25:12

Khu guralo, Pfhumu Nungungulu a ngu ganela, khuye: Hwane nya gu bani gu vbede livbandre na mavili magumi myaga, nyi na tsayisa mufumeli wa Bhabhiloni khu kotani nya sighoho saye gumogo ni vathu vaye, kha nga gambe ni litigo nya Vakalidhiya nyi na li vbindrugedza li khala marumbi nyamba vbela.

Jeremiya 25:34

Lilani enu vahavisi nya tshambi, ni gu womba dzihuwa; enu nenu vathangeli nya mitshambi, puluwundrani ngumani, kholu litshigu lanu nya gusongwe ni guphalalegiswa li vbohide, nyi na mi pandra mu thega nga kanvu nya lisima.

Jeremiya 50:6

Vathu vangu va gu fanana ni dzinvuta dzi dzimedego; va ndreyisidwe khu vahavisi vawe, va dzimedzidwe sigomoni ni sigomwanani, va gu legalega basi, kha va nga gu guti ni phandroni gwawe.

Ezekiyeli 34:11

Kholu Mune Pfhumu Nungungulu, a ngu ganela kharati, khuye: “Wonani gukhenu eni mune kamwe nyi na vbweta dzinvuta dzangu dzi dzimedego nyi dzi wuyisa.

Ezekiyeli 34:12

Kha nga muhavisi a wuyisago dzinvuta dzaye, litshiguni a manago idzo dzi dzimedego, kharato eni neni nyi na vbweta dzinvuta dzangu. Nyi na dzi wuyisa khu malangani yatshavbo dzi phalalegedego umo khu litshigu nya mazuvi ni gidema.

Ezekiyeli 34:2

“Mwamana wa muthu, profeta ga vahavisi va Israyeli; va profete u va embela, khuwe: Mune Pfhumu Nungungulu, a ngu ganela kharati, khuye: Libango ga vahavisi va Israyeli va dzi havisago avo vabune! Gasi thumo wa vahavisi khandri wa gu havisa dzinvuta, gani?

Dhaniyeli 11:32

Khu mano yaye, a na kanganyisa vale va ndragidego gidzumeledzwano, aholu vale va mutigo Nungungulu wawe, va na mana tshivba va tiya va gira siliwugiso.

Sofoniya 1:8

Litshigu nya miphaso ya Pfhumu Nungungulu, nyi na tsayisa manganagana ni sanana sa mufumeli, ni vatshavbo avo va yedzedzelago maambalelo ya mambe mayigo.

Sofoniya 2:7

Mitshaledwa nya lihundzu la Judha yi na ta bela yi dzega litigo leli. Va na havisela umo mitshambi yawe, wutshiguwule va na lala mudzinyumbani ga Asikaloni. Kholu Pfhumu Nungungulu wawe, a na va endrela nyaluphye, a wuyisa vale va nga bani vari wugumbini.

Zakariya 11:17

Libango ga muhavisi nya gipumbu, a si sayisigo tshambi; a na paywe libogo laye khu litshari, li mu pole liso la nyamudye; libogo laye latshavbo li na bange ni liso laye la nyamudye li na khale gidzogo.

Luka 1:68

“A na rungudzwe Pfhumu Nungungulu wa Israyeli, kholu endrede vathu vaye ni guta va vbulugisa.

1 Pedro 2:12

Mavbanyelo yanu vbakari nya va nya mayigo gu vbwetega nari mavbanyelo nya yadi. Gasi va gu mi singedza guvivba, va konwe khu mithumo yanu nya yadi, va fela gu rungudza Nungungulu litshigu a natago.

Rute 1:6

Khavbo avbo, a di khuga gumogo ni vagadzamwane vaye va vavili khu tigoni ga Mowabhi, kholu va di pwide nya gupwani Pfhumu Nungungulu kategiside vathu vaye, khu gu va ninga guhodza nya gungi.