Zakariya 10:2 - Bhibhiliya Nya Guage

² Kholu sihuru nya mipaso ya ndrangani kha si ganeli gilo nya gupwale; va nya dzisolo va gu lola malipha; va nya miloro va gulora ni gutshamusela silo nyambaya khumo; va tangadzisa khu silo nyambana gighelo. Khu kharato, vathu va gu pengiswa kha nga tshambi nya dzinvuta, va tshaniseka khu gumbana muhavisi.

Zakariya 10:2 Iomraidhean Croise

Genesi 31:19

Kha nga Laboni a nga bani ari mwalo, na hongode aya gaya mawoya nya dzinvuta, Rakeli a diba vanungungulu nya dzinguluve dza babe waye.

1 Dzipfhumu 22:17

Khavbo avbo, uye a di ganela, khuye: Nya gu wona vatshavbo va na Israyeli va legalegago musigomoni, kha nga dzinvuta nyambana muhavisi, Pfhumu Nungungulu a di nyi embela, khuye: Vathu va gu mwalo waye. Muthu ni muthu a na bwelele gaya gwaye khu gurula.”

Joba 13:4

Kholu enu mu valugi nya malipha, enu mwatshavbo mu dzinyanga nyamba phasa gilo!

Joba 21:34

Khu ginani mu nyi sengago khu malipha khenu mwa gu nyi tangadzisa, nari gu magana yanu khya malipha basi.

Isaya 41:29

Vatshavbo kha va sizi gilo, esi va girago si mwalo giphaso, sifananiso sawe nya gupfhudwe, liphuvbo nya gu dzi pfhadze basi.

Isaya 44:25

Nyi ngu ganedza vaprofeti nya malipha, nyi handrugisa va nya gulola dzisolo; va nya guti nyi va bweledza hwane, nyi vbindrugedza wugengeli wawe wu khala wupumbu.

Isaya 44:9

Vatshavbo vawumbi nya sifananiso khandri va gilo, ni mithumo yawe va yi tsakelago, kha yi phasi gilo; avo vabune kamwe dzifakazi nya gukhavo kha va woni ambari gu pima gukhavo va na thedwa dzitshoni.

Isaya 46:5

Khu mani mu na gu mu fananisago ni Eni mwendro ginani mu nyi fananisago nagyo? Mu na nyi ninganisa ni mani, gambe mu nyi fananisa ni mani?

Jeremiya 10:8

Aholu vatshavbo va dhadhavade va vbindrugedza va khala sipumbu; kholu vanungungulu vawe va di girwa khu misimbo.

Jeremiya 14:13

Khavbo avbo, eni nyi di mu phindrula, kheni: “Oh! Pfhumu Nungungulu, wona nya gukhuwe vaprofeti va gu va embela, gukhavo: Gima kha mu na sasedwa khu matshari, ni gu wona ndzala; aholu a na mi resela gurula nya gutiye wulangani wowu.”

Jeremiya 14:22

Ina womo nungungulu wa va nya mayigo a wisago ndzadzi, gani? Mwendro ndzadzini gu ngu kodza gwabune gu wisa ndzadzi, gani? Ina khandruwe basi u gu Pfhumu Nungungulu wathu, gani? Ha gu tumba uwe basi, kholu khuwe u girago silo satshavbo.

Jeremiya 23:17

Va gu simama va embela vale va bombago magana yangu, khavo: Pfhumu Nungungulu a ngu ganela, khuye: Mu na khalega khu gurula; va tiyisa gambe vale va si khathaligo khu magana yaye, khavo: “Li mwalo libango li na gu mi dugelelago.”

Jeremiya 23:32

Eni Pfhumu Nungungulu nya gu dwana ni vaprofeti va resago dzindroro nya malipha, va pengisa vathu vangu, khu malipha yawe nya gukanganyise; aholu na siri eni nyi va rumidego ni gu va ninga nayo yoyu. Khu guralo, gimwalo giphaso va resago ga vathu; a ngu ganela Pfhumu Nungungulu.

Jeremiya 27:10

Kholu va gu mi embela malipha, gasi mu vbagedwa mu yiswa hwindzo ni litigo lanu, gasi Eni nyi na mi phalalegisa tigoni gwanu mu mbembisedwa muphelo.

Jeremiya 27:14

Mu nga tshuki mu yingisa magana ya vaprofeti va mi embelago, khavo: Mu nga thumeli mufumeli wa Bhabhiloni, kholu malipha va ganelago.

Jeremiya 27:9

Khu guralo, mu nga yingiseni vaprofeti vanu, valoli vanu nya dzisolo, valori vanu nya dzindroro, dzinyanga dzanu gumogo ni va nya gufemba ni va nya wuloyi vanu, va gu ganela gwanu, khavo: Mu nga thumelini mufumeli wa Bhabhiloni.

Jeremiya 28:15

Muprofeti Jeremiya a di embela muprofeti Hananiya, khuye: “Hananiya, olu yingisa malito yangu: Uwe khwa rumedwa khu Pfhumu Nungungulu, uwe wa gu pengisa vathu va khodwa khu malipha yago.

Jeremiya 29:8

Kholu Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Mu nga khanganyiswi khu vaprofeti vanu va guromo vbakari gwanu, ambari vafembi vanu, mu nga dzumeli gu sengwa khavo khu miloro mu yi lorago,

Jeremiya 37:19

Olu vomo hayi vaprofeti vago va nga bani va gu profeta, khavo: Mufumeli wa Bhabhiloni kha nata mu sasela, ambari gu sasela litigo leli?

Jeremiya 50:17

Israyeli a gu fanana ni nvuta yi dzimedego, yi sotwago khu dzinghala; nya guphele gu mu songa khu mufumeli wa Asiriya; khu guhegisa, Nabhukodhonosori, mufumeli wa Bhabhiloni, a di mu fanyeledzela marambo.

Jeremiya 51:23

nyi gu thumiside gu mbembisa vahavisi ni mitshambi yawe; ni gu vbadzulela mulimi ni dzimombe dzaye; nyi gu thumiside gu vbadzulela dzindruna ni madhota yawe.

Jeremiya 6:14

Kha va khathali khu gu vbodzisa dzimbanga dza vathu vangu na va gu ganela, khavo: Satshavbo si ngu gimbila gwadi! Gomo gurula! Gurula! Aholu gurula na guri mwalo.

Jeremiya 8:11

Thumo nya guvbodzise dzimbanga dza vathu vangu va di wu gira kha nga thumo nya wudugwane, na va gu ganela, khavo: “Gurude, gurude;” nari gu gumwalo gurula.

Gililo 2:14

Vaprofeti vago va gu kanganyiside khu siprofeto nya malipha ni wupumbu. Va tandregide gu gu tugudzisa sighoho sago, gasi u si yiswi wugumbitunu. Va gu tivisa basi silo nyambana fanelo; iso si nga gu hambanisago.

Ezekiyeli 21:21

Kholu mufumeli wa Bhabhiloni, a na ema vbamahandzakanyatunu, maphelotunu nya dzindzila dza dzimbili, gasi gu gira nyatumbatumbane; a na lodza siholoma saye, a wudzisa vanungungulu nya malipha, ni gu khedza mabindri nya sirengo nya miphaso.

Ezekiyeli 21:29

gasi li vegwa thamoni ga va nya gu dzi nyenyezisa ni va nya guvivbedwa khu myonyo, avo litshigu lawe ni gikhati nya tsayiso wawe nya guhegise gi vbohidego, na va gu gu wonisa siwoniso nyamba phasa gilo, ni gu sasuledza malipha.

Ezekiyeli 34:5

Khu guralo, olu dzi phalalegide, kholu dzi mwalo muhavisi, dzi khala guhodza nya sirengo satshavbo sa khabini.

Ezekiyeli 34:8

“Nyi ngu sambanya khu guvbanya gwangu kheni, a ngu ganela Mune Pfhumu Nungungulu: Olu tshambi wangu wu gu mwalo muhavisi, wu phangidwego wu khala guhodza nya sirengo sa khabini, ni olu vahavisi vangu va ngamba khathala khu tshambi wangu, va dzi havisa avo vabune va si havisi tshambi wangu,

Hoseya 3:4

Kholu sanana sa Israyeli si na vbanya matshigu nya mangi nyambana mufumeli, nyambana muthangeli, nyambana miphaso, nyambana gihuru nya guphasele avbo, nyambana efodhe mwendro terafime.

Mikeya 2:12

Gasi olu, nyi na bwelo khavbo nyi tombanisa vathu vago vatshavbo uwe Jakobe, nyi tshanganisa ni mitshaledwa ya Israyeli; nyi na va pata dangamwedo nga dzinvuta dza Bhozira, nga tshambi wu guromo phandroni, gu na pwala ligwaha nya likhongolo, khu kotani nya gutale nya vathu.

Habhakuka 2:18

Sa gu thuma ginani sithombe nya vanungungulu si nga girwago khu muvati? Ahati githombe nya dzisimbi a gu muhevbudzi nya malipha? Kholu wule a si vatago a gu vega gitumbo ga gifananiso nya nungungulu a gi giridego nyamba ganela uye khu mandza yaye?

Zakariya 11:17

Libango ga muhavisi nya gipumbu, a si sayisigo tshambi; a na paywe libogo laye khu litshari, li mu pole liso la nyamudye; libogo laye latshavbo li na bange ni liso laye la nyamudye li na khale gidzogo.

Mitengo 27:17

muthangeli a na thangago mbeli gwawe, gasi vathu vago va si gimbili kha nga tshambi nyambana muhavisi.”

Matewu 9:36

Na wonide gidzemo, a di gi pwela gisiro, kholu vatshavbo va di garade havo hokohoko, kha nga dzinvuta nyambana muhavisi.

Marko 6:34

Gikhati Jesu a nga tshiga khu ngalavani, a di wona gidzemo nya gingi, a va pwela wuhindzi, kholu va di khala nga dzinvuta nyambana muhavisi. A di phela gu va hevbudza silo nya singi.

Dhewuteronome 13:2

giyeyedzo gyogyo mwendro giliwugiso gyogyo gi ta ganela, khigyo: Hongoleni hi landrela vambe vanungungulu (u ngamba vati) hi va khozela,

Valamuli 18:14

Khavbo avbo, vama vale nya livbandre va nga hongolago vaya sola litigo la Layisi, va di embela va na gyawe, khavo: “Mu di gu dzitini nya gukhenu mudzinyumbani momu, yomo efodhe ni terafinisi, ni githombe nya guvatwe ni gimbe nya gupfhudwe, gani? Olu wonani iso mu yelago gu gira.”