Zakariya 1:8 - Bhibhiliya Nya Guage

⁸ Ni wutshigu, nyi di lora ndroro yeyi: Nyi di wona mwama moyo na khilede kavalu nya gufuvile, na emide vbakari nya misimbo yi ranwago gupwani murita, releloni nya kova nya guete; hwane gwaye gu diri ni dzikavalu nya gufuvile, nya gusivbale nidzo nya guage.

Zakariya 1:8 Iomraidhean Croise

Genesi 20:3

Aholu Nungungulu a di embela Abhimeleki khu ndroroni ni wutshigu, khuye: “U nafa khu kotani nya nyamayi u dzegidego, kholu ngadzavane.”

Genesi 46:2

Nungungulu a di ganela ga Jakobe khu ndroroni ni vbakari nya wutshigu, khuye: “Jakobe! Jakobe!” Uye a di hakha, khuye: “Nyi womo avba.”

1 Dzipfhumu 3:5

Nari Gibheyoni, Pfhumu Nungungulu a di dzi wonegisa ga Solomoni, khu ndroroni ni wutshigu; Nungungulu a mu embela, khuye: “Lomba igyo u gi vbwetago gasi nyi gu ninga.”

Nehemiya 8:15

Va huwelela ni gu tivisa madhoropani gwawe gwatshavbo gumogo ni Jerusalema, va ganela, khavo: “Khugani mu gwela sigomoni muya pila matamo nya miolivha ya khabini ni ya mahangeni, ni matamo nya migure ni migindru ni mahanvu nya gutale, mu dzi vbahela mitshatsha nga idzo gu lovidwego khidzo.”

Joba 4:13

Vbakari nya Wutshigu avbo vathu va ladego, nyi di wona dzindroro ni mihari-hari,

Gizimba 2:16

Gigodwa gyangu gya gulumba eni, eni neni nya gulumba uye tshambi waye a gu havisela vbakari nya senge.

Gizimba 6:2

Mwangadzi —Gigodwa gyangu gi relede thembweni gwaye, umo gu yadwego misimbo nya gunungele, aya hodzisa umo tshambi waye, ni gu havela senge.

Isaya 41:19

Nyi na yala misimbo nya sena musiwulani, ni misimbo nya ngure, morya ni olivha; gumogo ni ndziri umo nya mafu nya gihala, ni pinyu gumogo ni siringa.

Isaya 55:13

Wulangani nya likhabi nya miba gu na buga mipinyu (ndziri), ni wulangani nya sirangalabwa gu na buga senge nya likhomwa (murita); esi si na bani siri wuzundzo ga Pfhumu Nungungulu ni gialakanyiso nya gupindruge gi na gumba divadwa gambe.

Isaya 57:15

Kholu a gu ganela kharati, wule a Khusegidego, a guromo vbatshani ngudzu, a vbanyago kala gupindruga; uye a gu ni lina li Agidego, khuye: “Eni nya gu vbanyela wulanga wu agidego wu guromo vbatshani ngudzu, aholu nya gu vbanya gambe gumogo ni avo va khuvekidego ni vale va vbedego tshivba, gasi gu tiyisa vale va vbedego tshivba ni gu tiyisa myonyo ya vale va khuvegidego.

Dhaniyeli 2:19

Khavbo avbo, Dhaniyeli a di tugudziswa sihalo nya ndroro khu gu loriswa ni wutshigu. Dhaniyeli a di rungudza Nungungulu wa ndzadzini.

Dhaniyeli 7:13

Umo nya siwoniso sangu nya wutshigu, nyi di wona na guta khu mapfhini ya ndzadzini, moyo nya gufanane ni mwamana wa muthu. Ata ga wule a nga bani ari lidhota khu gale, va mu hidzimisa vbafuvbi gwaye.

Dhaniyeli 7:2

Dhaniyeli a di ganela, khuye: Na nyi lade ligovbeni, nyi di lora nyi wona dziphuvbo dzina dza ndzadzini na dzi gu dwana ni linene.

Zakariya 1:10

Mwama a nga bani na emide vbakari nya misimbo nya murita, a di hakha, khuye: Ava khu vale Pfhumu Nungungulu a va rumedego gu gudzundrulugela litigo.

Zakariya 1:11

Avo va di resa phindrulo ga ngilozi ya Pfhumu Nungungulu, yi nga bani yi emide vbakari nya misimbo nya mimurita, khavo: “Ethu hi vbedzide gu dzundrulugela litigo latshavbo, hi wonide nya gukhethu, li rude ni gutangala.”

Zakariya 1:7

Khu litshigu nya magumavili na mana nya ngima nya likhumi na moyo, a gu ngima nya sebati, khu mwaga nya wuvili nya gufume ga Dhariyo, lito la Pfhumu Nungungulu li dita ga muprofeti Zakariya, mwamana wa Bherekiya, tugulu wa Idho, khilo:

Zakariya 13:7

Uwe litshari, khuga u wugela Muhavisi wangu, ni gu wugela mwama a gu mubangaladzi wangu, a ngu ganela Pfhumu Nungungulu nya Tshivba Yatshavbo. Bayisa Muhavisi dzi fela gu phalalega dzinvuta, Eni nyi na thawuludza libogo nyi phasedzela avo nya vadugwane.

Mitengo 12:6

A va embela, khuye: “Olu yingisani magana yangu; vbakari gwanu a gu bani na romo muprofeti, Eni Pfhumu Nungungulu, nyi na dzi wonegisa gwaye khu giwoniso, nyi ganela naye khu ndroro.

Josuwa 5:13

Josuwa nari vbafuvbi ni Jeriko, na khuside maho a di wona mwama moyo na emide mbeli gwaye, na pharide litshari mandzani. Josuwa a di hidzimela gwaye aya mu wudzisa, khuye: “U moyo wathu, mwendro moyo ya valala vathu, gani?”

Gutuledwa 2:1

Lovela ngilozi nya libandla la Efeso, khuwe: “Wule a pharidego livbandre na dzimbili dzinyeledzi khu nyamudye; wule a vbindrago khu vbakari nya livbandre na dzimbili dzikandriya nya ndralama, wari, khuye:

Gutuledwa 6:2

Khavbo avbo, nyi di wona kavalu nya guage na yi gu duga, na yi khiledwe khu muthu na pharide wulaho mandzani. A di ningwa gihugu nya wufumu, a gu phara ndzila a hongola kha nga kuzi, gasi guya pala.

Gutuledwa 6:4

Khavbo avbo, yi di duga yimbe kavalu, nya gufuvile, na yi khiledwe khu muthu a nga ningwago tshivba nya guvbedze gurula tigoni, gasi vathu va songane khu gyawe. A di ningwa gambe litshari nya likhongolo.