Zakariya 1:6 - Bhibhiliya Nya Guage

⁶ Aholu, magana ni sileletelo sangu, nyi si tivisidego khu magana ya vaprofeti, sithumi sangu, ina kha sa pwala dzindzeveni ga vababe vanu, gani? Khavbo avbo, avo va di dzi laya va vbindrugedza va ganela, khavo: Pfhumu Nungungulu nya Tshivba Yatshavbo a hi pharidego kha nga idzo a hungidego khidzo gu hi tsayisa gukhedza khu mavbanyelo ni mithumo yathu.”

Zakariya 1:6 Iomraidhean Croise

2 Dzipfhumu 15:12

Aya khu magana ya Pfhumu Nungungulu a nga embelago Jewu, khuye: “Sanana sago, kala gitugulwana nya wu na; si na khala vbagikhalotunu nya wufumu wa na Israyeli.” Si di girega kharalo.

Joba 6:29

Pheledzani gu nyi lamula, mu nga nyi hoseli; kholu nyi mwalo nandru nyi nga tiyide gululamani.

Isaya 21:17

Mitshaledwa nya dzindrena dza Kedhari va kodzago gu dwana khu siholoma, va na vbungudwa ngudzu, kholu eni Pfhumu Nungungulu wa Israyeli, nyi ganede kharato.

Isaya 44:26

Aholu nyi ngu tiyisa magana ya githumi gyangu, nyi landrisa makungo ya sirumwa sangu, kheni nyi ganelago ga lidhoropa la Jerusalema, kheni: “Vathu va na bwelela va ta khala umo, nyi embela madhoropa ya Judha, kheni: Ma na vbahedzwa;” nyi na wusedza marumbi yawe.

Isaya 55:1

Enu mwatshavbo mu pwago lidora, deluni gibugani nya mati; ni enu mu gu mwalo dzitsapawu, deluni mu ta renga mu hodza; ina, deluni mu ta renga na muri mwalo dzitsapawu, mu na mana vbinyu ni mahwe mahala.

Isaya 55:11

Kharato nayo magana ma dugago khu kanani gwangu; kha ma na bwelela mahala nyamba ninga mihandro yaye, aholu ma na tadzisa guhaladza gwangu, ni gu gira iso nyi ma rumedego iso.

Jeremiya 23:20

Likhulo la Pfhumu Nungungulu kha li na vbindra na li si gu giri iso li fungidego gu gira; khu matshiguni nya guhegise mu na si wona ni gu siti gwadi.

Jeremiya 26:15

Gambe dzitini gwadi nya gukhenu, mwa gu nyi songa, mu na bani mu vbaladzide novba wu gu mwalo nandru vbatshani gwanu, vbatshani nya lidhoropa leli ni vbatshani nya vavbanyi vaye; kholu Pfhumu Nungungulu a nyi rumede guta mi pwadzelani dzindzeveni gwanu yatshavbo magana yaya.

Jeremiya 28:17

Muprofeti Hananiya a difa khu ngima nya livbandre na wuvili, nya mwaga wowo.

Jeremiya 32:24

Wona nya gukhuwe dzitshivba nya dzinyimbi ya valala dzi emide gasi gu dhumela lidhoropa dzi li wandra; olu lidhoropa leli li na ningedwa mandzani ga Vakalidhiya, gasi va li sasela khu matshari, ndzala ni mitungu. Iso u si ganedego si ngu tadzisega, kha nga u si wonago.

Jeremiya 36:28

“Dzega limbe libhuku u lova gambe momo magana yatshavbo ma nga bani ma lovidwe ga libhuku li vbisidwego khu Jowakimi, mufumeli wa Judha.”

Jeremiya 39:16

“Indra uya tivisa Ebhedhi-Meleki, Muetiyopi, khuwe: Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Wona, nyi na landrisa magana yangu vbatshani nya lidhoropa leli nasiri khu wuwadi, aholu khu wuvivbi; si na girega mahoni gwago ga litshigu lile kamwe.

Jeremiya 4:4

Khalani vathu va hanidego wugwera mahoni gwa Pfhumu Nungungulu, dusani guvivba gwa myonyoni gwanu enu vathu va Judha ni enu vavbanyi va Jerusalema, gasi mu sivbyi khu nilo nya likhulo langu, nyamba manega ni moyo nya gu wu tshime, khu kotani nya mithumo yanu nya guvivbe.

Jeremiya 44:2

“Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Enu mu si wone idzo nyi nga tsayisago khidzo Jerusalema gumogo ni madhoropa yatshavbo ya na Judha; ayo ma khade muhuno marumbi nyamba khadwa gambe khu muthu;

Jeremiya 44:28

Vadugwana ngudzu avo va na gu vbulugago gu sasedwa khu matshari va wuya tigoni gwawe Judhiya; avo va na vbulugago nya va na Judha va nga bani va khade valuveli tigoni ga Egipito, va na dziti nya gukhavo magana ya mani ma tiyidego: Ayo yangu, mwendro yawe.

Jeremiya 44:29

Pfhumu Nungungulu a ngu ganela, khuye: Eyi yi na bani yiri ndzila nya gu yeyedze ga enu nyi na gu mi tsayisago ga wulanga wowu, gasi mu dziti nya gukhenu magana yangu ma ngu tadzisega, khu gu wonani libango li na gu thegelago vbatshani gwanu.

Jeremiya 44:6

Kotani nya isoso, nyi di guhula likhulo ni khorodza yangu si ta vbisa madhoropa ya Judha gumogo ni dzindzila dza Jerusalema; muhuno ma khade marumbi ni giwula nyambana muthu kha nga mu si wonago.”

Jeremiya 5:14

Khu guralo, Pfhumu Nungungulu nya Tshivba Yatshavbo a ngu ganela kharati, khuye: “Kha nga olu mu ganedego isoso, eni nyi na vbindrugedza magana yangu ma khala nilo ni vathu vava nyi na va gira dzikhuni ni nilo va na gu vbiswago khuwo.”

Gililo 1:18

Uye Pfhumu Nungungulu lulamide, aholu eni nyi di bomba sileletelo saye. Yingisani mwatshavbo enu mayigo, mu wona gutshaniseka gwangu. Dzimbiri ni madzaha yangu, va vbagedwe va yiswa wugumbitunu. Qof

Gililo 2:17

Pfhumu Nungungulu tadziside gwago makungo yaye; giride iso a nga bani na gu ganela khu matshiguni ya gale. Pfhungumude nyamba pwela gisiro; tsakiside valala vago khu kotani nya guthege gwago, a va engedzede tshivba. Sade

Gililo 3:42

Hi gu ghohede, ni gumba gu yingisa, uwe Pfhumu, khu guralo khwa hi divalela. Samec

Ezekiyeli 20:43

Avbovbo mu naya alakanya dzindzila dzanu ni mithumo yanu yatshavbo iyo mu dzi nyenyezisidego khiyo, mu napwa wuvi enu vamune kamwe khu iso mu giridego.

Ezekiyeli 37:11

Khavbo avbo, a di nyi embela, khuye: “Mwamana wa muthu, marambo yaya khu va na Israyeli. Avo vari, khavo: Marambo yathu ma bangide, gu mbembide gutumba gwathu; hi mbembisidwe.

Dhaniyeli 4:28

Avbo mufumeli a nga bani nasi vbedzi gu ganela, gu di pwala lito khu ndzadzini, khilo: Mufumeli Nabhukodhonosori, mufumo wago wu dusidwe.

Hoseya 5:9

Litshigu nya tsayiso, Efrayimi a na khungumudwa. Vbakari nya mahundzu ya va na Israyeli, nyi yeyedzide iso si na giregago.

Hoseya 9:15

Wuvivbi wawe watshavbo, wu khugede Giligali, kholu, khiyo iyo nyi nga phela gu va venga, khu kotani nya mithumo yawe nya guvivbe, nyi va tutumiside tigoni gwangu. Nyi si va goli gambe, Vathangeli vawe vatshavbo sindraga milayo.

Amosi 9:10

Sighohi satshavbo si guromo vbakari ga vathu vangu, si na songwa khu matshari, vatshavbo va ganelago, khavo: Gima kha hi na thegedwa khu libango ambari guvbohedwa khilo.

Zakariya 1:7

Khu litshigu nya magumavili na mana nya ngima nya likhumi na moyo, a gu ngima nya sebati, khu mwaga nya wuvili nya gufume ga Dhariyo, lito la Pfhumu Nungungulu li dita ga muprofeti Zakariya, mwamana wa Bherekiya, tugulu wa Idho, khilo:

Malakiya 3:18

Khavbo mu na wonago nyaluphye guhambana gu guromo ga vathu nya gululame ni vale nya guvivbedwe khu monyo, ga vathu va khozelago Nungungulu ni avo va gumba mu khozela.

Mitengo 23:19

Nungungulu kha liphi kha nga muthu; gambe kha vbindrugedzi mawonelo, kha nga gyanana nya muthu. Gasi khandri Uye a ganedego bwelo khavbo a si gira, gani? A tumbisa, a tadzisa gitumbiso gyaye, gani?

Mitengo 32:23

Aholu, mwa gumba girani kharalo, mu na bani mu ghohede Pfhumu Nungungulu, gambe dzitini nya gukhenu gighoho gyanu gi na mi resela tsayiso.

Mitengo 33:56

Khu guralo, Eni nyi na gira gwanu iso nyi nga vbweta gu gira gwawe.”

Matewu 24:35

Yi na vbindra ndzadzi ni mafu, aholu mahungu yangu gima kha ma na vbindra.

Dhewuteronome 28:15

Aholu, wa gumba yingisa lito la Pfhumu, Nungungulu wago, u si khathali khu gu landrisa milayo ni sileletelo saye nyi gu ningago muhuno, dzitshanisa dzi na gutago vbatshani gwago khedzi:

Dhewuteronome 28:2

Wa gu yingisa lito la Pfhumu Nungungulu wago, makategwa yaya yatshavbo ma na tshiga vbatshani gwago.

Dhewuteronome 28:20

Pfhumu Nungungulu a na resa libango vbatshani gwago, pfilupfilu, gutshaniseka ni gu luzekedwa khu mithumo yatshavbo ya mandzani gwago, kala u mbembiswa khu guvbiredza, khu kotani nya mithumo yago nya guvivbe u yi giridego khu guhambana ni eni.

Dhewuteronome 28:45

Uwe u na landreledwa khu mabango yatshavbo yaya, kala ma gu mana, ma gu mbembisa, kholu khwa yingisa lito la Pfhumu Nungungulu wago, gasi u vegisa ni gu landrisa milayo yaye ni sileletelo esi a gu ningidego.

1 Vatesalonika 5:4

Vandruye, enu kha mu vbanyi gidemani nya wutshigu, khu guralo, litshigu lolo kha li dzi kodzi gu vboha ga enu kha nga mbafa, yitago wutshigu.