Zakariya 1:4 - Bhibhiliya Nya Guage

⁴ Mu nga girini kha nga vababe vanu, va nga huweledwa khu vaprofeti nya guhegule, va nga ganela gwawe, khavo: Pfhumu Nungungulu nya Tshivba Yatshavbo, a ngu ganela kharati, khuye: Vbindrugedzani, mu diga dzindzila dzanu nya guvivbe ni mithumo yanu nya gunyenyeze. Aholu avo kha va nyi yingisa, gambe gima kha va thela kota khu eni, a ngu ganela Pfhumu Nungungulu.

Zakariya 1:4 Iomraidhean Croise

2 Dzikoronika 30:6

Khu guralo, myango yi di phalalega gumogo ni malangalila, ma nga lowago khu mufumeli ni manganagana yaye tigoni gwatshavbo ga Israyeli ni ga Judha, va tivisa kha nga guleletisa ga mufumeli a nga khuye: “Enu va na Israyeli, vbindrugedzani mavbanyelo mu wuye ga Pfhumu Nungungulu wa Abrahama, wa Isaki ni wa Israyeli; gasi a wuye ga enu mu vbulugidego khu mandzani ga vafumeli va Asiriya.

2 Dzikoronika 30:7

Mu nga girini kha nga vababe vanu ni vandriyanu, va nga pfhurarela Pfhumu Nungungulu wa vababe vawe, kala va dzi ningela ga libango nya guthise kha nga mu si wonago.

2 Dzikoronika 34:21

“Indrani mu ya wudzisa khu lina langu ga Pfhumu Nungungulu, ni lina la mitshaledwa ya na Israyeli ni ya na Judha, mayelano khu libhuku leli li tugudwego, kholu likhulo la Pfhumu Nungungulu likhongolo ngudzu vbatshani gwathu, kholu vababe vathu kha va landrisa magana ya Pfhumu Nungungulu ni gu gira kha nga idzo gu lovidwego khidzo umo nya libhuku leli.”

Ezira 9:7

Gukhugela matshiguni ya vababe vathu, kala litshigu la muhuno, hi rwade nandru nya wukhongolo, khu kotani nya sighoho sathu, ethu ni vafumeli vathu ni vaphasi vathu, hi ningedwe mandzani ga vafumeli nya va nya mayigo, hi sasedwa khu matshari, hi yiswa wugumbini, hi phangwa, ni gu thedwa dzitshoni dzi nga gu hi fenengedzago dzikhovbeni kha nga hi si wonago muhuno.

Nehemiya 9:16

Aholu avo gumogo ni vababe vathu, va di gu yeyisa va gira matshandza ni gu bangisa dzithamo dzawe va si gu thumeli, va si yingisi milayo yago.

Nehemiya 9:26

Ambari khu guralo, va di bomba, va gu wugela va si gu yingisi, va gu pfhurarela va si landrisi Nayo wago. Va di songa vaprofeti vago, avo va nga bani va va embela gasi va vbindrugedza mavbanyelo va bwelela avbo gwago, va bwelo khavbo va gira gunyenyeza nya gukhongolo.

Nehemiya 9:30

Aholu gu di vbindra myaga nya yingi nu gu va timisela; U va khongotela khu liphuvbo lago, khu magana ya vaprofeti vago, aholu kha va nga gu yingisa. Khavbo avbo, U di va ningela mandzani ga vathu nya mayigo ya vbavbandze.

Dzindzimo 78:8

va si giri kha nga vababe vawe, vathu nya guyeyise ni gumba yingela, vathu nya gubange mihungo, nyamba tiya gutumbani gwawe ga Nungungulu wawe.

Isaya 31:6

Khu guralo, olu enu va na Israyeli vbindrugedzani mu wuya gwaye enu mu nga bani mu hambanide naye.

Jeremiya 18:11

Gasi olu, embela vathu va na Judha ni vavbanyi va Jerusalema, khuwe: Pfhumu Nungungulu a ngu ganela kharati, khuye: “Wonani nya gukhenu nyi ngu mi dongisela dzimhango ni gikungo nya gu mi wugele; dzi woneleni olu vbindrugedzani mavbanyelo yanu nya guvivbe, muthu ni muthu a ndreya ndzilani gwaye mu lulamisa dzindzila dzanu ni sigiro sanu.”

Jeremiya 23:22

Aholu nari pwani va di landrisa gugola gwangu, na va tiviside vathu magana yangu, gasi va vbindrugedze mavbanyelo yawe nya guvivbe va wuya ndzilani nya gululame.

Jeremiya 25:8

Khu guralo, Pfhumu Nungungulu nya Tshivba Yatshavbo, a ngu ganela kharati, khuye: “Kha nga olu mu ngamba yingisani magana yangu,

Jeremiya 26:5

mwa gumba yingisa gambe magana ya sithumi sangu, vaprofeti, a gu avo nyi mi rumelago gikhati gyatshavbo, gambe kala ni olu mu si va yingisago,

Jeremiya 3:12

Indra khu phuvbo ga Wuronga u ya huwelela magana yaya, khuwe: Pfhumu Nungungulu a ngu rana Israyeli, khuye: Wuya eno gwangu, ambari u ndreyidego. Kholu nyi na gu pwela wuhindzi, kha nyi na gu girela likhulo; a ngu ganela Pfhumu Nungungulu.

Jeremiya 3:14

Wuyani gwangu enu sanana nya gukanyise, a ngu ganela Pfhumu Nungungulu; kholu eni kheni Pfhumu yanu, nyi na mi dzegani, moyo ni moyo khu madhoropani ni vavili-vavili khu lihundzu ni lihundzu nyi mi hetedza kala Siyoni.

Jeremiya 35:15

Gukhugela gale nyi mi rumedeni sithumi sangu, vaprofeti, gasi si mi embela, khiso: Vbindrugedzani mu ndreya ndzilani nya guvivbe, mu gira mithumo ya yadi mu si landreli vambe vanungungulu gasi mu va khozela; khu kharato mu na simama gu khala ga litigo nyi mi ningidego enu ni vababe vanu; aholu enu mu di sega dzindzeve dzanu mu si dzumeli gu nyi yingisa.

Jeremiya 4:1

Pfhumu Nungungulu a ngu ganela, khuye: Wa gu vbindrugedza mavbanyelo uwe Israyeli, u na wuya avbo gwangu. Wa gu ndreyisa mbeli gwangu manyala yago, khu na legalega gambe,

Jeremiya 44:16

“Magana u hi embelago nya gukhuwe ma guta khu ga Pfhumu Nungungulu, ethu gima kha hi na gu yingisa!

Ezekiyeli 14:6

Khu guralo, embela va na Israyeli, khuwe: Mune Pfhumu Nungungulu a ngu ganela kharati, khuye: Dzi layeni! Mu hambana ni sifananiso sanu ni gu diga mithumo yanu yatshavbo nya gunyenyeze.

Ezekiyeli 20:18

Aholu nyi di embela sanana sawe giwulani, kheni: Mu nga yingisi sileletelo sa vavelegi vanu, gambe mu nga dzi nyenyezisi khu sifananiso sawe.

Ezekiyeli 33:11

Va embele, khuwe: Mune Pfhumu Nungungulu, a ngu sambanya khuye, kha nyi tsakiswi khu gufa ga muthu nya guvivbedwe khu monyo, aholu nya gu tsakiswa khu gu muthu nya guvivbedwe khu monyo a ndreye ndzilani gwaye nya guwegele a kodza guvbanya, vbindrugedzani, vbindrugedzani dzindzilani gwanu nya guwegele; khu ginani vathu vago va na fago, uwe litigo la Israyeli?

Ezekiyeli 33:4

khavbo avbo, uye a na pwago gudzuma nya pundru a si khathali, a ta songwa khu litshari, novba waye wu na thegela hungoni gwaye.

Dhaniyeli 9:6

Kha ha yingisa malito ya vaprofeti, sithumi sago, va ganedego khu lina lago ga vafumeli vathu, ga vathangeli vathu, ga vababe vathu, kha nga gambe ga vathu vatshavbo va tigoni.

Hoseya 14:1

Uwe Israyeli, wuya ga Pfhumu Nungungulu wago. Kholu u thesidwe khu sighoho sago.

Amosi 5:24

Aholu lisine li na goge kha nga mati, ni gululama gu fanana ni gitsongwana nyamba vbwa.

Mikeya 2:6

Vaprofeti va di ganela, khavo: “Mu nga profeti;” avo va profetago, va nga profeti khu magirelo yoyo, kholu hi nga thegedwa khu libango.

Zakariya 1:3

Khu guralo, uwe va embele, khuwe: Pfhumu Nungungulu nya Tshivba Yatshavbo, a ngu ganela kharati, khuye: Wuyani gwangu, a ngu ganela Pfhumu Nungungulu nya Tshivba Yatshavbo, eni neni nyi na wuya gwanu, a ngu ganela Pfhumu Nungungulu nya Tshivba Yatshavbo.

Zakariya 7:7

Kha mwa ma pwani magana ya Pfhumu Nungungulu a nga ma tivisago khu magana ya vaprofeti va gale, matshiguni yale Jerusalema gu nga bani gu vbanya vathu khu gurula gumogo ni madhoropa yaye ma mu randredego, gikhati sipandre nya mayigo ya Negebhi ni Sefela ma nga bani ma tade khu vathu, gani?”

Mithumo 26:20

Guphela nyi di tshumayela dhoropani ga Dhamasiko, nyi bela Jerusalema ni litigo latshavbo la Judheya nyi vbindrela mayigoni ya vbavbandze. Ga vatshavbo nyi tivisa gukheni gu vbwetega gu vbindrugedza mavbanyelo, va diga sighoho sawe, va wuya ga Nungungulu, va yeyedze gu vbindrugedza gwawe khu mithumo ya yadi.

Mithumo 3:19

Khu kharato, dzi layeni mu vbindrugedza mavbanyelo, gasi mufela gu tsetseledwa sighoho sanu;

1 Pedro 1:18

Kholu enu mu ngu wutini gwadi tengo wu livbidwego gasi gu mi tshula guvbanyani nya gumba phasa gilo, mu gu hakhidego ga vababe vanu. Tengo yoyo khandri gilo gi kuwulugago nga ndralama mwendro parata.