Zakariya 1:16 - Bhibhiliya Nya Guage

¹⁶ Khu guralo, Pfhumu Nungungulu, a ngu ganela kharati, khuye: “Eni nyi na wuya nyaluphye Jerusalema na nyi tade khu gisiro; nyumba yangu yi na vbahedzwa umo, a ngu ganela Pfhumu Nungungulu nya Tshivba Yatshavbo, ni ngodzi nya gupime khiyo, yi na thawuludzwa Jerusalema.”

Zakariya 1:16 Iomraidhean Croise

Joba 38:5

Khu mani a vegidego mivbingano nya mipimo yaye, mwendro sago u ngu muti! Uye a ladzidego dzingodzi nya pimo waye?

Isaya 12:1

Ga litshigu lolo, u na embelela, khuwe: “Nyi ngu gu bonga uwe Pfhumu Nungungulu, kholu, ambari nyi gu gorosidego, olu U duside likhulo lago avbo gwangu. Uwe u ngu nyi tangadzisa.”

Isaya 34:11

Khu kharato, gu na khala umo masekwa ni vanyamatate; mapfhuguli ni vamahigonganye va na vbanya umo, uye a na ladza umo ngodzi nya pfilupfilu ni pimo nya gumbembise.

Jeremiya 30:18

Pfhumu Nungungulu a ngu ganela kharati, khuye: “Nyi na wusedza mitshatsha ya na Jakobe, ni gu pwela wusiwana dzindranga dzawe; lidhoropa li na vbahedzwa vbatshani nya marumbi yaye ni nyumba nya mufumo yi na vbahedzwa gu fanana ni idzo yi nga bani yi romo khidzo khu gale.

Ezekiyeli 40:3

Uye a di nyi dzega a nyi yisa iyoyo, nyi wona mwama moyo nya giyemo nya gufanane ni sugu; a di emide vbamwanyatunu na pharide mandzani ngodzi nya seda ni tshava nya gupime khiyo.

Ezekiyeli 47:3

Mwama wule a diya phuvbo ga Khugadambo, na pharide mandzani ngodzi nya gupime khiyo; a di pima likhumi mazana (1.000) mikono, a nyi vbindrisa khu matini, mati ma di gu nyi langaladza migondro.

Ezekiyeli 48:35

Pfhuka wa maphuvbo yatshavbo wu diri wa likhumi na livbandre na mararu magumi mazana (18.000); lina nya lidhoropa, gukhugela litshigu lile li na pwani: Pfhumu Nungungulu womo vbale.

Agewu 1:14

Khu guralo, Pfhumu Nungungulu, a di khendzugisa liphuvbo la Zorobhabheli, mwamana wa Salatiyeli, mwamangulu wa Judha, ni liphuvbo la Josuwa, mwamana wa Jozadhaki, muphasi nya khongolo nya mhamba, ni liphuvbo la mitshaledwa yatshavbo, va ta thuma thumo nya guvbahedze Nyumba ya Pfhumu Nungungulu, nya Tshivba Yatshavbo, Nungungulu wawe,

Zakariya 10:6

Nyi na ninga tshivba nyumba ya Judha, nyi wuya nyi vbanyisa nyumba ya Josefa, eni nyi na va wuyisa nyaluphye, kholu nyi ngu va pwela wusiwana. Va na gira gukhwatshi gima kha nya nga va diga, kholu eni kheni Pfhumu Nungungulu wawe, nyi na va ninga phindrulo.

Zakariya 2:4

yi ya yi embela, khiyo: “Tutuma u ya embela lidzaha lile, khuwe: Jerusalema gu na khala kha nga mitalala nyambana mabhiyo khu kotani nya talo nya vathu vaye ni sifuyo saye nya singi.

Zakariya 2:5

Aholu Eni, a ngu ganela Pfhumu Nungungulu, nyi na khala kha nga libhiyo nya nilo li va dzundrulugedego, eni mune kamwe nyi na khala wudhumo waye, vbakari gwaye.”

Zakariya 2:6

Pfhumu Nungungulu wari, khuye: Dzi woneleni! Dzi woneleni! Olu thavani khu tigoni ga Wuronga, kholu eni nyi mi phalalegiside ga dzikhona dza dzina nya litigo, a ngu ganela Pfhumu Nungungulu.

Zakariya 4:9

“Mandza ya Zorobhabheli ma tsitside khokhweni nya nyumba yeyi, mandza yaye gambe ma na vbedzisa gu yi vbaha. Gasi mu kodza gu dziti nya gukhenu Pfhumu Nungungulu nya Tshivba Yatshavbo a nyi rumede gwanu.

Zakariya 8:3

Pfhumu Nungungulu a ngu ganela kharati, khuye: “Nyi na bwelela Siyoni, nyi ya vbanya vbakari nya lidhoropa la Jerusalema; Jerusalema gu na ranwa lidhoropa nya lisine, ni gigomo gya Pfhumu Nungungulu nya Tshivba Yatshavbo gi na ranwa gupwani Gigomo nya Guage.”