Zakariya 1:12 - Bhibhiliya Nya Guage

¹² Khavbo avbo, ngilozi ya Pfhumu Nungungulu, yi di wudzisa, khiyo: “Ama Pfhumu Nungungulu nya Tshivba Yatshavbo, u na kala lini nu si pweli wusiwana Jerusalema ni madhoropa yatshavbo ya Judha u ma tshanisago khu likhulo lago ndrani nya gipandre gegi nya livbandre na mavili magumi (70) myaga?”

Zakariya 1:12 Iomraidhean Croise

2 Dzikoronika 36:21

Gasi gutadzisega magana ya Pfhumu Nungungulu ma ngatago khu kanani ga muprofeti Jeremiya, a nga khuye: Litigo li na pfhungumudwa li khala marumbi gipimo nya livbandre na mavili magumi (70) myaga, gikhati gyatshavbo gegi, litigo li na sayisa dzisabhadho dzaye, li bwelo khavbo li hefemula.

Dzindzimo 102:10

khu kotani nya gu goroge ni likhulo lago, kholu u di nyi khusa u nyi rinya hwindzo.

Dzindzimo 102:13

U na khuga u ema u girela wuhindzi Siyoni, gikhati nya gu u mupwela gisiro, khigyo egi gikhati gi emisedwego.

Dzindzimo 69:5

Uwe Nungungulu u ngu wuti gwadi wupumbu wangu, ni sihoso sangu kha si gu sihaleli.

Dzindzimo 74:10

Ama Nungungulu, valala vathu va na hi poyila kala lini? Ina avo va na simama gu vala lina lago gikhati gyatshavbo, gani?

Dzindzimo 79:5

Pfhumu Nungungulu, likhulo lago li na simama kala lini? Ina likhulo lago li na simama li khondra kha nga nilo, gani?

Muhevbudzi 3:3

gikhati nya gusonge, ni gikhati nya guvbanyise; gikhati nya gupfhungumule, ni gikhati nya guvbahe;

Isaya 47:6

Na nyi khuvegide ngudzu khu kota ya vathu vangu, nyi di nyenyezisa thomba yangu nyi yi ningela mandzani gwago. Aholu uwe gima khwa va pwela gisiro; ambari ni sikhosane u di si rwega mirwalo nya gulemele ngudzu.

Isaya 63:9

Gutshanisekani gwawe gwatshavbo, uye a di tshaniseka gumogo navo, Ngilozi yi guromo mbeli gwaye, yi di va vbulugisa; a di va dzegisa khu lihaladzo ni gu va pwela gisiro, a va dzega, a va hetedza gukhugela matshiguni yawe yatshavbo ma vbindridego.

Jeremiya 12:4

Kala lini litigo na liri ni gililo, ni gu banga mwasi wa marembweni gwatshavbo? Khu kotani nya guvivbe nya avo va vbanyago umo, gu ngu mbemba sirengo ni sinyoni; na va gukhavo: “Uye kha na wona mahegiso yathu.”

Jeremiya 15:17

Gima kha nya khala tshanganoni nya vatseketseli ambari gutsaka navo; nyi di khala nyonga nyi phasedzedwa khu mandza yago, kholu likhulo lago li di tadza hefemulo wangu.

Jeremiya 29:10

Pfhumu Nungungulu a ngu ganela kharati, khuye: Avbo gu na tadzisegago myaga nya livbandre na mavili magumi, na mu fumedwe khu Vabhabhiloni, Eni nyi nata mi holelani gasi nyita gira gidzumeledzwano nyi giridego nanu, ni gu mi wuyisa nyaluphye wulanga wowu.

Jeremiya 30:18

Pfhumu Nungungulu a ngu ganela kharati, khuye: “Nyi na wusedza mitshatsha ya na Jakobe, ni gu pwela wusiwana dzindranga dzawe; lidhoropa li na vbahedzwa vbatshani nya marumbi yaye ni nyumba nya mufumo yi na vbahedzwa gu fanana ni idzo yi nga bani yi romo khidzo khu gale.

Dhaniyeli 12:6

Mweyo nya idzo yi di embela mwama a nga bani na ambade dzingandzu nya seda, na khade vbatshani nya tsongo, khiyo: “Gu nata lini mahegiso nya siliwugiso sesi?”

Dhaniyeli 9:2

Khu mwaga nya guhegule nya gufume gwaye, eni Dhaniyeli, nyi di wu pima khu gu hevbula umo nya mabhuku, tengo nya myaga, eyi Pfhumu Nungungulu a nga ganelago ga muprofeti Jeremiya, gukhuye khu hwane nya livbandre na mavili magumi myaga, Jerusalema gu na pfhungumudwa gu khala marumbi.

Habhakuka 1:2

Kala lini, Pfhumu Nungungulu na nyi gu lila u si nyi yingisi? Nyi laledza avbo gwago, kheni: “Nyi ngu sasedwa!” Uwe khwa nyi vbanyisa?

Zakariya 1:8

Ni wutshigu, nyi di lora ndroro yeyi: Nyi di wona mwama moyo na khilede kavalu nya gufuvile, na emide vbakari nya misimbo yi ranwago gupwani murita, releloni nya kova nya guete; hwane gwaye gu diri ni dzikavalu nya gufuvile, nya gusivbale nidzo nya guage.

Zakariya 7:5

“Nga wudzisa ga vathu vatshavbo va tigoni momu ni ga vaphasi nya mhamba, khuwe: Avbo mu nga lilani ni gu hala khu ngima nya livbandre ni oyu nya livbandre na mivili, ndrani nya myaga yeyi nya livbandre na mavili magumi, ina mu di hala khu kotani gwangu, gani?

Vahebheru 7:25

Khu guralo, uye a ngu dzi kodza gu vbanyisa, olu ni gikhati gyatshavbo, vale va hidzimelago ga Nungungulu khu uye, kholu a ngu vbanya kala gupindruga gasi gu lombelela khu avo ga Nungungulu.

Gutuledwa 6:10

Va di gu huwelela khu tshivba, khavo: “ Pfhumu, uwe khuwe u agidego ni gutumbega! Hi na lirela kala lini gasi u lamule vathu va tigonimu, u hi phodzela olu va nga hi songetelago?”