Zakariya 1:11 - Bhibhiliya Nya Guage

¹¹ Avo va di resa phindrulo ga ngilozi ya Pfhumu Nungungulu, yi nga bani yi emide vbakari nya misimbo nya mimurita, khavo: “Ethu hi vbedzide gu dzundrulugela litigo latshavbo, hi wonide nya gukhethu, li rude ni gutangala.”

Zakariya 1:11 Iomraidhean Croise

Joba 1:7

Khavbo avbo, Pfhumu Nungungulu a di wudzisa Sathane, khuye: “Gasi uwe wa guta khu hayi?” Sathane a di hakha Pfhumu Nungungulu, khuye: “Nya gu legalega tigoni nyi zulazula mafuni.”

Dzindzimo 68:17

Nungungulu khugide khu gigomoni gya Sinayi, nari ni mazanazana nya dzikareta nya nyimbi, aya bela makhuvini nya Nyumba yaye nya guage.

Isaya 14:7

Olu litigo latshavbo lomo gurulani! Va gu womba mikulungwane va embelela khu gutsaka.

Dhaniyeli 10:20

Khavbo avbo, uye a di nyi embela, khuye: U ngu dziti gukhuwe ginani gi nga nyi tisago avbo gwago, gani? Nya guta gu tivisa gukheni nyi ngu yela gu bwelela nyi ya dwana ni girumwa gya Perisiya, me ni gu nyi khuga, gi na vboha girumwa gya Gerekiya;

Zakariya 1:10

Mwama a nga bani na emide vbakari nya misimbo nya murita, a di hakha, khuye: Ava khu vale Pfhumu Nungungulu a va rumedego gu gudzundrulugela litigo.

Zakariya 1:15

Gambe nyi ngupwa likhulo nya likhongolo ngudzu khu kotani nya mayigo ma guromo gukhadzisegani; kholu avbo eni nyi nga bani nyi gorogide vbadugwana khu kotani nya vathu vangu, ayo ma di engedzela gu gira guvivba.

Zakariya 1:8

Ni wutshigu, nyi di lora ndroro yeyi: Nyi di wona mwama moyo na khilede kavalu nya gufuvile, na emide vbakari nya misimbo yi ranwago gupwani murita, releloni nya kova nya guete; hwane gwaye gu diri ni dzikavalu nya gufuvile, nya gusivbale nidzo nya guage.

Zakariya 6:7

Dzikavalu nya tshivba dzi di duga dzi zama gu thanga mbeli gasi gu dzundrulugela litigo. Pfhumu Nungungulu a dzi embela, khuye: “Gimbilani mu dzundrulugela litigo latshavbo.” Idzo dzi di duga dzi dzundrulugela litigo.

Matewu 13:41

Mwamana wa Muthu a na rumela dzingilozi dzaye dzi dusela Mufumoni gwaye satshavbo sikhunguvanyiso ni ava va girago guvivba,

Matewu 13:49

Khidzo kharati gu na giregago guhegisani nya litigo: Dzi na duga dzingilozi dzi ta hambanisa avo nyamba vadi vbakari nya va nya ndruda,

Matewu 25:31

“Gikhati Mwamana wa Muthu a na gu tago na tade khu gidhumo gyaye, nari ni satshavbo sihathwa ni dzingilozi dzatshavbo, gumogo naye a nata khala vbagikhalotunu gwaye nya wufumu.

1 Vatesalonika 5:3

Gikhati vathu va ganelago, khavo: “Litigo li lade, gu mwalo gilo,” khavbo avbo gu natago, khu gipitipiti, gumbemba vbatshani gwawe. Va na khala nga nyamayi nya mimba gikhati a lumwago, kha va na vbuluga.

2 Vatesalonika 1:7

Gasi enu mu nga sanisekago gumogo ni ethu, a na hi ninga guhefemula gikhati a na gutago khu Ndzadzini Pfhumu Jesu Kristo, gumogo ni dzingilozi dzaye, na tade khu tshivba.

Gutuledwa 1:1

Khugo ogu gutuledwa ga Jesu Kristo, ugo a nga ningwago khu Nungungulu, gasi a yeyedze ga sithumi saye iso si guromo vbafuvbi ni gu girega. Uye tiviside silo sesi khu ga ngilozi yaye a nga yi rumelago ga githumi gyaye Johane.