Zakariya 1:1 - Bhibhiliya Nya Guage

¹ Khu ngima nya livbandre na miraru nya mwaga nya wuvili nya gufume ga Dhariyo, lito la Pfhumu Nungungulu li dita ga muprofeti Zakariya, mwamana wa Bherekiya, mwamana wa Idho, khilo:

Zakariya 1:1 Iomraidhean Croise

Ezira 4:24

Khavbo avbo, va di diga thumo nya guvbahe Nyumba ya Nungungulu Jerusalema, yi ema kala mwaga nya wuvili nya gufume ga Dhariyo, mufumeli wa va Perisiya.

Ezira 5:1

Vaprofeti Agewu ni Zakariya mwamana wa Idho, va di profeta ga Vajudha va nga bani vari Jerusalema ni Judha; va di va profeta khu lina la Nungungulu wa Israyeli.

Nehemiya 12:16

nyumba ya Idho, Zakariya; ya Ginetomi, Mesulami;

Nehemiya 12:4

Idho, Genetoyi, Abhiya,

Agewu 1:1

Khu mwaga nya wuvili nya mufumo wa mufumeli Dhariyo, khu litshigu nya guhegule nya ngima nya livbandre na moyo, magana ya Pfhumu Nungungulu ma dita khavbo ga muprofeti Agewu, a ma vbohisa ga Zorobhabheli, mwamana wa Salatiyeli, mwamangulu wa Judha, ni ga Josuwa, mwamana wa Jozadhaki, muphasi nya khongolo nya mhamba, khuye:

Agewu 1:15

khu litshigu nya magumavili na mana matshigu nya ngima nya livbandre na moyo, khu mwaga nya wuvili nya gufume ga Dhariyo.

Agewu 1:3

Khu guralo, magana ya Pfhumu Nungungulu, ma dita khavbo nya thumo nya wuprofeti wa Agewu, khuye:

Agewu 2:10

Khu litshigu nya magumavili na livbandre na mana nya ngima nya livbandre na wu na, khu mwaga nya wuvili nya gufume gwa Dhariyo, lito la Pfhumu Nungungulu, li dzude khu ga muprofeti Agewu, a ganela, khuye:

Agewu 2:20

Mahungu ya Pfhumu Nungungulu ma dita nya wuvili avbo ga Agewu, khu litshigu nya magumavili na mana nya ngima, a mu embela, khuye:

Zakariya 1:7

Khu litshigu nya magumavili na mana nya ngima nya likhumi na moyo, a gu ngima nya sebati, khu mwaga nya wuvili nya gufume ga Dhariyo, lito la Pfhumu Nungungulu li dita ga muprofeti Zakariya, mwamana wa Bherekiya, tugulu wa Idho, khilo:

Zakariya 6:9

Pfhumu Nungungulu a di nyi embela, khuye:

Zakariya 7:1

Khu litshigu nya wu na nya ngima nya livbandre na wu na, wu ranwago pwani Kisilewu, nya mwaga nya wu na nya gufume ga mufumeli Dhariyo. Magana ya Pfhumu Nungungulu ma di rumedwa ga muprofeti Zakariya.

Matewu 23:35

gasi gu novba watshavbo wa va nya ndruda wu vbalagele vbatshani gwanu, nya nga uwo wu nga vbaladzwago gukhugela gu songwa gwa Abheli, mululami, kala ugo gwa Zakariya, mwamana wa Bherekiya, mu nga mu songago vbakari nya makhuvi nya guagiswe nya Nyumba ya Nungungulu ni giluvelo.

Luka 11:51

gukhugela gu songwa gwa Abheli kala gu songwa gwa Zakariya, a nga songwago vbakari nya giluvelo ni makhuvi nya Nyumba ya Nungungulu. Khidzo nyi mi embelago, Nungungulu a na lamula mela yoyu khu satshavbo sesi.