Varoma 10:3 - Bhibhiliya Nya Guage

³ Kholu kha va pimi ndzila ya Nungungulu a ningago khiyo vathu gululama mahoni gwaye. Avo va gu dzi garadza khu magirelo yawe, aholu va diga gulandra ndzila yi vegisidwego khu Nungungulu.

Varoma 10:3 Iomraidhean Croise

Nehemiya 9:33

Ga satshavbo si hi dugelelago, Uwe U thumide khu gululama, ethu hi gira guvivba.

Joba 33:27

Khu hwane a na wona vathu a ganela, khuye: Nyi ghohide khu gumba landrisa nayo, aholu uye kha nyi tsayisa gulandra khu sighoho sangu.

Dzindzimo 71:19

Gululama gwago, Nungungulu, gu ngu khusega kala ndzadzini. Uwe Nungungulu U giride silo nya sikhongolo ngudzu, khu mani nya gufanane ni uwe?

Isaya 51:1

Nyi yingiseni, enu mu vbwetago gululama, enu mu vbwetago Pfhumu Nungungulu; wonani giwindri mu kokidwego mu duswa khavbo ni phagoni mu dusidwego khumo;

Isaya 51:6

Khusedzani maho mu khedza ndzadzini, mu wona vbavbatshi nya mafu; ndzadzini gu na mwalalega kha nga wutshi, ni mafu nayo, ma na hagala gu fanana ni guambala. Avo va vbanyago umo, va nafa gu fanana ni dzitshuna; aholu guvbanyisa gwangu gu na simama kala gupindruga, ni gululama gwangu kha gu na thindrekiswa.

Isaya 51:8

Kholu avo va na hodzwa khu muhwa kha nga mwendra, va hodzwa khu siwungu kha nga mawoya; aholu gululama gwangu gu na simama kala gupindruga, ni guvbanyisa gwangu, gu na thapela mimela ni mimelana.

Isaya 56:1

Pfhumu Nungungulu a ngu ganela kharati, khuye: “Ningani githawo nayo wangu ni gu gira gululama, kholu guvbanyisa gwangu gomo vbafuvbi ni gu vboha, ni gulamula gwangu gomo vbafuvbi ni gu gutadzisega.

Isaya 57:12

Gululama gogo gwago, nyi na gu huwelela, ni mithumo yago, kha yi na gu phasa gilo.

Isaya 64:6

Aholu ethu hatshavbo hi womo kha nga wule a nyenyezidego, ni gululama gwathu gwatshavbo, kha nga mwendra nya gunyenyeze; hatshavbo hi ngu wu na kha nga mahagane, ni guvivba gwathu, gwa gu fanana ni phuvbo yi hi vbuvbisago.

Gililo 3:22

Ethu kha ha mbembiswa khu wuhigo wa Pfhumu Nungungulu; kholu lihaladzo laye li mwalo mahegiso.

Dhaniyeli 9:24

Gu vegidwe livbandre na mavili magumi dzisemana (70) gikhati a gi dongisedego gasi gu tshudzisa vathu vago ni lidhoropa lago nya gukatege mugighohoni gumogo ni guvivba gwatshavbo, gasi va kodze gu tsetseledwa sighoho, gasi gu reswa gululama kala gupindruga, gasi gi tadzisege giwoniso nya wuprofeti wowu, ni gu todza Wulanga nya Guage Ngudzu.

Levhi 26:41

iso si nga nyi girago nyi hambana navo, nyi va yisa tigoni ga valala vawe; myonyo yawe nya gulemele ya gu dzi thesa vbavbatshi, khu milandru yawe,

Luka 10:29

Aholu muhevbudzi nya Nayo khu gu vbweta gu dzi vhikela, a di wudzisa, khuye: “Gasi khu mani muthu khwathu?”

Luka 16:15

Jesu a di khuye: “Enu mwa guvbweta gu zundzwa kha nga vathu nya ndruda, vbakari nya vathu, aholu Nungungulu a ngu wona myonyo yanu. Kholu iso si khusegidego mahoni nya vathu si nyenyezide mahoni ga Nungungulu.

Varoma 1:17

Kholu khavbo nya Ivhangeli, hi tugula gikungo gya Nungungulu nya hi tshanganise naye khu tshivba nya gukhodwe, hi gu manago gukhugela guhegulani kala guhegisani, kha nga gu lovidwego gupwani: “Muthu a lulamidego a na vbanya khu gukhodwa.”

Varoma 10:2

Kholu nyi ngu dzi kodza gu va emela nyi fakaza gukheni avo va ngu dzi garadza ngudzu khu silo sa Nungungulu. Nombo basi khu gu va gu dzi garadzela wukhumuni,

Varoma 10:20

Isaya a ngu tiya gu ganela, khuye: “Nyi manidwe khu vale va nga bani va si nyi vbweti; nyi dzi wonegiside ga vale va nga bani va si nyi wudziseli.”

Varoma 11:7

Hi na khethu ginani olu? Hi na khethu va na Israyeli va tandregide gu mana esi va nga si vbweta; aholu si manidwe khu tsawa nya vale va nga hathwa khu Nungungulu. Vatshavbo vambe kha va dzina gupwa gurana gwaye,

Varoma 3:22

gululama gutago khu ga Nungungulu khu gukhodwa ga Jesu Kristo, A gu tshanganisa naye watshavbo a khodwago, kholu gu mwalo guhambana vbakari nya vathu.

Varoma 3:26

Olu, Nungungulu giride esi gasi gu yeyedza gukhuye lulamide khu gikhati gegi, gasi Uye a manega na lulamide, ni gu ninga gululama vale va khodwago ga Jesu.

Varoma 5:19

Khu guyeyisa ga muthu moyo basi, vathu vatshavbo va khade sighohi, khu gu yingela ga muthu moyo basi, vatshavbo va khade va nya gululama.

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.

Dhewuteronome 6:25

Hi na bani na hi lulamide ha gu thela kota khu gu landrisa milayo yatshavbo yeyi mbeli ga Pfhumu Nungungulu wathu, kha nga idzo a hi rumidego khidzo.

Vafilipi 3:9

Satshavbo nya gu si wona nga ndzilo khu gufela gu mana Kristo nyi hengela naye guvbanya. Eni nya gu vbanya wulongoni gwa Nungungulu, khandri khu kota nya gulandrise Nayo, kholu wulongo nya wadi ni Nungungulu wa gu hungwa khu gukhodwa.

2 Pedro 1:1

Eni, Simoni Pedro, khumbi ni mupostoli wa Jesu Kristo, nyi ngu mi lovelani lidangalila enu mwatshavbo mu hakhidego gukhodwa nya gululame nga ogu gwathu, khu guvbanyiswa hi ningwago khu Nungungulu ni Muvbanyisi wathu Jesu Kristo.