Varoma 1:1 - Bhibhiliya Nya Guage

¹ Eni Pawulo, githumi gya Jesu Kristo, nyi ranidwego gu khala Mupostoli, nyi hathidwe gasi gu tivisa Ivhangeli ya Nungungulu.

Varoma 1:1 Iomraidhean Croise

1 Dzikoronika 23:13

Sanana sa Aniramo si diri esi: Aroni ni Mosi; Aroni a di hathwa gasi a thumela vbawulangatunu nya Guage ngudzu, uye gumogo ni sanana saye kala gupindruga, ni gu vbisa libani mbeli ga Pfhumu Nungungulu, gu mu thumela ni gu kategisa vathu khu lina laye kala gupindruga.

Isaya 49:1

Nyi yingiseni enu mayigo ya sidwani, ni enu vathu va mayigo ya hwindzo! Pfhumu Nungungulu a nyi ranide, nyi ngari ndrani ga mayi wangu, a nyi riyide lina nyi si guvelegwi.

Jeremiya 1:5

“Eni nyi gutide nusi gu wumbwi ndrani ga mayi wago;” nyi gu hathide nu si gu velegwi, nyi gu phasela gu khala muprofeti ga mayigo.

Marko 1:14

Hwane nya gu na modwe Johane, Jesu adita Galileya gasi guta hevbudza Mahungu nya Yadi ya Nungungulu, khuye:

Johane 12:26

Uye a vbwetago gu nyi thumela, a na nyi landre; ni avbo nyi na gu manegago, gi na bani giromo nigyo githumi gyangu. Uye a na nyi thumelago, a na rungudzwa khu Babe wangu.

Johane 15:15

Kha nyi mi rani gambe sithumi, kholu githumi kha gi siti iso si girwago khu pfhumu yaye; nya gu mi rana dzipari dzangu, kholu nyi mi tiviside satshavbo nyi nga si pwago ga Babe wangu.

Johane 15:20

Dundrugani magana nyi mi embedego, nya gukheni: Githumi khandri gikhongolo guvbindra pfhumu yaye. Kha nga va nga nyi sanisago, va na mi sanisa nenu; va gu bani va vegedzide milayo yangu, va na vegedza nayo magana yanu.

Mithumo 13:9

Aholu, Sawule, a ranwago gambe khu lina la Pawulo, na tade khu Liphuvbo nya Guage, a di mu khedzisa gwadi mahoni a mu embela, khuye:

Mithumo 20:24

Aholu kha nyi khathali khu womi wangu. Egi gi vbwetegago khu gu eni nyi vbohisa mahegiso liendro langu, nyifela gu vbedzisa ndrima nya thumo nyi pharisidwego khu Pfhumu yathu Jesu Kristo, nya gutivise Mahungu nya Yadi nya lihaladzo la Nungungulu.

Mithumo 21:40

Na dzumedzisidwe, Pawulo a di ema khu vbamwanyatunu, a khusedza mandza a lomba gurula. Na va degude vatshavbo, a di ganela khu Gihebheru, khuye:

Mithumo 22:21

Uye a di nyi embela, khuye: ‘Indra, kholu nya guvbweta gu gu rumela hwindzo, ga va nya mayigo.’ ”

Mithumo 22:7

Eni nyi di thega vbavbatshi, nyipwa lito li nyi embela, khilo: ‘Sawule! Khu ginani u nyi tshanisago?’

Mithumo 26:1

Agiripa a di embela Pawulo, khuye: “U ngu dzi kodza gu sasamedzela wabune mahungu yago.” Pawulo, na khusedzide mandza a di ganela, khuye:

Mithumo 26:14

Hatshavbo hi di thega vbavbatshi. Khavbo avbo, eni nyi dipwa lito na li nyi rana khu Giharami, khilo: ‘Sawule, Sawule! Khu ginani u nyi sanisago? Kanu wago khandri wa gilo.’

Mithumo 27:23

Kholu ni wutshigu wowu nyi di tedwa khu ngilozi ya Nungungulu wangu nyi mu khozelago yita dzi wonegisa gwangu,

Mithumo 9:15

Aholu, Pfhumu a di mu embela, khuye: “Indra, kholu muthu yoyo nyi mu hathide gasi a vbohisa Lina langu ga mayigo, ga vafumeli ni ga sanana sa Israyeli.

Varoma 1:16

Eni kha nyi khali dzitshoni khu Ivhangeli, kholu iyo khiyo yi gu tshivba ya Nungungulu gasi gu vbanyisa vatshavbo vale va khodwago, guphela khu Vajudha kala va nya mayigo.

Varoma 1:5

Khu uye, hi hakhide wuhigo nya gukhale Vapostoli, gasi hi wuyisa vathu nya mahundzu yatshavbo va khodwa ga Nungungulu va dhumisa lina laye.

Varoma 1:9

Nungungulu nyi mu thumelago khu monyo wangu watshavbo khu gu tshumayela Ivhangeli ya Mwanaye, khuye a gu fakazi yangu. A ngu dziti gwadi gukhuye nyi ngu mi dundruga

Varoma 11:13

Olu nya gu ganela gwanu enu mu si gu Vajudha. Eni nyi mupostoli ga va nya mayigo, gambe nyi ngu dzipwa matshandza khu kota nya thumo wangu.

Varoma 15:16

nya guthumele Jesu Kristo ga va nya mayigo. Kha nga muphasi nya mhamba, thumo wangu khu gu tivisa Mahungu nya Yadi ya Nungungulu gasi va nya mayigo va ningedwe ga Pfhumu kha nga mhamba nya gutsakise Uye, yi agisidwego khu Liphuvbo nya Guage.

Varoma 15:29

Nyi ngu tumba gukheni gikhati nyi natago iyo gwanu, nyi nata na nyi tade khu makategwa ya Kristo.

Varoma 16:18

kholu vathu nya nga avovo kha va thumeli Kristo, Pfhumu yathu, aholu va gu thumela sirumbu sawe. Va gu pfhadza vathu nya vangi khu magana yawe nya gulombele na ma tade khu wuhephi.

Varoma 16:25

A na rungudzwe Nungungulu! Khuye a dzi kodzago gu mi tiyisela gukhodwani, kha nga edzi yi hevbudzago khidzo Ivhangeli nyi mi tivisidego, ni mahungu ya Jesu Kristo, khu esi hi nga tuledwa gu siti khu mahungu nya guvbanyise ga Nungungulu. Sihalo wu nga bani wu sihade gukhugela myaga yatshavbo,

1 Vakorinto 1:1

Eni Pawulo, nyi ranidwego khu gugola ga Nungungulu gasi nyi khala mupostoli wa Jesu Kristo, gumogo ni ndriyathu Sositene,

1 Vakorinto 9:1

Ina kha nyiri muthu nya gutshulege, gani? Kha nyiri mupostoli, gani? Pfhumu yathu Jesu Kristo kha dzi wonegisa gwangu, gani? Ahati enu, kha muri handro nya thumo wangu gukhodwani gwanu, gani?

2 Vakorinto 1:1

Eni, Pawulo, mupostoli wa Kristo Jesu, khu gugola gwa Nungungulu, ni ndriyathu Thimoti, hi ngu losa ga libandla la Korinto, ni vatshavbo va nya guaga va Nungungulu va guromo Akaya gwatshavbo.

2 Vakorinto 11:5

Aholu, nya gukheni kha nyi vbindrwi khu vapostoli vovo nya vakhongolo.

2 Vakorinto 11:7

Nyi mi embedeni Mahungu nya Yadi ya Nungungulu, nyamba lomba gu hakhiswa. Nyi di dzi nogisa gasi mufela gu khusedzwa enu. Mwa gu alakanya gukhenu nyi di ghoha, gani?

2 Vakorinto 12:11

Nyi ganede kharati nga gipumbu. Enu khenu mu nga nyi girisa gu kala nyi ganela esi, mu diri ni fanelo nya gu nyi vhikeleni. Ambari nyi siri gilo, kha va nyi vbindri vapostoli vovo nya vakhongolo.

2 Vakorinto 2:12

Gikhati nyi vbohidego Trowade, guya tshumayela Ivhangeli ya Kristo. Pfhumu a nyi tulede malimba.

2 Vakorinto 4:5

Kholu ethu, kha hi dzi tshumayeli wurumba wathu, aholu ha gu tivisa Jesu Kristo, a gu Pfhumu. Ethu kha hiri gilo, hi sithumi sanu, khu lihaladzo la Jesu.

Vagalatiya 1:1

Eni Pawulo, nyi ranidwego gu khala mupostoli, khandri nyi di ranwa khu vathu, mwendro khu guruma nya muthu, aholu nyi di ranwa khu Jesu Kristo ni Nungungulu Babe, a nga wusago Jesu khu ga vafudego;

Vaefeso 1:1

Eni Pawulo, mupostoli wa Jesu Kristo khu gugola gwa Nungungulu, nyi ngu lovela sihathwa ni vakhodwa va Kristo Jesu va vbanyago dhoropani ga Efeso, kheni:

Vaefeso 1:13

Khu ga Kristo, enu nenu, mu pwide mahungu nya lisine, Ivhangeli nya guvbanyiswe gwanu, mu yi hakhidego khu gukhodwa, mu tiyisidwe khu gifungo nya Liphuvbo nya Guage hi nga bani hi tumbisidwe.

Vaefeso 4:11

Khuye a kavedzedego vathu siningwa: Vambe a va ninga wuhigo nya gukhale vapostoli, vambe vaprofeti, vambe vavhangeli, vahavisi, ni vahevbudzi.

Dhewuteronome 10:8

Khu gikhati gyogyo gya gimwegyo, Pfhumu Nungungulu, a di hatha lihundzu la na Levhi gasi li rwala Ngasa nya Gidzumeledzwano gya Pfhumu Nungungulu, gasi va manega mbeli ga Pfhumu Nungungulu, va mu thumela ni gu kategisa vathu khu lina laye kala na muhuno.

Vafilipi 1:1

Eni Pawulo ni Thimoti, sithumi sa Kristo Jesu, hi ngu lovela vathu vatshavbo va Kristo Jesu va vbanyago dhoropani ga Filipi, gumogo ni vathangeli vawe ni vaphasedzeli vakone.

Vafilipi 2:11

ni gu vathu vatshavbo va huwelela, khavo: “Jesu Kristo Pfhumu,” gasi gu dhumiswa Nungungulu Babe.

Vakolosi 1:1

Eni Pawulo, mupostoli wa Kristo Jesu khu guhaladza ga Nungungulu, gumogo ni ndriyangu Thimoti,

Vakolosi 1:25

Nungungulu a nyi ranide guta thumela Libandla. A nyi ningide thumo wowu vbakari gwanu, gasi enu mu phasege gikhati Mahungu ya Nungungulu ma giregago vbakari gwanu.

1 Vatesalonika 2:2

Ambari hi nga hegula khu gu saniseka, hi vadwa tigoni ga Filipi, kha nga mu dzitigo, Nungungulu wathu a di hi ninga gutiya ni tshivba nya guhongole hiya ganela Mahungu nya Yadi tigoni gwanu, vbakari nya sigaradzo nya singi.

1 Vatesalonika 2:8

Khu gu mi haladzani ngudzu, hi di dzi emisede gumba mi ningani Mahungu nya Yadi basi, aholu, ni gu ningela gambe guvbanya gwathu khu enu, kholu enu mu khade nga sanana sathu nya sigodwa.

1 Vatesalonika 2:9

Vandruye, dundrugani khu lisine gugaradzega ni gugarala gwathu. Hi di thuma wutshigu ni mihani gasi hi si mi lemedzi, khu kharalo, hi di mi tivisani Mahungu nya Yadi ya Nungungulu.

1 Thimoti 1:1

Eni Pawulo, Mupostoli wa Kristo Jesu, khu gu rumwa khu Nungungulu Muvbanyisi wathu ni Jesu Kristo, gutumba gwathu,

1 Thimoti 2:7

Khiso nyi nga emisedwa ga iso, gu khala muganeli ni mupostoli, ni muhevbudzi, gasi gu hevbudza va nya mayigo gukhodwa ni lisine. Nya gu ganela lisine, kha nyi ganeli malipha.

2 Thimoti 1:11

Khayo nyi nga emisedwa ayo gu khala muganeli ni mupostoli ni muhevbudzi.

Tito 1:1

Eni Pawulo, githumi gya Nungungulu, mupostoli wa Jesu Kristo, nyi ngu lova lidangalila leli. Nyi hathidwe nyi rumedwa gasi guta phasa ni gu tiyisa vathu va Nungungulu gukhodwani, ni gu va yisa lisineni li hevbudzwago khu nayo wathu,

Vahebheru 5:4

Mwalo a dzi hathelago abune thumo wowu nya wuphasi nya mhamba, vbavbandze nya gu ranwe khu Nungungulu, kha nga Aroni a nga ranwago.

Vahebheru 7:26

Jesu khuye Muphasi nya Khongolo nya mhamba hi mu vbwetago. Uye agide, uye mwalo gihoso ambari gighoho, uye hambanisidwe ni sighohi, a gu khusedzwa guvbindra vbatshani ndzadzini.

Jakobe 1:1

Eni Jakobe, githumi ya Nungungulu ni ya Pfhumu Jesu Kristo, nyi ngu losa likhumi na mavili mahundzu ma phalalegidego ni litigo latshavbo.

1 Pedro 4:17

Kholu gikhati nya gulamudwe gi vbohile. Avo va lumbago Nungungulu va na hegula khavo va lamudwa. Olu hi na phelago khethu hi lamudwa, ginani gi na gu dugelelago ga vale va ngamba hakha Mahungu nya Yadi ya Nungungulu?

2 Pedro 1:1

Eni, Simoni Pedro, khumbi ni mupostoli wa Jesu Kristo, nyi ngu mi lovelani lidangalila enu mwatshavbo mu hakhidego gukhodwa nya gululame nga ogu gwathu, khu guvbanyiswa hi ningwago khu Nungungulu ni Muvbanyisi wathu Jesu Kristo.

Judha 1:1

Eni, Judha, githumi gya Jesu Kristo nyi gu ndruye wa Jakobe, nyi ngu lovela ava va ranidwego ni gugolega ga Nungungulu Babe ni gu vhikedwa khu Jesu Kristo.

Gutuledwa 1:1

Khugo ogu gutuledwa ga Jesu Kristo, ugo a nga ningwago khu Nungungulu, gasi a yeyedze ga sithumi saye iso si guromo vbafuvbi ni gu girega. Uye tiviside silo sesi khu ga ngilozi yaye a nga yi rumelago ga githumi gyaye Johane.

Gutuledwa 22:6

Ngilozi yi di nyi embela, khiyo: “Magana yaya ma tumbegide, khya lisine, kholu Pfhumu Nungungulu a ningago maphuvbo vaprofeti, rumede ngilozi yaye gu ya yeyedza ga sithumi saye silo si guromo vbafuvbi ni gu dugelela.

Gutuledwa 22:9

Aholu, ngilozi yi di nyi himbedzela, khiyo: “Ahihi, u nga giri isoso, eni nyi githumi kha nga uwe ni vandriyago, ni vaprofeti, ni vatshavbo vale va vegisago magana nya libhuku leli. Khozela Nungungulu.”