Valamuli 9:54 - Bhibhiliya Nya Guage

⁵⁴ Khavbo avbo, uye a di rana lidzaha li nga bani li phara matshari yaye, a li embela, khuye: “Dusa litshari lago u nyi paya nyifa, gasi va si ganeli gupwani nyi di songwa khu giwindri khu nyamayi.” Muphari waye nya matshari, a di homola litshari laye a mu paya afa.

Valamuli 9:54 Iomraidhean Croise

2 Samuweli 1:10

Khavbo avbo, nyi di hidzimela vbafuvbi gwaye, nyi ya mu songa, kholu nyi di gu dziti gukheni, olu a thegidego kha na nga vbanya. Khu guralo, nyi dzegide gitambo gya hungoni gwaye, ni lisindra la bogoni gwaye nyi si resa avba ga mune wangu.”

2 Samuweli 1:7

Avbo a nga khedza hwane a di nyi wona a nyi rana; eni nyi di hakha, kheni: “Nyi womo avba.”

2 Samuweli 1:9

Khavbo avbo, a di nyi embela, khuye: “Nyi ngu gu lomba u hidzimela u ta nyi songa, kholu nya gu sala ambari na nyi ngari ni womi.”

2 Samuweli 23:37

Zeleki, Muamoni, Naharayi, Mubheyeroti, a nga bani ari muphari nya matshari ya Jowabhi, mwamana wa Zeruwa,

1 Dzikoronika 10:4

Khu guralo, Sawule a di embela muphari nya matshari yaye, khuye: Homola litshari lago u nyi paya, kholu nyi ngata sagedwa khu va nya misutu vava. Aholu muphari nya matshari a di bomba, kholu a diri ni hwanga ngudzu; khavbo avbo, Sawule a di dusa litshari laye a dzi paya khilo vbakhanatunu.

1 Dzikoronika 10:5

Muphari nya matshari, na wone nya gukhuye Sawule fude, uye nuye a di dzi paya khu litshari laye, afa gumogo naye.

1 Dzikoronika 11:39

Zeleki, Muamoni; Naharayi, Mubheroti; muphari nya matshari ya Jowabhi, mwamana wa Zeruya,

Valamuli 4:9

Dhebhora a di hakha, khuye: “Khidzo, nyi na hongola nago; aholu khu na mana wuzundzo lipfhumbani gwago, kholu, Pfhumu Nungungulu a na ningela Sisera mandzani ga nyamayana.” Khavbo avbo, Dhebhora a di khuga ni Bharaki a hongola Kedhesi.

Valamuli 9:55

Avbo va na Israyeli va nga wonago nya gukhavo Abhimeleki fude, muthu ni muthu a diya gaya gwaye.

1 Samuweli 14:12

Vama nya vawoneleli va di embela Jonatane ni muphari nya matshari yaye, khavo: “Deluni eno gwathu gasi hita mu ninga gihevbudzo!” Jonatane a di embela muphari nya matshari yaye, khuye: “Hongole, landra khu hwane gwangu, kholu Pfhumu Nungungulu a va ningede mandzani gwa va na Israyeli.”

1 Samuweli 14:13

Khavbo avbo, a di gwela khu mawundru ni mawogo na gulandredwa khu muphari nya matshari yaye; Vafilisitiya va di thega mbeli ga Jonatane, va sasedwa khu muphari nya matshari yaye khu hwane gwaye.

1 Samuweli 14:14

Gupala gogu nya guhegule, Jonatane ni muphari nya matshari yaye, va di songa vbafuvbi ni gu enedza tengo nya magumavili vama, a gu gipandre nya mafu nya guenedze likhumi na mavili mazana mikono.

1 Samuweli 14:17

Khavbo avbo, Sawule a di embela vathu a nga bani nari navo, khuye: “Sayelani vathu mu wona khu mani a hamugegago.” Va di va sayela, va wona nya gukhavo, uye a gu mwalo khu Jonatane ni muphari nya matshari yaye.

1 Samuweli 14:7

Khavbo avbo, muphari nya matshari yaye, a di mu hakha, khuye: “Gira iso u si wonago na si gu godwa khu monyo wago; kheni oyu, nyi nago, iso u si pimisago nyi womo nago.”

1 Samuweli 16:21

Dhavhidhe a diya dzi bikela ga Sawule, a mu thumela. Sawule a di mu gola ngudzu, Dhavhidhe a di khala muphari waye nya matshari.

1 Samuweli 31:6

Khu kharati, Sawule a difa ni sanana saye sa siraru gumogo ni muphari nya matshari yaye, masotshwa yaye yatshavbo ma fude nayo khu litshigu lile gumogo naye.