Valamuli 9:5 - Bhibhiliya Nya Guage

⁵ Khavbo avbo, a di bwelela Ofira, gaya ga babe waye, aya songa vandriyaye, sanana sa Jerubhahali, nya livbandre na mavili magumi vama vbagiwindritunu. Aholu uye a nga vbuluga khu Jothamo, gyanana nya nandra gya Jerubhahali, kholu igyo gi di sihade.

Valamuli 9:5 Iomraidhean Croise

1 Dzipfhumu 1:12

Olu, delu, nyita gu ninga wusingalagadzi, gasi u kodze gu vbanyisa womi wago, gumogo ni wa mwanago Solomoni.

1 Dzipfhumu 1:21

Kholu wa gumba ganela, gikhati uwe pfhumu ni mune wangu, u na guya lalago gumogo ni vavelegi vago, eni ni mwanago Solomoni, hi na sayedwa kha nga sighohi.”

2 Dzipfhumu 10:17

Jewu, na va vbohide Samariya, a di ya sasela vatshavbo va na Akabi va nga bani na va tshade Samariya, kala a mbembisa vatshavbo kha nga idzo a ganelago khidzo Pfhumu Nungungulu ga Eliya.

2 Dzipfhumu 10:7

Avbo li nga vboha gwawe lidangalila, va di dzega sanana nya vama sa mufumeli, nya livbandre na mavili magumi va si songa va pila mihungo yawe va thela miravani va yi rumela ga Jewu, dhoropani ga Jezireyeli.

2 Dzipfhumu 11:3

Jeyosebha khade naye a sihala Nyumbani ga Pfhumu Nungungulu, livbandre na moyo myaga, Ataliya na gu fuma tigoni.

2 Dzikoronika 21:4

Gikhati Jeyoramo a nga phara ndronga nya wufumu wa babe waye, a tiyiswa, a di songa khu litshari vandriyaye vatshavbo, gumogo gambe ni mambe manganagana nya gukari ya na Israyeli.

Matewu 2:16

Khavbo avbo, Herodhi, na wonide khuye pembidwe khu vagengeli vale, a di goroga ngudzu, a ruma gusongetedwa sanana satshavbo nya sikhwathana sa Bhetlehema ni mayigwana yaye yatshavbo, iso si nga bani si si gu vbindrisi myaga mivili, gu landrisa matshigu a nga embedwago khu vagengeli, gikhati a nga va wudzisago.

Matewu 2:20

“Khuga u dzega gyanana ni mayi waye, u gu hongola tigoni ga Israyeli, kholu va fude avo va nga bani va vbweta gu songa gyanana.”

Valamuli 6:11

Khavbo avbo, Ngilozi ya Pfhumu Nungungulu, yi dita khala vbavbatshi nya simbo nya wukhongolo wa Ofira, wu nga bani wu lumba Jowasi nya lihundzu la Abhiyezeri. Mwanaye Gidhiyoni, a diri guvbulani nya tirigu, vbagithalatunu gu gamedwago avbo dziuvha, gasi guya sihala umo va si wonwi khu Vamedhiyani.

Valamuli 6:24

Khavbo avbo, Gidhiyoni a di vbaha vbale giluvelo gya Pfhumu Nungungulu, a gi riya lina, khuye: Pfhumu Nungungulu nya Gurule. Kala ni muhuno giluvelo gi nga gu manega Ofira wa Abhiyezeri.

Valamuli 8:30

A diri ni livbandre na mavili magumi sanana, satshavbo nya gu velegwe khuye; kholu a diri ni vagadzi nya vangi.

Valamuli 9:18

gasi enu muhuno, mu wugede ndranga ya babe wangu; enu mu songide sanana saye, livbandre na mavili magumi vama avbo nya giwindri gimwegyo basi, mu emisani mufumeli wanu Abhimeleki, mwamana wa githumi gyaye nya nyamayi vbakari nya vathu va Sikemi, khu kotani nya olu uye a gu ndriyanu,

Valamuli 9:2

“Wudzisani sivelegwa satshavbo sa Sikemi, khenu khu gevbini gi gu gyadi gwawe; khu gu fumedwa khu satshavbo sanana nya livbandre na mavili magumi sa Jerubhahali, mwendro gu fumedwa basi khu mwama moyo? Alakanyani gambe gukhenu, eni nyi marambo nya marambo yanu, ni nyama nya nyama yanu.”

Valamuli 9:6

Khavbo avbo, vavbanyi vatshavbo va Sikemi ni vatshavbo va Bheti-Milo; va di tombana vaya emisa Abhimeleki gu khala mufumeli, vbafuvbi ni nguhu nya wukhongolo wu guromo vbafuvbi ni Sikemi.