Valamuli 9:43 - Bhibhiliya Nya Guage

⁴³ Khavbo avbo, Abhimeleki a di duga ni vathu vaye aya va kabanisa khu mitsawa miraru, vaya varamela vathu va Sikemi; avbo a nga wonago nya gukhuye vathu va ngu duga khu dhoropani, a di va dhumela a va sasela.

Valamuli 9:43 Iomraidhean Croise

2 Samuweli 18:2

Khu hwane Dhavhidhe a di rumela vathu khu sikwata siraru, gipandre gimwegyo nya wuraru gi thangedwa khu Jowabhi, gimbe gipandre nya wuraru gi thangedwa khu Abhisayi, ndruye wa Jowabhi, mwamana wa Zeruwa, gimbe gipandre nya wuraru gi thangedwa khu Itayi, Mugeti. Mufumeli a di ganela ga vathu, khuye: “Eni neni nyi na duga nanu.”

Valamuli 9:42

Khu litshigu li landrelago, vathu va Sikemi va di duga vaya khabini, Abhimeleki a di mati mahungu yaya.

Valamuli 9:44

Khavbo avbo, Abhimeleki ni tsawa a nga bani ari nawo, va di tutuma vaya ema vbanyangwatunu nya lidhoropa; mimbe mitsawa nya masotshwa yi di lundra avo va nga bani vari khabini vaya va sasela.

1 Samuweli 11:11

Khu litshigu li landrelago, Sawule a di kabanisa vathu vaye khu mitsawa miraru, va bela lizumboni la na Amoni na gu ngari dzimindrudzile, va sasela va na Amoni kala guvbisa lihani. Avo va nga vbulugago gufa, va di phalalega, muthu ni muthu a phara yaye ndzila.