Valamuli 9:37 - Bhibhiliya Nya Guage

³⁷ Aholu Gahali a di simama gu mu embela, khuye: “Va ngu relela vathu khu sigomoni ni masotshwa matago khu nguhutunu wa Meyonenimi.”

Valamuli 9:37 Iomraidhean Croise

Ezekiyeli 38:12

Gasi u kodza gu liphanga, u thawuludza gyandza ga marumbi olu va vbahidego vathu va nga wuyiswago khu mayigoni va nga bani va vbagedwe umo, li gu ni mitshambi nya yingi ni dzithomba, va vbanyago khu vbakari ni vbakari nya litigo.

Dhewuteronome 18:14

Kholu vathu nya mayigo yaya u na guya ma khozisa, va gu yingela magana ya va nya gusasula ni gufemba; aholu Pfhumu Nungungulu wago kha si vbweti isoso.

Valamuli 9:36

Avbo Gahali a nga wonago vathu vale, a di embela Zebhuli, khuye: “Wona nya gukhuwe va nguta vathu va relelago khu musigomoni.” Zebhuli, a di mu ganedza, khuye: “Wa gu wona mitsa nya sigomo khuwe vathu.”

Valamuli 9:38

Khavbo avbo, Zebhuli a di mu embela, khuye: “Gasi olu lomo hayi likana lago u nga bani nu gu ganela gukhuwe Abhimeleki, khuye mani nya gukala hi mu thumela? Khandri avo ava vama u nga bani u va tsorodzela? Duga na, u ya dwana navo.”