Valamuli 9:27 - Bhibhiliya Nya Guage

²⁷ Va di duga va hongola mahangeni gwawe vaya havela dziuvha, va dzi gamela va gira wadwa; va di gira mibuzo nya gunengele. Va bela nyumbani ga nungungulu wawe, va hodza, va sela, va hembulula Abhimeleki.

Valamuli 9:27 Iomraidhean Croise

Dzindzimo 109:17

Uye a di gu gola gu vala vathu vakwawe, olu givalo nya vathu gi na mu thegele uye; a di si goli gu kategisa, olu gima a nga kategiswi.

Ekisodha 32:19

Avbo Mosi a nga hidzimelago wughovelotunu, a di wona githombe nya mombe ni vathu na va gu hana. A dipwa wuvi nya wukhongolo, a gu rinya siwindri vbavbatshi, si gu pandrega tshinani nya gigomo.

Ekisodha 32:6

Khu mindru gakone, ni dzimindru, va di ningela dzimhamba nya miphaso nya guvbiswe ni dzimhamba nya gubonge. Vathu va di khala vbavbatshi va hodza, va sela, va khuga va hana, va gu ghiya.

Jeremiya 25:30

Pfhumu Nungungulu a di engedza a nyi embela, khuye: “Uwe u na va tivisa satshavbo silo sesi u va embela, khuwe: Pfhumu Nungungulu a na bhonga khu vbatshani ndzadzini gu pwala lito laye khu nyumbani gwaye nya guage; a bhongela vathu vaye khu tshivba, va womba huwa nya litsako nya nga la avo va gamago dziuvha ni ga vatshavbo vavbanyi va mafuni.

Dhaniyeli 5:23

U di bwelo khavbo u wugela Pfhumu ya ndzadzini. U di rumela guya dzega sombo sa nyumbani gwaye sita avbo gwago, ni ga dzindruna, vagadzi vago ni sibhayi sago mu ta sela khiso wadwa; gudiga nya isoso, u di bwelo khavbo u rungudza vanungungulu nya parata, nya ndralama, nya sugu, nya dzisimbi, nya misimbo ni siwindri, va si wonigo, nya mbapwa, ni gumbati. Aholu Nungungulu uye a pharidego womi wago, ni dzindzila dzago dzatshavbo, khu theli kota khuye gu mu dhumisa.

Hoseya 7:14

Kha va lila avbo gwangu khu monyo wawe watshavbo, aholu va di keta malawuni gwawe, va lomba tirigu ni vbinyu, aholu avo na va hambanide neni.

Levhi 24:11

Gyanana gya nyamayi nya Muisrayeli gi di hembulula gi vala Lina la Pfhumu Nungungulu; khavbo avbo, va di gi dzega va gi yisa ga Mosi. Mayi wakone a di ranwa pwani khu Selomiti, gyanana gya Dhebhiri, nya lihundzu la Dhani.

Valamuli 16:23

Va di tombana vathangeli nya Vafilisitiya, va gira buzo nya guningele mhamba ga nungungulu wawe Dhagoni, kholu va di gukhavo: “Nungungulu wathu a hi ningide mandzani gwathu nala wathu Samisoni.”

Valamuli 8:33

Me ni gufa Gidhiyoni, va na Israyeli va di engedza gu gira wuphuphulu ni Vabhahali, va va khozela. Va di emisa Bhahali-Bheriti a khala nungungulu wawe.

Valamuli 9:26

Gahali, mwamana wa Ebhedhi, a dita nuye ni vandriyaye dhoropani ga Sikemi; vavbanyi va dhoropani ga Sikemi va di mu tumba.

Valamuli 9:4

Va di ninga Abhimeleki gyuma nya livbandre na mavili magumi singerengere nya parata, sa nyumbani ga Bhahali-Bheriti; gasi a livba khiso vama nyamba phasa gilo ni gumbana githawo va nga bani na va mu landrela.

Valamuli 9:46

Avbo vavbanyi va langwe ya Sikemi va nga si pwago, va di bela likhokholani la nungungulu Eli-Bheriti.

1 Samuweli 17:43

A di wudzisa Dhavhidhe, khuye: “Gasi eni nyi yimbwa, nya gukala u nyi tela simbo, gani?” Mufilisitiya a di vala Dhavhidhe, a mu sambanyela khu vanungungulu vaye,