Valamuli 9:1 - Bhibhiliya Nya Guage

¹ Abhimeleki, mwamana wa Jerubhahali, a di hongola Sikemi, ndrangani ga vandruye vamayi waye, aya embela valongo vaye gumogo ni lihundzu latshavbo la mayi waye, khuye:

Valamuli 9:1 Iomraidhean Croise

Genesi 33:18

Avbo Jakobe a nga wuyago khu Padhani-Arani, a di vboha gwadi khu gurula dhoropani ga Sikemi, tigoni ga Khanani, aya vbaha tshatsha waye vbafuvbi ni lidhoropa lile.

Genesi 34:2

Avbo Sikemi, mwamana wa Hamori, Muhevhi a nga bani ari mwamangulu nya litigo lile, a nga wonago Dhina, a di mu pfinya a gu lala naye khu tshivba.

2 Samuweli 15:6

Abhisalamo a di gira kharati ga vatshavbo va na Israyeli va nga bani va guta vata vbweta mufumeli gasi gu lamudwa khuye, khu kharati Abhisalamo a di ndrindra myonyo nya vathu nya vangi va na Israyeli.

1 Dzipfhumu 12:1

Robhowamo a di hongola Sikemi, kholu vatshavbo va na Israyeli va di tombanide iyoyo gasi guya mu wumbela gu khala mufumeli.

1 Dzipfhumu 12:20

Avbo vatshavbo va na Israyeli va ngapwago gupwani Jerobhowamo wide khu Egipito, va di rumela guya mu rana va ta gira tshangano, va di mu emisa gu khala mufumeli wa Israyeli gwatshavbo; mwalo gambe a nga dzumela gu landrela nyumba ya Dhavhidhe, vbavbandze basi ga lihundzu la Judha.

1 Dzipfhumu 12:3

va di rumela gu mu ranisa. Jerobhowamo ni tshangano watshavbo wa na Israyeli, va dita vata ganela ni Robhowamo, khavo:

Jeremiya 18:18

Vathu va di ganela, khavo: “Hongoleni hi hunga gikungo nya guwugele Jeremiya; kholu kha gi na fuva gihevbudzo nya nayo wa muphasi nya mhamba, ni wusingalagadzi wa mugengeli, ambari magana ya muprofeti; hongoleni hiya mu paya khu malito yathu, hi nga khathali khu magana yaye.”

Jeremiya 41:5

gu dzude khu madhoropani ya Sikemi, Silo ni Samariya, livbandre na mararu magumi vama na va vidwe siledzo, na va pferulede dzingandzu dzawe ni gu dzi hendrelela sivili sawe, va resa Nyumbani ga Pfhumu Nungungulu, miningelo nya dzimbewu ni libani.

Josuwa 20:7

Kharati, va di emisa madhoropa ya Kadesi, tigoni ga Galileya, gigomoni gya Nafitali; Sikemi, gigomoni gya Efrayimi; Kiriyati-Aribha, (mwendro Hebroni), gigomoni gya Judha.

Valamuli 8:30

A diri ni livbandre na mavili magumi sanana, satshavbo nya gu velegwe khuye; kholu a diri ni vagadzi nya vangi.

Valamuli 8:31

Gibhayi gyaye gi nga bani gi vbanyela Sikemi, gi di mu velegela nigyo gyanana; igyo a nga gi riya lina la Abhimeleki.

Valamuli 8:35

Gambe kha va tsetsa ndranga ya Jerubhahali, ambari gu khathala khu wuwadi watshavbo Gidhiyoni a giredego Israyeli.