Valamuli 8:33 - Bhibhiliya Nya Guage

³³ Me ni gufa Gidhiyoni, va na Israyeli va di engedza gu gira wuphuphulu ni Vabhahali, va va khozela. Va di emisa Bhahali-Bheriti a khala nungungulu wawe.

Valamuli 8:33 Iomraidhean Croise

2 Dzipfhumu 12:2

Jowasi a di thuma mithumo ya yadi mahoni ga Pfhumu Nungungulu, matshiguni yaye yatshavbo; kholu a di yeyedzwa dzindzila nya dzadi khu muphasi nya mhamba Joyadha.

Jeremiya 23:27

Mwa gu alakanya gukhenu, miloro va tshamuselago yi na gira gu vathu vangu va divaledwa khu lina langu khu kotani nya miloro yawe va tshamuselanago khu gyawe, va si nyi alakanyi kha nga vababe vawe va nyi digidego gu nyi ninga githawo, va ya khozela vanungungulu nya Vabhahali, gani?

Jeremiya 3:9

Khu gumba khathala gwaye, nyenyeziside litigo latshavbo, khu gu khozela sifananiso nya siwindri ni misimbo.

Josuwa 24:31

Israyeli a di khozela Pfhumu Nungungulu gikhatini gwatshavbo nya guvbanye ga Josuwa, ni gikhati gya madhota ma vbanyidego hwane nya gufe ga Josuwa; avo va nga bani va yiti mithumo yatshavbo Pfhumu Nungungulu a yi giridego ga va na Israyeli

Valamuli 10:6

Khavbo avbo, va na Israyeli va di engedza gu gira ugo gu vivbidego mahoni ga Pfhumu Nungungulu ni gu khozela Vabhahali, ni Asitaroti, vanungungulu va Siriya, vanungungulu va Sidhoni, vanungungulu va Mowabhi, vanungungulu va sanana sa Amoni ni vanungungulu va Vafilisitiya. Kha nga olu va digidego Pfhumu Nungungulu va si mu khozeli,

Valamuli 2:12

Va di diga Pfhumu Nungungulu wa vababe vawe, Uye a nga va dusa khu tigoni ga Egipito, va landrela vambe vanungungulu va mayigo nya vaakelane, va khidzima mbeli gwawe; va ghohela Pfhumu Nungungulu.

Valamuli 2:17

Ambari khu isoso, kha va nga yingisa valamuli vawe, aholu va di dzi ningedzela gu gira wubhayi ni vambe vanungungulu va va khidzimela. Va di vbiredza gu ndreya ndzilani va nga bani va gimbila khiyo vababe vawe, va nga bani va yingisa sileletelo sa Pfhumu Nungungulu, va si giri kha nga avo.

Valamuli 2:19

Aholu gikhati afago mulamuli wule, avo va di bwelela gambe vaya gira guvivba guvbindra vavelegi vawe, va landrisela vambe vanungungulu, va noga mbeli gwawe, va va khozela; kha va nga hambana ni mithumo yawe nyambasi yadi, ni dzindzila dzawe nya guwegele.

Valamuli 3:7

Va na Israyeli va di gira ugo guvivbidego mahoni ga Pfhumu Nungungulu wawe, va khozela Vabhahali ni sihuru sa Asitaroti.

Valamuli 8:27

Gidhiyoni a di thumisa ndralama gasi gu gira keka nya wuphasi nya mhamba, a nga wu vega dhoropani gwaye, tigoni ga Ofira; va na Israyeli vatshavbo va di gira vbale wuphuphulu hwane gwaye, khu gu khozela keka nya ndralama; iso si nga girago naphwi ga Gidhiyoni ni ndranga yaye.

Valamuli 8:32

Gidhiyoni, mwamana wa Jowasi fude na gumbide ngudzu, aya dzingwa thowoni ga babe waye Jowasi tigoni ga Ofira lidhoropa la Vabhiyeziri.

Valamuli 9:27

Va di duga va hongola mahangeni gwawe vaya havela dziuvha, va dzi gamela va gira wadwa; va di gira mibuzo nya gunengele. Va bela nyumbani ga nungungulu wawe, va hodza, va sela, va hembulula Abhimeleki.

Valamuli 9:4

Va di ninga Abhimeleki gyuma nya livbandre na mavili magumi singerengere nya parata, sa nyumbani ga Bhahali-Bheriti; gasi a livba khiso vama nyamba phasa gilo ni gumbana githawo va nga bani na va mu landrela.

Valamuli 9:46

Avbo vavbanyi va langwe ya Sikemi va nga si pwago, va di bela likhokholani la nungungulu Eli-Bheriti.