Valamuli 8:30 - Bhibhiliya Nya Guage

³⁰ A diri ni livbandre na mavili magumi sanana, satshavbo nya gu velegwe khuye; kholu a diri ni vagadzi nya vangi.

Valamuli 8:30 Iomraidhean Croise

Genesi 2:24

Khu gighelo gyogyo, mwama a na diga ndranga ya babe ni mayi waye aya patana ni mwangadzi waye, va vavili va gu khala muthu moyo basi.

Genesi 46:26

Tengo nya vathu vatshavbo nya ndranga ya Jakobe ni sanana sawe va bedego tigoni ga Egipito, gu diga vagadzi va sanana sa Jakobe, vatshavbo livbandre na limwedo magumi ni livbandre na moyo vathu.

Genesi 7:7

Khu guthava mati nya ndrambi, Nowa a di bela taroni uye ni sanana saye, ni mwangadzi waye ni vagadzamwane vaye.

1 Dzipfhumu 11:3

Solomoni a diri ni livbandre na mavili mazana (700) vagadzi va vbawufumutunu, ni mazana mararu (300) sibhayi, vanyamayi vovo vaye, va di ndreyisa monyo waye.

2 Dzipfhumu 10:1

Akabi a diri ni livbandre na mavili magumi sanana dhoropani ga Samariya; Jewu a di lova malangalila, a ma rumela Samariya ga vathangeli va Jezireyeli, ga madhota ni ga sithumi sa Akabi, khuye:

Ekisodha 1:5

Situgulwana satshavbo sa Jakobe ni dzingamo dzawe si diri livbandre na mavili magumi; vbavbandze basi ga Josefe a nga bani nari khu gale tigoni ga Egipito.

Malakiya 2:15

Ina uye kha mi tshanganisa mu khala mili moyo basi khu nyama ni liphuvbo, gani? Sa gu tshamusedwa ginani gupwa muthu moyo basi, a gu vbweta ginani? Uye a di vbweta livelego la vathu va nya gululama; khu guralo, dzi vegedzeni guvbanyani gwanu, a nga manegi ni wa gumba tumbega ga mwangadzi wa wudzahani gwaye.

Dhewuteronome 17:17

A na dzi wonele, a nga tshuki a dzega vanyamayi nya gutale, gasi monyo waye wu si ndreyi; gambe a nga hengeledzeli ndralama mwendro parata nya yingi.

Valamuli 10:4

Uye a diri ni magumararu sanana si nga bani si gu khilela magumararu dziburu, na vari ni magumararu madhoropa va nga bani va ma rana khu lina la Havoti-Jayiri kala na muhuno; va guromo tigoni ga Gileyadhi.

Valamuli 12:14

Abhidhomi a diri ni magumana sanana, ni magumararu situgulwana, si nga bani si gu gimbila na si khilede dziburu nya livbandre na mavili magumi; uye a di khala mulamuli wa Israyeli ndrani nya livbandre na miraru myaga.

Valamuli 12:9

Ibisani a diri ni magumararu sanana nya sikhwathana, ni magumararu sagadzyana; a di dzumedzisa sanana saye nya vanyamahegyane va dzegwa khu mambe mafumbo, ni sanana saye nya sikhwathana, si dzega vanyamahegyane nya mambe mafumbo. Ibisani khade mulamuli wa na Israyeli ndrani nya livbandre na mivili myaga.

Valamuli 8:31

Gibhayi gyaye gi nga bani gi vbanyela Sikemi, gi di mu velegela nigyo gyanana; igyo a nga gi riya lina la Abhimeleki.

Valamuli 9:1

Abhimeleki, mwamana wa Jerubhahali, a di hongola Sikemi, ndrangani ga vandruye vamayi waye, aya embela valongo vaye gumogo ni lihundzu latshavbo la mayi waye, khuye:

Valamuli 9:18

gasi enu muhuno, mu wugede ndranga ya babe wangu; enu mu songide sanana saye, livbandre na mavili magumi vama avbo nya giwindri gimwegyo basi, mu emisani mufumeli wanu Abhimeleki, mwamana wa githumi gyaye nya nyamayi vbakari nya vathu va Sikemi, khu kotani nya olu uye a gu ndriyanu,

Valamuli 9:2

“Wudzisani sivelegwa satshavbo sa Sikemi, khenu khu gevbini gi gu gyadi gwawe; khu gu fumedwa khu satshavbo sanana nya livbandre na mavili magumi sa Jerubhahali, mwendro gu fumedwa basi khu mwama moyo? Alakanyani gambe gukhenu, eni nyi marambo nya marambo yanu, ni nyama nya nyama yanu.”

Valamuli 9:5

Khavbo avbo, a di bwelela Ofira, gaya ga babe waye, aya songa vandriyaye, sanana sa Jerubhahali, nya livbandre na mavili magumi vama vbagiwindritunu. Aholu uye a nga vbuluga khu Jothamo, gyanana nya nandra gya Jerubhahali, kholu igyo gi di sihade.