Valamuli 8:27 - Bhibhiliya Nya Guage

²⁷ Gidhiyoni a di thumisa ndralama gasi gu gira keka nya wuphasi nya mhamba, a nga wu vega dhoropani gwaye, tigoni ga Ofira; va na Israyeli vatshavbo va di gira vbale wuphuphulu hwane gwaye, khu gu khozela keka nya ndralama; iso si nga girago naphwi ga Gidhiyoni ni ndranga yaye.

Valamuli 8:27 Iomraidhean Croise

Dzindzimo 106:35

Aholu va di ya dzi pata gumogo ni va nya mayigo, va gu hevbulela tumbunugo wawe.

Dzindzimo 106:39

Khu isoso avo navo va dzi nyenyeziside wurumba wawe, khu mithumo yawe yatshavbo nya guvivbe.

Dzindzimo 73:27

Avo va dzi pambulago gwago, va nafa; uwe u ngu fuvisa vatshavbo avo va si khodwigo gwago.

Ekisodha 23:33

Avo va nga vbahi tigoni gwago, gasi va si gu kutsedzeli gu nyi ghohela; kholu wa gu khozela vanungungulu vawe, isoso khu lisine si na bani siri naphwi gwago.

Ekisodha 32:4

Uye a di dzi hakha khu mandzani gwawe a dzi nyiviligisa umo nya giwumbelo a gira githombe nya mombe nya gikete. Khavbo avbo, avo va di kulungela va ganela, khavo: “Enu sanana sa Israyeli kha mu mu woni oyu nungungulu wanu a mi dusidego tigoni ga Egipito a mi resani avba.”

Ekisodha 34:16

mwendro gu wudza dzimbiri dzawe, u lowodza sanana sago. Vanyamayana vovo gikhati va bhayago ni vanungungulu vawe, va nga khulugisa sanana sago si bhaya niso ni vanungungulu vovo.

Isaya 8:20

Nga khedzani umo nya Nayo ni wufakazi! Wa gumba ganela khu maganelelo yaya, vathu gima kha va na wona gugya.

Ezekiyeli 7:20

Avo va diri ni matshandza khu silo sesi nya gumbure, va gu dzi girela khiso sifananiso nya gunyenyeze. Khu guralo, silo soso, nyi na si gira si khala silo nya gunyenyeze avbo gwawe.

Hoseya 2:2

Va na Israyeli ni va na Judha, va na tshangana gumogo, va dzi hathela muthangeli moyo basi, va na duga tigoni, kholu litshigu la Jezireyeli li na bani na liri likhongolo ngudzu.

Hoseya 3:4

Kholu sanana sa Israyeli si na vbanya matshigu nya mangi nyambana mufumeli, nyambana muthangeli, nyambana miphaso, nyambana gihuru nya guphasele avbo, nyambana efodhe mwendro terafime.

Dhewuteronome 12:5

aholu mu naya Mu vbwetani wulanga wule Pfhumu Nungungulu a na gu wu hathago vbakari nya mahundzu yanu yatshavbo, gasi gu vega avbo lina laye ni nyumba yaye; mu simama guya avbo.

Dhewuteronome 7:16

U na mbembisa vathu vatshavbo avo Pfhumu Nungungulu wago, a na gu ningago; maho yago kha ma na va pwela wusiwana, gambe khu na khozela vanungungulu vawe, kholu isoso si nga tshukha si khala milaphwi gwago.

Dhewuteronome 7:25

U na vbisa khu nilo sifananiso nya guvatwe nya vanungungulu vawe; parata gumogo ni ndralama yi guromo gwawe, u nga yi dogoreli, gambe u nga yi dzegi, gasi u si thegeli naphwini; kholu si nyenyezide ga Pfhumu Nungungulu wago.

Valamuli 17:5

Mwama yoyu nya gupwani khu Mika, a diri ni nyumba nya vanungungulu, a di dzi girela efodhe ni dziterafine, a phasela moyo nya sanana saye, gasi a khala muphasi nya mhamba.

Valamuli 18:14

Khavbo avbo, vama vale nya livbandre va nga hongolago vaya sola litigo la Layisi, va di embela va na gyawe, khavo: “Mu di gu dzitini nya gukhenu mudzinyumbani momu, yomo efodhe ni terafinisi, ni githombe nya guvatwe ni gimbe nya gupfhudwe, gani? Olu wonani iso mu yelago gu gira.”

Valamuli 18:17

Aholu, avbo va nga gwelago vama vale nya livbandre, va nga bani va hongode vaya sola litigo, va di bela nyumbani, va dzega gifananiso nya guvatwe, efodhe, terafinisi ni gifananiso nya gupfhudwe, muphasi nya mhamba a di simama gu ema vbanyangwatunu, gumogo ni livbandre na limwedo mazana vama va nga bani va somide matshari nya nyimbi.

Valamuli 2:2

Khu guralo, enu mu nga hungini gidzumeledzwano ni vavbanyi va tigoni momu, na mu si gu pfhungumuli siluvelo sawe; aholu kha mwa yingisa lito langu. Khu ginani mu giridego isoso?

Valamuli 2:3

Kholu nyi mi embede gambe, kheni: Kha nyi na va tutumisa mbeli gwanu; avo va na khala valala vanu, ni vanungungulu vawe va na mi dembela naphwi.”

Valamuli 6:11

Khavbo avbo, Ngilozi ya Pfhumu Nungungulu, yi dita khala vbavbatshi nya simbo nya wukhongolo wa Ofira, wu nga bani wu lumba Jowasi nya lihundzu la Abhiyezeri. Mwanaye Gidhiyoni, a diri guvbulani nya tirigu, vbagithalatunu gu gamedwago avbo dziuvha, gasi guya sihala umo va si wonwi khu Vamedhiyani.

Valamuli 6:24

Khavbo avbo, Gidhiyoni a di vbaha vbale giluvelo gya Pfhumu Nungungulu, a gi riya lina, khuye: Pfhumu Nungungulu nya Gurule. Kala ni muhuno giluvelo gi nga gu manega Ofira wa Abhiyezeri.

Valamuli 8:26

Gulemela nya dziphera gu diri pimo nya magumavili mipimo nya ndralama, nyamba saya ni minganga, makhetshe ni guambala nya giwunguwungu, si nga bani si gu thumiswa khu Vamedhiyani, gumogo ni mikarara yi nga bani yi romo dzithamoni nya dzingameriya dzawe.

Valamuli 8:28

Khu guralo, Vamedhiyani va di vetwa mbeli ga va na Israyeli, gima kha va nga khusa gambe hungo wawe; litigo li di khala gurulani gipimo nya magumana myaga gikhatini ga Gidhiyoni.