Valamuli 8:24 - Bhibhiliya Nya Guage

²⁴ Gidhiyoni a di engedza gambe, khuye: “Gimwegyo basi nyi mu lombago; moyo ni moyo nya enu a na nyi ninge phera mweyo ya ndzeveni eyi a yi phangidego.” (Kholu va na Ismayeli va diri valongo va Vamedhiyani, va di gu olovela gu ambala dziphera nya ndralama.)

Valamuli 8:24 Iomraidhean Croise

Genesi 24:22

Avbo dzi nga vbedzago gu sela dzingameriya dzatshavbo, mwama a di dusa phera nya gipandre nya pimo nya ndralama, ni maniya mavili nya likhumi mipimo nya ndralama.

Genesi 24:53

Gi di dusa sombo nya parata, sombo nya ndralama ni guambala gi ninga Rebheka; gi ninga gambe sombo nya lisima ga ndriyaye ni ga mayi waye.

Genesi 25:12

Eli khu livelego la Ismayeli, gyanana gya Agari, khumbi nya Mugipiti, eyi Sara a nga ningago Abrahama.

Genesi 25:13

Malina nya sanana sa Ismayeli, gukhedza khu longoloko nya guvelegwe gwawe, khaya: Nabhayoti, matiwula ya Ismayeli; gu handzamedza Kedhari, Adhibiyeli, Mibhisamu,

Genesi 35:4

Khavbo avbo, va di ningela ga Jakobe vanungungulu vatshavbo nya valombo va nga bani vari navo ni dziphera va nga bani va ambade dzindzeveni. Jakobe a si kembela tshinani nya simbo wu nga bani na wu romo Sikemi.

Genesi 37:25

Khavbo avbo, va di khala vbavbatshi va hodza. Aholu na va khuside maho va di wona tsawa nya vasundzi va na Ismayeli na va guta khu Gileyadhi. Dzingameriya dzawe na dzi rwade mirwalo nya mafura ni mirendre nya guhambanelane na va gu hongola nayo tigoni ga Egipito.

Genesi 37:28

Vanyawugwewo nya gute khu tigoni ga Medhiyani, va di vbindra khu vbafuvbi ni vbale va nga bani varomo vandruye va Josefa. Va ndriyaye va di dusa Josefa khu namboni; va mu rengisa ga va na Ismayeli khu tengo nya magumavili singerengere nya parata. Vaismayeli va di dzega Josefa va gu hongola naye Egipito.

1 Dzipfhumu 20:11

Aholu mufumeli wa Israyeli a di va ninga phindrulo, khuye: “Mu embeleni, khenu: Oyu a vbagarago matshari a nga dzi zundzi kha nga musotshwa a rulago matshari hwane nya na pade.”

Ekisodha 12:35

Va na Israyeli va di gira kha nga idzo va nga embedwago khu Mosi. Va di lomba ga Vagipiti sombo nya parata, nya ndralama ni myendra.

Ekisodha 32:3

Khu guralo, vathu vatshavbo va di tshula dziphera nya ndralama va nga bani va ambade dzindzeveni, va gu dzi yisa ga Aroni.

Ekisodha 32:4

Uye a di dzi hakha khu mandzani gwawe a dzi nyiviligisa umo nya giwumbelo a gira githombe nya mombe nya gikete. Khavbo avbo, avo va di kulungela va ganela, khavo: “Enu sanana sa Israyeli kha mu mu woni oyu nungungulu wanu a mi dusidego tigoni ga Egipito a mi resani avba.”

Ekisodha 32:8

Kha va hwela gu penga va diga ndzila nya milayo nyi va ningidego. Va dzi wumbede githombe nya mombe nya gikete, va gi khozela, va gi ninga miphaso nya dzimhamba, va ganela, khavo: “Uwe Israyeli, oyu khu nungungulu wago a gu dusidego tigoni ga Egipito.”

Ezekiyeli 7:20

Avo va diri ni matshandza khu silo sesi nya gumbure, va gu dzi girela khiso sifananiso nya gunyenyeze. Khu guralo, silo soso, nyi na si gira si khala silo nya gunyenyeze avbo gwawe.

Valamuli 8:25

Avo va di hakha, khavo: Khu gu gola gwathu hi na gu ninga. Va di ladza keka, moyo ni moyo a di vega vbale phera nya phango waye.

1 Samuweli 25:11

Ina nyi ngu dzi kodza eni gu dzega guhodza gwangu, ni mati yangu, ni nyama yangu, esi nyi si dongisedego vagayi vangu, nyi ningela vathu nyi si vatigo umo va dugelago umo, gani?”