Valamuli 7:22 - Bhibhiliya Nya Guage

²² Avbo vatshavbo va na Israyeli nya mazana mararu va nga womba mipundru, Pfhumu Nungungulu a di hambanisa mapimo Vamedhiyani, va phela gu payana khu gyawe ndrani nya lizumbo lawe latshavbo; masotshwa ma di tutuma ma thavela Zerera, kala Bheti-Sita, va vboha kala mivbinganoni ya Abheli-Meyola, vbafuvbi ni Tabhati.

Valamuli 7:22 Iomraidhean Croise

1 Dzipfhumu 19:16

Todza gambe Jewu, mwamana wa Nisi, a khala mufumeli wa Israyeli, ni Elizewu mwamana wa Safati, wa Abheli-Meyola, a khala muprofeti wulangani gwago.

1 Dzipfhumu 4:12

Bhahana, mwamana wa Aliyudhi, ndruna nya gipandre gya Tahanaki, Migidhu ni litigo latshavbo la Bheti-Seyani li guromo vbafuvbi ni lidhoropa la Saritani, khogani ga Jezireyeli, gukhugela Bheti-Seyani kala Abheli-Meyola, khu tshatugo wa Jokimiyani;

2 Dzikoronika 20:23

Kholu va na Amoni, ni va na Mowabhi, va di wugela vavbahi va gigomoni gya Seyiri, va di saselana khu gyawe.

Dzindzimo 83:9

Va gire kha nga idzo u nga girago Vamedhiyani, kha nga idzo u nga girago Vasisera gumogo ni Vajabhimi gitsongwanani gya Kisomi;

Isaya 19:2

Kholu Eni nyi na gira gu Vagipiti va dwana ni Vagipiti vakwawe; muthu ni muthu a na wugela ndriyaye, ni mumbe a na wugela muakelane waye, lidhoropa li na wugela limbe lidhoropa, mufumo wu wugela wumbe mufumo.

Isaya 9:3

U andriside vathu vava, u engedzela gutsaka gwawe; va ngu nengela mbeli gwago, kha nga vale va tsakago guvbwerani, ni vale va kabanago silo va phangidego nyimbitunu.

Isaya 9:4

Kholu u fanyide kanga wu nga bani wu gu va lemela, ni lipitso li nga bani li va bayisa magata, ni ndronga ya mutshanisi wawe, u si fanyeledzede gukhwatshi wa gu fanya tshivba ya Vamedhiyani.

Ezekiyeli 38:21

Gogi nyi mu na mu ranela dzinyimbi khu musigomoni gwangu gwatshavbo, a ngu ganela Mune Pfhumu Nungungulu; litshari la moyo ni moyo li na sasela ndriyaye.

Habhakuka 3:14

Khu sighalala sago, u payide ndruna nya dzindrena dzaye, avo vatago kha nga gipupwane guta nyi phalalegisa; na va gu bhuma gukhwatshi va gu songa gisiwana umo gi sihadego.

Agewu 2:22

nyi na thesa sikhalo nya mifumo, nyi khungumula dzitshivba nya mifumo ya va nya mayigo, nyi khungumulela dzikareta ni vakhileli vakone, dzikavalu ni vakhileli vakone dzi na theswa, moyo ni moyo a na songwa khu litshari la ndriyaye.

Zakariya 14:13

Litshigu lolo, vbakari gwawe gu na manega pfilupfilu nya yikhongolo ngudzu nya gugirwe khu Pfhumu Nungungulu; muthu ni muthu a na mola libogo la mungana waye, va na wugelana khu gyawe.

2 Vakorinto 4:7

Aholu ethu hi hakhidego thomba yeyi nya wuhigo hi sombo nya libumba, gasi gu wonegisa gupwani tshivba yeyi yatshavbo nya yikhongolo kha yi dugeli gwathu ya guta khu ga Nungungulu.

Josuwa 3:16

mati ma nga bani ma guta khu vbatshani ma di ema; ma wungedzelana ma khala gigomo ma gira kha nga libhulaho, ma anama kala vbafuvbi nya gitigwana ga talala wa Adhamu, gu khalago wubambe ga Saritani; ayo ma nga bani ma goga maya phwani ga Arabha, a gu Yiphwa nya Munyu, ma di pidwa yatshavbo. Khavbo avbo, vathu va di vbindra khu mbeli ga Jeriko.

Josuwa 6:16

Gikhati vaphasi nya mhamba va nga dzundrulugago livbandre na dzimbili dzinyondro na va gu womba mipundru, Josuwa a di embela vathu, khuye: “Huwatani, kholu Pfhumu Nungungulu a mi ningide lidhoropa!

Josuwa 6:20

Vathu va di huwata, vaphasi nya mhamba va di womba mipundru. Vathu na va pwide gudzuma nya mipundru, va di gira gupwala huwa nya yikhongolo, makhokhola ma di khungumuga, va na Israyeli va di bela dhoropani moyo ni moyo a di hongola wulanga wu nga bani wu romo mbeli gwaye, li di wandrwa kharati lidhoropa.

Josuwa 6:4

Livbandre na vavili vaphasi nya mhamba va na thanga mbeli nya Ngasa nya Gidzumeledzwano, na va gu womba livbandre na mivili mipundru; khu litshigu nya livbandre na mavili, mu na dzundruluga lidhoropa livbandre na dzimbili dzinyondro, gumogo ni vaphasi nya mhamba na va gu womba mipundru.

1 Samuweli 18:19

Aholu avbo gi nga vboha gikhati Merabhi nyamahegyane wa Sawule, a nga vbweta gu ningedwa Dhavhidhe, Merabhi a di ningedwa a khala ngadza Adhiriyeli, Mumeyoli.