Valamuli 7:20 - Bhibhiliya Nya Guage

²⁰ Vatshavbo vama nya sikwata sa siraru va di womba mipundru, ni gu pandra mikanvu, mandzani gwawe ga nyambade na va pharide myenge, khu nyamudye va phara mipundru, va huwelela, khavo: “Nyimbi ya Pfhumu Nungungulu ni ya Gidhiyoni.”

Valamuli 7:20 Iomraidhean Croise

Isaya 27:13

Khilo litshigu lile gu na wombwago pundru nya wukhongolo, avo va nga bani va dzimede tigoni ga Asiriya, ni vale va nga bani va vbagedwe va yiswa tigoni ga Egipito, va na wuya va ta khozela Pfhumu Nungungulu, gigomoni nya gukatege gya Jerusalema.

Jeremiya 47:6

Yowe! U na degula lini Uwe Litshari la Pfhumu Nungungulu? Bwelela u ya dzi tshomega gikhwesoni gwago, u hegisa gu songa.

1 Vakorinto 15:52

isoso si na girega khu gikhati gimwegyo basi, khu gukhwavbila nya maho, gikhati wu na wombago pundru nya mahegiso. Wa gu pwala pundru, ava va fudego va na wuga va vbanya nyamba fa gambe, gasi ethu, hi na vbindrugedza giemo.

2 Vakorinto 4:7

Aholu ethu hi hakhidego thomba yeyi nya wuhigo hi sombo nya libumba, gasi gu wonegisa gupwani tshivba yeyi yatshavbo nya yikhongolo kha yi dugeli gwathu ya guta khu ga Nungungulu.

1 Vatesalonika 4:16

Iyo Pfhumu wurumba, gikhati gu na pwalago lito nya ngilozi nya yikhongolo ni pundru wa Nungungulu, yi na tshiga khu Ndzadzini, vale va fudego ga Kristo, va na guhegula khavo gu wuga.

Vahebheru 11:4

Khu gukhodwa, Abheli ningede ga Nungungulu mhamba nya yadi nya guvbindre eyi ya Kayimi. Khu gukhodwa, zundzidwe khu Nungungulu kha nga muthu nya wadi, gu kala Nungungulu a hakha ningelo nya miphaso yaye. Khu gukhodwa gwaye, Abheli, ambari a fudego, a nga guganela.

Josuwa 6:16

Gikhati vaphasi nya mhamba va nga dzundrulugago livbandre na dzimbili dzinyondro na va gu womba mipundru, Josuwa a di embela vathu, khuye: “Huwatani, kholu Pfhumu Nungungulu a mi ningide lidhoropa!

Josuwa 6:20

Vathu va di huwata, vaphasi nya mhamba va di womba mipundru. Vathu na va pwide gudzuma nya mipundru, va di gira gupwala huwa nya yikhongolo, makhokhola ma di khungumuga, va na Israyeli va di bela dhoropani moyo ni moyo a di hongola wulanga wu nga bani wu romo mbeli gwaye, li di wandrwa kharati lidhoropa.

Josuwa 6:4

Livbandre na vavili vaphasi nya mhamba va na thanga mbeli nya Ngasa nya Gidzumeledzwano, na va gu womba livbandre na mivili mipundru; khu litshigu nya livbandre na mavili, mu na dzundruluga lidhoropa livbandre na dzimbili dzinyondro, gumogo ni vaphasi nya mhamba na va gu womba mipundru.

2 Pedro 1:15

Khu guralo, nyi na gira tshivba yatshavbo nya gu mi hevbudzeni silo sesi, gasi hwane nya gufe gwangu, mu tshala mu si dundruga.

Valamuli 7:19

Gidhiyoni gumogo ni vama nya lizana a nga bani nari navo, a di bela nyangwani nya lizumbo, guphelani nya gupile nya vbakari nya wutshigu; na gu vegidwe dzighadhi; va di womba mipundru ni gu pandra mikanvu va nga bani va pharide mandzani.

Valamuli 7:21

Muthu ni muthu, a di khala wulanga waye va randrela wughovelo; khavbo avbo vatshavbo va nga bani va romo wughoveloni, va di phela gu tutuma va pfowola va thava na va guwomba dzihuwa.

1 Samuweli 11:11

Khu litshigu li landrelago, Sawule a di kabanisa vathu vaye khu mitsawa miraru, va bela lizumboni la na Amoni na gu ngari dzimindrudzile, va sasela va na Amoni kala guvbisa lihani. Avo va nga vbulugago gufa, va di phalalega, muthu ni muthu a phara yaye ndzila.