Valamuli 7:2 - Bhibhiliya Nya Guage

² Pfhumu Nungungulu a di embela Gidhiyoni, khuye: “Uwe u na ni vathu nya vangi ngudzu gasi gu eni nyi ningela Vamedhiyani mandzani gwago; gasi va na Israyeli va si dzi khusedzi gwangu, va ganela, khavo: Va di vbulugiswa khu tshivba yawe.

Valamuli 7:2 Iomraidhean Croise

Genesi 46:2

Nungungulu a di ganela ga Jakobe khu ndroroni ni vbakari nya wutshigu, khuye: “Jakobe! Jakobe!” Uye a di hakha, khuye: “Nyi womo avba.”

2 Dzikoronika 14:11

Asa a di womba huwa a rana Pfhumu Nungungulu waye, a ganela, khuye: Pfhumu Nungungulu, vbavbandze gwago, mwalo mumbe a kodzago guphasedzela avo va gu mwalo tshivba, va gu wugedwa khavo va gu ni tshivba. Hi phase Uwe Pfhumu Nungungulu wathu, kholu ethu ha gutumba Uwe, hi somide nyimbi yeyi Linani gwago, guta dwana ni mwandra yoyu; Pfhumu Nungungulu, Uwe, khuwe Nungungulu wathu, a nga manegi muthu nya gu gupale.

Isaya 10:13

“kholu mufumeli a di ganela, khuye: Nyi giride isoso khu tshivba nya mandza yangu, ni wugengeli wangu, kholu nyi na ni mapimo. Nyi dusede mivbingano nya mayigo, bwelo khavbo nyi wandra dzithomba dzawe, nyi theside vatshavbo va nga bani va khala sikhaloni nya wufumu, khu wurena wangu.

Isaya 2:11

Khu litshigu lolo, maho ya va nya matshandza ma na poyidwa, ni vathu va dzi khusedzago, va na vbwasamiswa; Pfhumu Nungungulu khuye basi a na gu khusedzwago khu litshigu lolo.

Isaya 2:17

Khu litshigu lolo, vathu va dzi khusedzago va na thedwa dzitshoni, ni avo va dzi gugumugisago va na vbwasamiswa. Pfhumu Nungungulu khuye basi a na khusedzwago.

Jeremiya 9:23

Pfhumu Nungungulu a ngu ganela kharati, khuye: “Gigengeli gi nga dzi zundzi khu gugengela gwaye, ni wule a gu ndrena a nga dzi zundzi khu wundrena waye, ambari oyu a fumidego a nga dzi zundzi khu gufuma gwaye;

Ezekiyeli 28:17

Monyo wago wu khade matshandza khu kotani nya gumbure gwago, u dzudzuga guti gwago khu kotani nya gungangamele gwago, khu guralo, nyi gu dzudzugide mafuni, nyi gu gira gihegiso mbeli ga vafumeli, gasi va fela gu gu wona.

Ezekiyeli 28:2

“Mwamana wa muthu, embela mufumeli wa Tiro, khuwe: Mune Pfhumu Nungungulu, a ngu ganela kharati, khuye: Olu matshandza ma manidego wulanga monyoni gwago, u ganela, khuwe: Eni nyi Nungungulu nyi khadego vbagikhalotunu gya Nungungulu vbakari nya yiphwa, aholu u muthu basi khuri Nungungulu, ambari monyoni gwago u dzi vegago kha nga Nungungulu.

Dhaniyeli 4:30

Khu gikhati gyogyo, gu di tadzisega magana ga Nabhukodhonosori, a di lundrwa vbakari nya vathu a ya hodza mwasi nga dzimombe ni gu naganiswa khu hunguva ya ndzadzini, kala ndzudzu waye wu dandra nga mitenga nya lighama, samba saye si lapha, si fanana ni sa sinyoni.

Habhakuka 1:16

Khu guralo, a gu girela miphaso ligoga laye, a vbisela libani miranga yaye, kholu khiso si mu nonisago, mabhindzu yaye ni guhodza gwaye.

Zakariya 12:7

Pfhumu Nungungulu a na vbanyisa guhegula mitshatsha ya Judha, kha nga matshiguni ya gale. Gasi wudhumo wa nyumbani ga Dhavhidhe ni wuzundzo wa vathu va Jerusalema wu si dandri guvbindra wuzundzo wa Judha.

Zakariya 4:6

Uye a di nyi hakha a nyi embela, khuye: “Aya khu magana ya Pfhumu Nungungulu a ganelago khu kotani ya Zorobhabheli, khuye: Khandri khu tshivba, mwendro khu dzihanyi, aholu, khu Liphuvbo langu; a ngu ganela Pfhumu Nungungulu nya Tshivba Yatshavbo.

Mitengo 31:4

Mu somisa likhumi mazana (1.000) vama khu ga lihundzu ni lihundzu nya mahundzu yatshavbo ya Israyeli, mu va rumela guya nyimbitunu.”

Varoma 11:18

U nga hingigedzi gu dzi vega vbatshani nya matamo ma nga kokwago. U na dzi kodza kharini uwe gu dzi vega vbatshani? Khandruwe u hodzisago khamba, khamba khuwo wu gu hodzisago.

Varoma 3:27

Khu kharato, khu gevbini gilo nya gu dzi gugumugise khigyo muthu? Gimwalo ni gimwegyo. Khu ginani gi gu mwalo? Khu kotani nya mithumo ya Nayo, gani? Ahihi! Aholu khu kotani nya gukhodwe basi.

2 Vakorinto 4:7

Aholu ethu hi hakhidego thomba yeyi nya wuhigo hi sombo nya libumba, gasi gu wonegisa gupwani tshivba yeyi yatshavbo nya yikhongolo kha yi dugeli gwathu ya guta khu ga Nungungulu.

Vaefeso 2:9

Khandri handro nya mithumo yanu, mu yelago gu dzi gugumugisa khiyo.

Dhewuteronome 32:27

Nasiri ga olu nyi thavago matshandza ya valala vawe, va nga hadza gu dzi zundza, va ghiya, va ganela, khavo: Mandza yathu ma khusegide, ma va pade, khandri Pfhumu Nungungulu a giridego satshavbo sesi.

Dhewuteronome 8:17

Khu guralo, u nga ganeli khu monyoni gwago, khuwe: Dzithomba dzedzi dzatshavbo nyi dzi mane khu tshivba yangu ni thumo nya mandza yangu.

Dhewuteronome 8:18

Phela khu gu alakanya Pfhumu Nungungulu wago, kholu khuye a gu ningago tshivba gasi u dzi girela dzithomba; gasi gu tiyisa gidzumeledzwano gyaye, egi a tumbisidego khu gusambanya ga vababe vago, kha nga u si wonago muhuno.

Jakobe 4:6

Uye a ngu ninga giphaso; kholu, Milowo nya Guage yari, khiyo: “Nungungulu a ngu wugela va nya matshandza, a phasedzela va nya gu dzi nogisa.”

1 Samuweli 14:6

Jonatane a di embela lidzaha nya muphari nya matshari yaye, khuye: “Hongole hi yela makhuna yaya; mwendro saye Pfhumu Nungungulu a na hi phasa a hi dwanela, kholu ga Nungungulu gimwalo gi gumba kodzega, uye a na hi vbulugisa khu vangi ambari khu vadugwana.”