Valamuli 7:19 - Bhibhiliya Nya Guage

¹⁹ Gidhiyoni gumogo ni vama nya lizana a nga bani nari navo, a di bela nyangwani nya lizumbo, guphelani nya gupile nya vbakari nya wutshigu; na gu vegidwe dzighadhi; va di womba mipundru ni gu pandra mikanvu va nga bani va pharide mandzani.

Valamuli 7:19 Iomraidhean Croise

Dzindzimo 2:9

U na ma pandra khu ndronga nya dzisimbi, u na ma khungumulela kha nga kanvu nya libumba.

Dzindzimo 90:4

Kholu mahoni gwago likhumi nya mazana myaga, gukhwatshi khu litshigu la vbanova li vbindridego, yi wonega kha nga gikhati nya gupile wutshigu.

Ekisodha 14:24

Khu mambagugya, Pfhumu Nungungulu khu ndrani nya nilo ni lipfhi, a di wona dzinyimbi dza Vagipiti a gu wusa pfilupfilu vbakari gwawe.

Matewu 25:6

Ni vbakari nya wutshigu si di wuswa khu lito li nga gulumelago, khilo: ‘A ngu vboha mwane, mu khingeni!’

1 Vatesalonika 5:2

Enu mu ngu dziti gwadi nya gukhenu litshigu la Pfhumu li nata nga mbafa, vbakari nya wutshigu.

Gutuledwa 16:15

(Khalani na mu dzi dongisede kholu nyi na vboha kha nga mbafa; kategide wule a lirelago na vegiside dzingandzu dzaye gasi a si gimbili wumbwiri, dzitshoni dzaye dzi gu wonwa khu vathu).

Valamuli 7:16

A di kabanisa vama vava nya mazana mararu (300) khu sikwata siraru; gimwegyo ni gimwegyo a di gi pharisa mandzani mipundru ni mikanvu nya maphanga, na yiri ni myenge ndrani gwaye.

Valamuli 7:18

Avbo eni ni vatshavbo nyi gu navo hi wombago mipundru yathu, enu nenu, wombani mipundru yanu khu ga yatshavbo maphuvbo mu na gu bani mu romo na mu randrede lizumbo na mu gu huwelela, khenu: Ethu hi va Pfhumu Nungungulu ni Gidhiyoni!”

Valamuli 7:20

Vatshavbo vama nya sikwata sa siraru va di womba mipundru, ni gu pandra mikanvu, mandzani gwawe ga nyambade na va pharide myenge, khu nyamudye va phara mipundru, va huwelela, khavo: “Nyimbi ya Pfhumu Nungungulu ni ya Gidhiyoni.”