Valamuli 7:15 - Bhibhiliya Nya Guage

¹⁵ Avbo Gidhiyoni a nga pwago ndroro yeyi ni tshamuselo waye, a di lombelela ga Nungungulu; a bwelela lizumboni la na Israyeli a va embela, khuye: “Khugani, kholu Pfhumu Nungungulu ningede mandzani gwanu lizumbo la Vamedhiyani.”

Valamuli 7:15 Iomraidhean Croise

Genesi 24:48

Nyi di khidzima mbeli ga Pfhumu Nungungulu; nyi bonga Pfhumu Nungungulu wa mune wangu Abrahama, a nga nyi gimbidzisa khu ndzila nya gudzegele gu nyi vbohisa wulanga nya gukodze gu mana gyanana gya ndruye wa mune wangu gasi gu khala mwangadzi wa gyanana gyaye.

Genesi 40:8

Avo va di hakha, khavo: “Hi di lora, aholu mwalo a dzi kodzago gu hi ninga tshamuselo nya dzindroro.” Josefa a di va embela, khuye: “Ina gutshamusela dzindroro khandri thumo wu lumbago Nungungulu, gani? Nyi ngu mi lomba mu nyi embelani ndroro yakone.”

Genesi 41:11

Ha vavili hi di lora ni wutshigu wowo. Dzindroro dzathu dzi di hambanide, mweyo ni mweyo, yi diri ni tshamuselo waye.

Valamuli 3:28

A di va embela, khuye: “Nyi landreni, kholu Pfhumu Nungungulu, ningede mandzani gwanu valala vanu.” Va di mu landra va relela, vaya dzega wulanga va nga bani na va guvbindra khavbo va na Mowabhi tsongoni wa Joridhani, va si dzumedzisi ni moyo gu vbindra khavbo.

Valamuli 4:14

Khavbo avbo, Dhebhora a di embela Bharaki, khuye: “Khuga, kholu muhuno, khilo litshigu Pfhumu Nungungulu a ningedego Sisera mandzani gwago. Ina, Pfhumu Nungungulu thangide mbeli gwago!” Khu guralo, Bharaki, a di relela khu gigomoni gya Tabhori, na gu landrwa khu likhumi magumi mazana (10.000) masotshwa.

Valamuli 7:11

u naya vapwa iso va si ganelago. Khu hwane nya ugo, uwe u na tiya hwambo nya gu va dhumele.” Khavbo avbo, uye a di relela gumogo ni githumi gyaye Pura kala aya vboha vbafuvbi ga vakheviseli nya lizumbo.

Valamuli 7:14

Ndriyaye a di mu phindrula, khuye: “Ndroro yoyo kha yi ganeli simbe vbavbandze nya nyimbi ya Gidhiyoni, mwamana wa Jowasi, lidzaha nya Muisrayeli. Nungungulu a mu ningide mandzani gwaye Vamedhiyani ni lizumbo leli latshavbo.”

Valamuli 7:16

A di kabanisa vama vava nya mazana mararu (300) khu sikwata siraru; gimwegyo ni gimwegyo a di gi pharisa mandzani mipundru ni mikanvu nya maphanga, na yiri ni myenge ndrani gwaye.

Valamuli 8:7

Khavbo avbo, Gidhiyoni a di ganela, khuye: “Khidzo kharato?” Gikhati Pfhumu Nungungulu a na ningelago Zebha ni Zalimuna mandzani gwangu, nyi na pferulela nyama yanu khu miba ni sirangalambwa sa giwulani.

1 Samuweli 1:28

Khu guralo, nyi ngu gi resa nyi gi bweledza ga Pfhumu Nungungulu, guvbanyani gwaye gwatshavbo; kholu nyi gi lombide ga Pfhumu Nungungulu.” Khavbo avbo, va di lombelela vbale ga Pfhumu Nungungulu.

1 Samuweli 14:12

Vama nya vawoneleli va di embela Jonatane ni muphari nya matshari yaye, khavo: “Deluni eno gwathu gasi hita mu ninga gihevbudzo!” Jonatane a di embela muphari nya matshari yaye, khuye: “Hongole, landra khu hwane gwangu, kholu Pfhumu Nungungulu a va ningede mandzani gwa va na Israyeli.”