Valamuli 7:12 - Bhibhiliya Nya Guage

¹² Vamedhiyani, Vaamaleki gumogo ni vatshavbo va Khugadambo, va di mbambamede kovani nga mbasa nya gutale; ni dzingameriya dzawe dzi diri dzingi nga fungu wa phwani, nyamba kodza gu sayedwa khu muthu.

Valamuli 7:12 Iomraidhean Croise

1 Dzipfhumu 20:27

Va na Israyeli va di tombaniswa navo, va ningwa matshari ni dzimbuva, va hongola gasi guya dwana ni Vaasiriya. Va diya zumba va khedzisana navo. Va na Israyeli va di wonega kha nga mitshambi mivili nya yidugwana nya dziphongo, gasi Vaasiriya va di fenengedza mafu yatshavbo.

1 Dzipfhumu 4:30

Guti gwa Solomoni gu diri gukhongolo guvbindra mafumbo yatshavbo ya Khugadambo, ni guti gwatshavbo gwa Egipito.

Dzindzimo 3:1

Pfhumu Nungungulu, idzo va tadego khidzo valala vangu! Vangi ngudzu avo va nyi wugelago!

Dzindzimo 33:16

Mwalo mufumeli a dzi vbanyisago khu talo nya dzinyimbi dzaye; ambari ndrena gu dzi vbanyisa khu tshivba yaye nya yikhongolo.

Jeremiya 46:23

Pfhumu Nungungulu a ngu ganela, khuye: “Va di hagata magabi yawe ambari ma nga bani ma khumide, kholu avo vangi guvbindra mbasa tengo wawe kha wu valedwi khu muthu;

Josuwa 11:4

Khavbo avbo, avo va di duga gumogo ni masotshwa yawe yatshavbo, ni gidzemo nya gingi nya gutale ngudzu kha nga fungu wa phwani; ni dzikavalu gumogo ni dzikareta nya gutale ngudzu.

Valamuli 6:3

Gikhati gyatshavbo va na Israyeli va nga bani na va gu yala, gu dita Vamedhiyani, Vaamaleki ni mambe mafumbo ya Khugadambo ma ta va dhumela.

Valamuli 6:33

Ga gikhati gyogyo vatshavbo Vamedhiyani ni Vaamaleki gumogo ni mambe mayigo, va dita khu Khugadambo va tombanisa masotshwa yawe, va tsemakanya tsongo wa Joridhani vaya zumba kovani wa Jezireyeli.

Valamuli 6:5

Kholu avo va dita ni sifuyo sawe gumogo ni mitshatsha yawe; avo gumogo ni dzingameriya dzawe, va diri vangi ngudzu kha nga dzimbera nya gutale nyambana tengo; va dita gasi guta khungumula litigo.

Valamuli 7:13

Avbo a nga vboha, Gidhiyoni a dipwa mwama moyo a nga bani na gu embeledzela moyo wa na gyawe ndroro na gukhuye: “Nyi di lora ndroro yeyi: Nyi di wona gibaba nya mala na gi gu wumbuluga gi bela lizumboni la Vamedhiyani, gi vboha kala mitshatshani gwathu gi yi veta khu tshivba yi tshungunuga yi thega vbavbatshi.”

Valamuli 8:10

Zebha ni Zalimuna va diromo tigoni gwa Karikori, na vari ni gipimo nya likhumi na livbandre magumi mazana (15.000) masotshwa. Vatshavbo vava va diri mitshaledwa nya masotshwa nya vathu va nga bani va gu dugela Khugadambo; kholu lizana ni magumavili magumi mazana (120.000) vama va kodzago gu thumisa matshari va di songidwe.

1 Samuweli 13:5

Vafilisitiya va di tombanisa magumararu mazana (3.000) dzikareta ni livbandre na limwedo magumi mazana (6000) vakhileli ni vathu nya gidzemo nya nga mafu ya funguni, gasi vaya dwana ni Israyeli; va di khuga vaya zumba dhoropani ga Makimasi, Khugadambo wa Bheti-Avheni.

1 Samuweli 30:17

Dhavhidhe a di va sasela ga litshigu li landrelago, gukhugela dzimindrudzile kala gupfola lidambo. Mwalo ni moyo wawe a nga vbulugago, vbavbandze basi ga mazana mana nya madzaha ma nga khilela dzingameriya ma thava.