Valamuli 6:4 - Bhibhiliya Nya Guage

⁴ Va dita ghova mahangeni va ghohetela dzimbewu dzatshavbo dza mahangeni, kala va vboha vbafuvbi ni Gaza, gimwalo ni gimwegyo nya guvbanye va nga bani va gi tshiya tigoni ga Israyeli, ambari dzinvuta, dzimombe ni dziburu.

Valamuli 6:4 Iomraidhean Croise

Genesi 10:19

Litigo lawe li di ladza gukhugela Sidhoni kha guhongola Gerari, vbafuvbi ni Gaza, kala Sodhoma ni Ghomora, Adhama, Seboyimi kala Lasa.

Genesi 13:10

Loti a di khedzisa lipani latshavbo nya tsongo wa Joridhani. Lithembwe li di theledzedwe gwadi mati, gufanane ni Egipito, li anama kala gu vboha tigoni gwa Zowari. Esi satshavbo si giregide Pfhumu Nungungulu na si gu khungumuli Sodhoma ni Ghomora.

Mavingu 28:3

Muthu nya gisiwana a dzi girago gitetema, a tshanisa sisiwana sikwawe, a gu fanana ni ndzadzi nya ndrambi yi kukulutago mavbila yatshavbo gu si tshali gilo.

Jeremiya 5:17

Va nata hodza dzimbewu dzago ni guhodza gwago, va hodza madzaha yago ni dzimbiri dzago; va na hodza dzinvuta ni dzimombe dzago; va na ghohetela gambe marembwe yanu nya mikandzu nayo nya miuvha; va khungumulela khu matshari madhoropa yago nya makhokhola u ma tumbago.

Levhi 26:16

eni nyi na mi girani esi: Nyi na mi rumela sigaradzo nya guthise, gikhohola ni gindrendrewane, si ta mi vbedza tshivba maho yanu ni womi wanu; mu na lima mu yala mahala dzimbewu dzanu, dzi ta hodzwa khu valala vanu.

Obhadhiya 1:5

Naripwani dzimbafa ni vaphangi va gu gu tela vbakari nya wutshigu, kha nga olu u mbembisidwego, ina kamwe kha va nga hadza gu gu phanga khedzi va dzi kodzago khidzo, gani? Ahati va vbweri nya dziuvha, va gu gu vbohela, dzi mwalo va na gu dzi tshiyago khu gumba dzi wona, gani?

Mikeya 6:15

U na yala, aholu khu na nga vbwera; u na gamela dziolivha, aholu khu na tola mafura yakone; u na gamela dziuvha, aholu khu na sela vbinyu yakone.

Dhewuteronome 28:33

Mihandro ya mahangeni gwago, ni thumo wa mandzani gwago, si na hodzwa khu vathu u gumba vati; uwe u na tshaniswa ni gu tshonigiswa matshigu yatshavbo;

Dhewuteronome 28:51

Vathu vovo va nata hodza mihandro nya sifuyo sago ni mihandro ya mahangeni gwago kala u gumbembiswa; kha va na gu tshiyela ambari ni tirigu, vbinyu, mafura, sifuyo sago nya dzimombe ambari ni sanana nya dzinvuta dzago kala a gumbembiswa.

Valamuli 6:3

Gikhati gyatshavbo va na Israyeli va nga bani na va gu yala, gu dita Vamedhiyani, Vaamaleki ni mambe mafumbo ya Khugadambo ma ta va dhumela.