Valamuli 6:31 - Bhibhiliya Nya Guage

³¹ Khu guralo, Jowasi a di embela vatshavbo va nga bani va mu wugela, khuye: “Enu mwa guvbweta gu vhikela giluvelo gya Bhahali, gani? Mwa guvbweta gu gi vbulugisa, gani? Uye a na gu gi dwanelago, a na songwa vbadzimindrutunu! Bhahali khu lisine naripwani a diri nungungulu, na dzi vhikede gikhati va nga khungumula giluvelo gyaye.”

Valamuli 6:31 Iomraidhean Croise

1 Dzipfhumu 18:27

Avbo Eliya a nga wona khuye vbakari nya mihani, a di phela gu va tsorodzela, khuye: “Khusedzani ngudzu malito mu laledza! A gu dzina saye nungungulu yoyo a gu hungatwa khu libhulo! Mwendro a gu thuma gilo nya gukari, mwendro gu endra! Mwendro saye a gu lala! Gu vbwetega mu mu wusa!”

1 Dzipfhumu 18:29

Va di simama va gira kharato, khu tshivba ni tshivba kala ni silambo, gikhatini va olovelago gu gira miphaselo nya dzimbewu. Aholu kha va ngapwa lito, ambari phindrulo mwendro gu wona gilo.

1 Dzipfhumu 18:40

Khavbo avbo, Eliya a di va embela, khuye: “Hungani vaprofeti vatshavbo Vabhahali, a nga tshali wa gu tshala!” Va di va mola Eliya a di relela navo gitsongwanani gya Khisoni, aya va songela iyoyo.

Ekisodha 23:2

U nga dzi bedzi guvivbani khu gu landra talo nya vathu, gambe vbamahungutunu u nga emi ni va nya gutala u diga lisine.

Isaya 41:23

Hi embeleni ginani gi na gu giregago mindru ga litshigu, gasi hi kodze gu dziti gukhethu khenu vanungungulu; girani gilo nya gyadi mwendro nya guvivbe, gasi hatshavbo hi si wone, hi liwuga.

Isaya 46:1

Bheli, nungungulu nya malipha thegide, ni Nebhu nogide vbavbatshi; sifananiso sawe si ngu rwegwa vbatshani nya sirengo ni dziburu; mirwalo yanu ya gu lemela dziburu dzi garadego khu gu lemedwa.

Isaya 46:7

Va mu vbagara magatani gwawe, va gu gimbilagimbila naye, ni avbo va mu vegago a gu khala avbo nyamba dzi khuta; ambari va mu girela nombelo, uye kha phindruli gilo; gambe kha vbulugisi ni moyo musigaradzoni gwaye.

Jeremiya 10:11

Khu guralo, va embeleni gukhenu: “Vanungungulu vava va ngamba gira ndzadzi ni mafu, va na fuva tigoni ni vbavbatshi nya lidambo leli.”

Jeremiya 10:5

Sifananiso sawe sa gu fanana ni githombe gi vbayegwago thembweni ga mulimi gi thusa sinyoni, aholu gi si ganeligo; si lindrela muthu nya gu si khuse, kholu kha si kodzi gu gimbila; mu nga thusedzedwi khiso, kholu kha si na mi tshongisa; ambari gu mana tshivba nya gu mi gireleni iso nya sadi.

Mitengo 14:6

Khu guralo, Josuwa, mwamana wa Nuni gumogo ni Kalebi, mwamana wa Jefoni, a gu vamowo nya vale va nga hongolago guya holelela litigo, va di pferula guambala gwawe,

1 Vakorinto 8:4

Gasi khu mahungu nya guhodze dzinyama nya guphasedwe sithombe nya vanungungulu nya malipha, hi ngu dziti gukhethu sithombe nya vanungungulu nya malipha khandri vanungungulu tigoni. Kholu mwalo mumbe Nungungulu vbavbandze ga Nungungulu wamoyo basi.

Vaefeso 5:11

Mu nga hengeli gumogo ni vale va vbanyelago gidemani, mithumoni yawe nyamba phasa gilo; aholu yi ganedzeni nyamba yi vegedzela.

Valamuli 6:30

Khavbo avbo, vama va dhoropani mule va di embela Jowasi, khavo: “Dusa mwanago vbavbandze. Uye fanede gu songwa, kholu khungumude giluvelo gya Bhahali, bwelo khavbo a fanya lidingo nya guage li nga bani li khala vbafuvbi gwaye.”

Valamuli 6:32

Khu kotani nya isoso, Gidhiyoni va di mu rana khavo khuye Jerubhahali, kholu Jowasi a di ganede khuye Bhahali a na dzi vhikele, kholu gu khungumudwe giluvelo gyaye.

1 Samuweli 12:11

Pfhumu Nungungulu a di va rumela Jerubhahali, Bharaki, Jefeti ni Samuweli; va ta mi vbulugisa mandzani ga valala vanu ava va mi randredego khu maphuvbo yatshavbo, gasi mu vbanya khu gurula.