Valamuli 6:27 - Bhibhiliya Nya Guage

²⁷ Khu guralo, Gidhiyoni a di dzega likhumi vama vbakari nya sithumi saye, a gira kha nga idzo a embedwego khidzo khu Pfhumu Nungungulu; aholu, khu gu thava ndranga ya babe waye, gumogo ni vathu va dhoropani, satshavbo a di si gira ni wutshigu.

Valamuli 6:27 Iomraidhean Croise

Dzindzimo 112:5

Kategide muthu a pwelago wuhindzi a lombisa; a gimbidzisago silo saye khu gululama.

Matewu 16:24

Jesu a di embela vapizane vaye, khuye: “Uye a vbwetago gu nyi landrela, a na dzi nyenye wurumba waye, a vbagare gihambano gyaye a nyi landrela.

Johane 15:14

Enu mu dzipari dzangu mwa gu girani iso nyi mi rumago.

Johane 2:5

Mayi waye a di embela sithumi, khuye: “Girani satshavbo iso a na gu mi rumago.”

Johane 3:2

A di hongola ga Jesu ni vbakari nya wutshigu, aya, khuye: “Rabi, hi ngu dziti nya gukhethu u dzude khu ga Nungungulu kha nga Muhevbudzi, kholu mwalo a kodzago gu gira siliwugiso nya nga iso u girago, a gu bani ari mwalo tshivbani ya Nungungulu.”

Vagalatiya 1:16

a di nyi tulela guti Mwanaye, gasi nyiya tivisa Mahungu yaye nya Yadi ga va nya mayigo. Gima kha nya hongola nyiya lomba wusingalagadzi ga muthu,

Dhewuteronome 4:1

Gasi olu, uwe Israyeli, yingisa milayo ni sileletelo, esi nyi mi hevbudzago, gasi mu si landrisa, mu kodza guvbanya ni gu bela, gumogo ni gu dzega litigo eli Pfhumu Nungungulu wa vababe vanu, a mi ningago.

1 Vatesalonika 2:4

Aholu, ha gu ganela edzi Nungungulu a dzinago khidzo khu Mahungu nya Yadi, aya a nga hi dongisela. Kha hi gireli gu tsakisa vathu, aholu, gu tsakisa Nungungulu, atigo esi si guromo monyoni ga moyo ni moyo nya ethu.

Valamuli 6:26

Khu hwane girela giluvelo Pfhumu Nungungulu wago, khu tshokatunu nya gigomo gegi. Gira phaso nya guvbiswe khu gimombyana nya wuvili, eyi i mhamba u na gu yi vbisago khu mapulango nya lidingo nya guage u pidego.”

Valamuli 6:28

Khu guralo, vathu va dhoropani mule, avbo va nga wugago ni mambagugya, va di wona gukhavo giluvelo gya Bhahali gi khungumudwe, ni lidingo li nga bani li romo vbafuvbi gwaye; ni gimombyana nya wuvili gi di vbisedwe vbagiluvelotunu nya giphya.