Valamuli 6:23 - Bhibhiliya Nya Guage

²³ Khu guralo, Pfhumu Nungungulu a di mu embela, khuye: “Gurula gu na khale gwago! U nga thavi, khu na ngafa.”

Valamuli 6:23 Iomraidhean Croise

Genesi 32:30

Jakobe a di rana wulanga wule khuye Penuweli, kholu a di khuye: “Nyi wonide Nungungulu khovbe ni khovbe, aholu nyi ngu simama nyi vbanya.”

Genesi 32:31

Li di gu khuga lidambo gikhati Jakobe a dugidego khu Penuweli, na gu ndzodola khu kotani nya nyonga yaye yi nga khuyuswago.

Genesi 43:23

Uye a di va embela, khuye: “Tangalani, mu nga thavi gilo. Nungungulu wanu, Nungungulu wa babe wanu khuye a giridego mu mana gyuma dzisakuni gwanu: “Dzitsapawu dzanu va nyi ningide eni.” Khavbo avbo, va di va resela Simiyoni.

Dzindzimo 85:8

Nyi na yingisa esi Pfhumu Nungungulu a na ganelago, kholu a na ganela khu mahungu nya gurule ga vathu vaye, ni ga vale va khodwago gwaye; gasi va si wuyeleli gambe wupumbuni.

Dhaniyeli 10:19

Gi nyi embela, khigyo: “U nga khali hwanga, uwe u gigodwa ngudzu. Gurula gu na khale ni uwe! Tiya! U nga thavi!” Avbo nyi nga embedwago magana yaya, nyi di dzipwa na nyi tiyide, nyi ganela, kheni: “Ganela mune wangu, kholu u nyi ningide tshivba.”

Johane 14:27

“Nyi ngu mi tshiyelani gurula, nyi ngu mi ningani gurula gwangu. Kha nyi ningi gurula kha nga idzo li ningago khidzo litigo. Mu nga garadzegini myonyo yanu, gambe mu nga thavi gilo.

Johane 20:19

Litshigu lolo, ni silambo, litshigu nya guhegule nya semana, na ma segidwe malimba nya nyumba, umo va nga bani varomo vapizane, khu gu thava vakhongolo nya Vajudha, Jesu a di dzi wonegisa vbakari gwawe, khuye: “Gurula gu na khale ni enu.”

Johane 20:26

Na ma vbindride livbandre na mararu matshigu, na varomo gambe nyumbani vapizane gumogo ni Tomasi, va di tedwa khu Jesu, na ma segidwe malimba, a gu dzi wonegisa vbakari gwawe, khuye: “Gurula gu na khale ni enu.”

Varoma 1:7

Nyi ngu mi losani enu mwatshavbo mu gumogo Roma, enu mu haladzwago khu Nungungulu, mu ranidwego gu khala va nya guaga vaye, kheni: Wuhigo ni gurula gu tago khu ga Nungungulu Babe wathu, ni ga Pfhumu Jesu Kristo gu na khale ni enu mwatshavbo.

Valamuli 19:20

Mwama wule nya muthu khongolo, a di khuye: “Gurula gu na khale ni uwe. Eni nyi na gu phasa khu satshavbo si gu kenelelago, olu nya gu gu lomba kheni u nga lali tendrelani.”

Valamuli 6:22

Khavbo avbo, Gidhiyoni a di wona gukhuye a diri Ngilozi ya Pfhumu Nungungulu; a di ganela, khuye: “Oh, Pfhumu nya Tshivba Yatshavbo! Nyi wonide Ngilozi ya Pfhumu Nungungulu khovbe ni khovbe!”

Valamuli 6:24

Khavbo avbo, Gidhiyoni a di vbaha vbale giluvelo gya Pfhumu Nungungulu, a gi riya lina, khuye: Pfhumu Nungungulu nya Gurule. Kala ni muhuno giluvelo gi nga gu manega Ofira wa Abhiyezeri.