Valamuli 6:18 - Bhibhiliya Nya Guage

¹⁸ Nyi ngu gu lomba gukheni u nga hongoli, kala nyi wuya nyi gu resela ningelo wangu gasi nyi ta wu vega mbeli gwago.”

Valamuli 6:18 Iomraidhean Croise

Genesi 18:3

a ganela, khuye: “Pfhumu yangu, nya gu bani nyi mane wuhigo mahoni gwago, nyi ngu gu lomba, U nga vbindri nyamba bela ga githumi gyago.

Genesi 18:5

Nyi naya dzega gibaba gidugwana, gasi mu kodze gu mana tshivba nya gugimbile ndzila yanu nya gulaphe, kholu mu vbindride khu ga githumi gyanu.” Madhota ma di hakha, khayo: “Gira kha nga idzo u ganedego.”

Genesi 19:3

Aholu Loti a di va gurumedza kala avo va dzumela gu bela nyumbani gwaye. A di va dongisela guhodza, a va girela sibaba nyambana mela, va hodza.

Valamuli 13:15

Khavbo avbo, Manowa a di embela Ngilozi ya Pfhumu Nungungulu, khuye: “Ha gu lomba gukhethu u lindrele vbadugwana, hi gu dongisela giphongwana.”

Valamuli 6:17

Gidhiyoni a di engedza gambe a ganela, khuye: “Nya gu bani nyi manide makategwa mahoni gwago, nyi ninge giyeyedzo nya gu khigyo, khuwe kamwe u ganelago ni eni.

Valamuli 6:19

Gidhiyoni a di hongola gaya aya dongisela phongo ni sibaba nyambana mela nya gugirwe khu efa nya wuguvbi; nyama a di yi thela gitundruni, muro a wu thela gikalangoni; a si resa vbavbatshi nya simbo nya khongolo a ta si bikela mbeli gwaye.