Valamuli 6:15 - Bhibhiliya Nya Guage

¹⁵ Gidhiyoni a di mu hakha, khuye: “Nyi pwele wuhindzi, mune wangu, nyi na dzi kodza kharini eni gu tshudzisa va na Israyeli? Olu ndranga yangu a gu iyo nya wusiwana ngudzu ga lihundzu gu ilo nya lidugwane ga Manasi, eni kheni nya dugwane wakone wa ndrangani ga babe wangu.”

Valamuli 6:15 Iomraidhean Croise

Genesi 32:10

eni nyi mwalo fanelo nya wuhigo wago watshavbo ni gutumbega gwatshavbo u gu wonegisidego ga eni githumi gyago, kholu guta gwangu nyi tsemakanyide tsongo yoyu wa Joridhani na nyiri ni ndronga basi mandzani, olu nyi mune nya mitsawa mivili.

Ekisodha 3:11

Khavbo avbo, Mosi a di embela Nungungulu, khuye: “Kheni mani eni, nya gukala nyi ya mahoni ga Faro nyi ya dusa va na Israyeli khu tigoni ga Egipito?”

Ekisodha 4:10

Khavbo avbo, Mosi a di embela Pfhumu Nungungulu, khuye: “U na nyi divalela, Pfhumu yangu, eni khandri nyi muthu nya gukodze gu ganela, kholu gukhugela gale ni gale, eni nyi muthu nya gilimiti ni gukangamela gu ganela.”

Jeremiya 1:6

Khavbo avbo, eni nyi di hakha, kheni: “Oh! Pfhumu Nungungulu! Wona nya gukhuwe kha nyi kodzi gu ganela; kholu eni nyi ngari gyanana.”

Jeremiya 50:45

Khu guralo, yingisani iso Pfhumu Nungungulu a hungidego, ni makungo a fungidego khu Bhabhiloni, gumogo ni iso a vbwetago gu gira mayelano khu litigo la Vakalidhiya; khu lisine ni mitshambi yawe nya yidugwane yi na kukulutwa, ni wuhaviseloni gwawe gu na khala giwula.

Mikeya 5:2

Ni uwe Bhetlehema wa Efrata, ambari u gu dugwana vbakari nya mazanazana ya Judha, khavbo gwago gu na duga uye a na khalago mufumeli wa Israyeli, uye a nga bani ari gitugulwana gukhugela gikhatini gya gale, gukhugela matshiguni ma si vbeligo.

Luka 1:34

Mariya a di embela ngilozi, khuye: “Si na girega kharini isoso ulo nyi si mu tigo mwama?”

1 Vakorinto 15:9

Kholu eni kheni nyi gu dugwana ga vapostoli, gambe kha nyi faneli gu ranwa mupostoli, khu kotani nyi nga tshanisa Libandla la Nungungulu.

Vaefeso 3:8

Eni, mahegisela nya sihathwa satshavbo sa Nungungulu, nyi ningidwe wuhigo nya gutivise ga ava va si gu Vajudha gutala nya wufumu wa Kristo;

Valamuli 6:11

Khavbo avbo, Ngilozi ya Pfhumu Nungungulu, yi dita khala vbavbatshi nya simbo nya wukhongolo wa Ofira, wu nga bani wu lumba Jowasi nya lihundzu la Abhiyezeri. Mwanaye Gidhiyoni, a diri guvbulani nya tirigu, vbagithalatunu gu gamedwago avbo dziuvha, gasi guya sihala umo va si wonwi khu Vamedhiyani.

1 Samuweli 18:23

Avbo vathumegeli va Sawule va nga ganela mahungu yaya ga Dhavhidhe, uye a di va hakha, khuye: “Ina mwa gu pimisa gukhenu gu dzega gyanana gya mufumeli gilo nya guvbevbuge, gani? Avbo mu nyi wonago gukhenu eni nyi gisiwana nyambana gilo!”

1 Samuweli 9:21

Sawule a di hakha a ganela, khuye: “Gasi eni khandri nyi wa na Bhejami, nyumba nya yidugwane ga vatshavbo va na Israyeli, gani? Nyumba yangu khandri iyo nya yi dugwane ga lihundzu latshavbo la na Bhejami, gani? Khu ginani u nyi embelago magana nya nga ayoyo?”