Valamuli 6:12 - Bhibhiliya Nya Guage

¹² Khavbo avbo, Ngilozi ya Pfhumu Nungungulu yi di mu tumbulugela yi ta mu embela, khiyo: “Gidhiyoni, Pfhumu Nungungulu a na ni uwe mudwani nya tshivba nya nyimbi.”

Valamuli 6:12 Iomraidhean Croise

Ekisodha 3:12

Nungungulu a di mu hakha, khuye: “Khu lisine eni nyi na bani nyiri nago. Egi khu giwonegiso nya gupwani kheni nyi gu rumelago; hwane nya gu bani nu duside vathu vangu khu tigoni ga Egipito, mu nata khozela Nungungulu gigomoni momu.”

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Luka 1:11

Khavbo avbo, a di tumbulugedwa khu ngilozi ya Pfhumu, yi nga ya emago khu nyamudye nya giluvelo nya libani.

Luka 1:28

Na yi vbohide avbo a nga bani a romo, ngilozi yi di, khiyo: “Sewe, uwe nya gutale khu wuhigo, Pfhumu yi na ni uwe.”

Dhewuteronome 20:1

Wa gu hongola litungatunu nya guye dwana nyimbi ni valala vago u wona dzikavalu, dzikareta ni vathu nya tengo nya wungi guvbindra uwe, u nga va thavi; kholu Pfhumu Nungungulu wago a nga gu dusago khu tigoni ga Egipito, a na ni uwe.

Josuwa 1:5

Matshigu yatshavbo nya guvbanye gwago mwalo a na tiyago gu ema mbeli gwago; kha nga idzo nyi giridego ga Mosi, nyi na gira gambe kharato avbo gwago; gima kha nyi na gu diga, ambari gu gu tshiya hwane.

Josuwa 1:9

Gasi kha nya gu ruma, gani? Gukheni tiya longo ni gutimisela; u si thavi ambari guthuruga kholu Pfhumu Nungungulu wago, a na bani ari nago gwatshavbo umo u na gimbilago khumo.”

Valamuli 11:1

Jefiti, Mugileyadhi, a diri ndrena nya gudwane nyimbi, mayi waye a diri liphuphulu; babe waye a di gu ranwa pwani khuye Gileyadhi.

Valamuli 13:3

Ngilozi ya Pfhumu Nungungulu yi di wonega ga nyamayi yoyu, yi mu embela, khiyo: “Nyi ngu gu wona gukheni u gyumba gima u si gu khuri mimba; gasi olu u na khura mimba u velega gyanana nya gikhwathana.

Valamuli 2:18

Gikhati Pfhumu Nungungulu a nga bani a va wusela valamuli, Uye a di gu khala ga moyo ni moyo nya mulamuli, a vbulugisa vathu vaye mandzani ga valala vawe, gikhatini gyatshavbo nya guvbanye ga mulamuli yoyo; kholu Pfhumu Nungungulu a di gupwa gisiro khu avo, khu tshanisa va nga bani va giredwa khu vatshanisi vawe.

Valamuli 6:11

Khavbo avbo, Ngilozi ya Pfhumu Nungungulu, yi dita khala vbavbatshi nya simbo nya wukhongolo wa Ofira, wu nga bani wu lumba Jowasi nya lihundzu la Abhiyezeri. Mwanaye Gidhiyoni, a diri guvbulani nya tirigu, vbagithalatunu gu gamedwago avbo dziuvha, gasi guya sihala umo va si wonwi khu Vamedhiyani.

Valamuli 6:13

Aholu Gidhiyoni a di phindrula, khuye: “Nyi pwele wuhindzi uwe mune wangu, nari gukhwatshi Pfhumu Nungungulu a na ni ethu, khu ginani hi dugeledwago khu satshavbo sesi? Somo hayi siliwugiso saye satshavbo esi vababe vathu va hi embeledzelago, khavo: Pfhumu Nungungulu a hi duside tigoni ga Egipito? Khu guralo, olu Pfhumu Nungungulu a hi digide, bwelo khavbo, a hi ningela mandzani ga Vamedhiyani.”

Rute 2:4

Khu guralo, Bhowazi a di vboha na guta khu Bhetlehema, a ta embela vavbweri, khuye: “Pfhumu Nungungulu a na khale ni enu!” A navo va mu phindrula, khavo: “Pfhumu Nungungulu a na gu kategise!”

1 Samuweli 10:7

Avbo u na dugedwago khu siwonegiso sesi, gira satshavbo si lombwago gu girwa khu gikhati gyogyo, kholu Nungungulu a na ni uwe.