Valamuli 6:10 - Bhibhiliya Nya Guage

¹⁰ Uye a mi embede gambe, khuye: Eni kheni Pfhumu Nungungulu wanu; mu nga khozeli vanungungulu va Vaamori; mu khalago tigoni gwawe. Aholu kha mwa nyi yingisani.”

Valamuli 6:10 Iomraidhean Croise

2 Dzipfhumu 17:13

Pfhumu Nungungulu a di embede va na Israyeli ni va na Judha, khu vaprofeti vaye vatshavbo ni vatuguli nya misihalo vaye vatshavbo, khuye: “Vbindrugedzani dzindzilani gwanu nya guvivbe, mu landrisa sileletelo sangu ni milayo yangu, kha nga idzo wu rumago khidzo Nayo nyi ningidego vababe vanu, owu nyi mu rumedego khu ga sithumi sangu, a gu vaprofeti.”

2 Dzipfhumu 17:33

Khu magirelo yoyo va di khozela Pfhumu Nungungulu gumogo ni gu khozela vanungungulu vawe mayelano ni tumbunugo nya mayigo va nga bani va dugela umo.

2 Dzipfhumu 17:7

Si giregide kharato, kholu va na Israyeli va di ghohede Pfhumu Nungungulu wawe, Uye a va dusidego khu tigoni ga Egipito, vbavbatshi nya gyandza gya Faro, mufumeli wa Egipito; va khozela vambe vanungungulu.

Nehemiya 9:29

U va dundrugiside va bwelela nayoni gwago, aholu avo khu kotani nya gu dzi dandrise gwawe, kha va yingisa milayo yago, va di hambana ni sileletelo sago, si vbanyisago muthu wule a si landrisago; aholu va di gu pfhurarela va sega dzindzeve dzawe va si gu yingisi.

Ekisodha 34:12

Dzi wonele, u nga tshuki sago u hunga pwanano ni vathu va tigoni u na belago umo, gasi avo va si khali naphwi vbakari gwanu.

Ekisodha 34:14

U nga khozeli mumbe nungungulu, kholu Pfhumu Nungungulu, lina laye khuye Nyawufu; Nungungulu nya wufu.

Mavingu 5:13

Kholu kha nya yingisa vahevbudzi vangu, ambari gu yingela sileletelo sa valayi vangu.

Jeremiya 10:2

Pfhumu Nungungulu a ngu ganela kharati, khuye: “Mu nga pimedzeli mavbanyelo ya mambe mayigo, ambari gu thurugiswa khu sisamadziso sa damboni; kholu va nya mayigo va ngu thurugiswa khiso.”

Jeremiya 17:23

Aholu avo kha va nyi yingisa, va di bangisa mihungo, va si landrisi ni gu hakha gulaya gwangu.

Jeremiya 3:13

Gu vbwetega basi gu dzumela gighoho gyago, kholu khwa tumbega gilo ga Pfhumu Nungungulu wago, u di khozela vanungungulu va nya mayigo vbavbatshi nya misimbo nya gunyuge, gambe khwa yingisa gilo lito langu; a ngu ganela Pfhumu Nungungulu.

Jeremiya 3:25

Dzitshoni dzi na khale lidawu lathu, hi fenengedzwa khu milandru yathu, ethu gumogo ni vababe vathu; kholu gukhugela wudzahani wathu kala na muhuno, ethu gumogo ni vababe vathu hi ghohede Pfhumu, Nungungulu wathu, gambe kha ha yingisa lito la Pfhumu Nungungulu wathu.

Jeremiya 42:21

Aholu, muhuno nyi mi embedeni satshavbo esi Pfhumu Nungungulu wanu, a nyi rumedego gu mi tivisa, aholu kha mu dzumeli gu yingisa ni gimwegyo nya iso si dugago khu kanani gwangu.

Jeremiya 43:4

Khu magirelo yoyo, Jowanani, mwamana wa Kareya, ni dzindruna dzatshavbo nya nyimbi gumogo ni vathu vatshavbo, va di yeyisa magana ya Pfhumu Nungungulu, va si dzumeli gu khala tigoni ga Judha.

Jeremiya 43:7

na va yeyiside kharato magana ya Pfhumu Nungungulu, va di khuga va hongola Egipito, va ya vboha dhoropani ga Tafenisi.

Jeremiya 9:13

Pfhumu Nungungulu a di phindrula, khuye: Kholu va hambanidego ni nayo nyi va ningidego, va si yingisi lito langu ni gu wu landrisa.

Sofoniya 3:2

Kha li yingisi lito, ambari gu yingisa gululekwa. Kha li vegi gitumbo ga Pfhumu Nungungulu, ambari gu hidzimela ga Nungungulu waye.

Varoma 10:16

Kholu khandri vatshavbo va dzumelago Mahungu nya Yadi. Isaya ganede kharati, khuye: “Khu mani a khodwego khu mahungu hi tivisidego?”

Vahebheru 5:9

Na tadzisegide thumoni gwaye, a di khala gibuga nya guvbanye nya gupindruge ga vale va mu yingelago.

Josuwa 24:15

Aholu mwa gu si wona siri sadi gu khozela Pfhumu Nungungulu, hathani muhuno khu mani mu yelago gu mu thumela: Vanungungulu va nga khozedwa khu vababe vanu na vari khisikheyi nya tsongo wa Ewufrate, mwendro vanungungulu va Vaamori mu vbanyago tigoni gwawe. Gasi eni ni ndranga yangu hi na khozela Pfhumu Nungungulu.

Valamuli 2:2

Khu guralo, enu mu nga hungini gidzumeledzwano ni vavbanyi va tigoni momu, na mu si gu pfhungumuli siluvelo sawe; aholu kha mwa yingisa lito langu. Khu ginani mu giridego isoso?

Valamuli 6:9

nyi mi vbulugiside mandzani ga Vagipiti ni ga vatshavbo va nga bani va mi tshanisa; nyi va tutumiside mbeli gwanu nyi bwelo khavbo nyi mi ninga litigo lawe;