Valamuli 5:30 - Bhibhiliya Nya Guage

³⁰ Ina kamwe khandri va gu kabanelana phango, gani? Mwama ni mwama, a kabaniswa nyamahegyane moyo mwendro vavili. Sisera a di ningwa phango nya myendra nya mavalavala nya mangi, myendra nya mavalavala nya gulugwe, phango nya mavalavala nya gulugwe maphuvbo mavili, nya gumburise thamoni ga mupali.

Valamuli 5:30 Iomraidhean Croise

Genesi 37:3

Israyeli a di gola ngudzu Josefa guvbindra simbe sanana saye, kholu a diri gyanana a nga velegedwa muwukhosaneni gwaye. A di rumisa gu a giredwa ngandzu nya gumbure, nya mivala nya mingi ni gulapha mawogo.

2 Samuweli 13:18

Uye a di ambade dzitshalu nya mavalavala, kholu vanyamahegyane nya makendzi va vafumeli va di gu ambala kharato, khu kharato githumi gya Amoni gi di mu dusa vbavbandze gi khota lidimba.

Joba 20:5

wudhumo wa va nya guvivbedwa khu monyo kha wuyi danga, ni gunengela nya sighohi, khwa matshigwanyana, gani?

Dzindzimo 45:14

Va ngu mu yisa mbeli ga Mufumeli na ambagisidwe dzingandzu nya gulugedwe; a ngu vbelegedzwa khu dzimbiri dzikwawe nya makendzi, va di bela vatshavbo.

Dzindzimo 68:12

“Vafumeli ni mabutho yawe, ndrivale, va ngu tutuma va gu thava!” Gaya, vanyamayi va di ya kabanelana silo nya guphangwe ga valala.

Ekisodha 15:9

Nala a di khuye: Nyi na va tutumisa, nyi na va mola nyi va phanga; hefemulo wangu wu na khura khu avo, nyi na homola litshari langu nyi va mbembisa; nyi na va songa khu mandza yangu.

Ekisodha 27:16

Nyangwani gakone, u na ghwimba myendra nya magumavili mikono gulapha nya muvala wa damboni, ni giwunguwungu, ni guvbyuga ni seda; wu na lugwa gwadi wu mburisedwa khu thumo nya wumeseri. Gu na girwa ni madingo yakone nya mana ni dzitshina dzakone dza dzina.

Mavingu 16:19

I tshukhwana gu dzi nogisa u vbanya gumogo ni vathu nya gurule, guvbindra gu kabana silo nya guphangwe ni va nya matshandza.

Isaya 9:2

Vathu va nga bani va gimbila gidemani va wonide wenengedzo nya wukhongolo, ni avo va nga bani va vbanyela mutsani nya lufu, wu wonegide gwawe wenengedzo.

Valamuli 5:19

Gu dita vafumeli va ta dwana, vafumeli Vakhanani va dita dwana Tahanaki, vbafuvbi ni mati ya Megidho; aholu kha mana phango nya parata.

Valamuli 5:29

Sigengeli nya vagadzi vaye, va di mu phindrula, gambe a di dzi phindrula abune, khuye: