Valamuli 5:3 - Bhibhiliya Nya Guage

³ Enu vafumeli yingisani! Upwani enu vamwamangulu! Nyi na dhumisa Pfhumu Nungungulu khu gu embelela, nyi na embelela ga Pfhumu Nungungulu wa Israyeli.

Valamuli 5:3 Iomraidhean Croise

Genesi 6:17

Eni nyi na tshisa talo nya ndrambi mafuni, gasi guta langaladza sivangwa satshavbo si vbanyago vbavbatshi nya lidambo; satshavbo si guromo mafuni si nafa.

Genesi 9:9

“Eni nyi na hunga pwanano wangu nanu, ni situgulwana si na gutago khu hwane gwanu;

1 Dzipfhumu 18:22

Khavbo avbo, Eliya a di engedza gu embela vathu, khuye: “Wonani, kheni nyenga nyi tshadego muprofeti wa Pfhumu Nungungulu, gasi vaprofeti Vabhahali mazana mana ni livbandre magumi vama.

1 Dzipfhumu 19:10

Uye a di hakha, khuye: “Nya guvbisega khu gu khathalela ngudzu Pfhumu Nungungulu nya Tshivba Yatshavbo, kholu sanana sa Israyeli, si digide gidzumeledzwano gyago, si khungumude siluvelo sago, va songetede vaprofeti vago khu litshari; kheni nyenga basi nyi vbulugidego, aholu eni neni va ngu nyi piga, va vbweta gu nyi songa.”

1 Dzipfhumu 19:14

Uye a di hakha, khuye: “Eni nya gu vbisega khu ligolo ga Pfhumu Nungungulu nya Tshivba Yatshavbo, kholu sanana sa Israyeli, si digide gidzumeledzwano gyago, si khungumulede siluvelo sago, gambe si songetede vaprofeti vago, kheni basi nyi vbulugidego; aholu eni neni si ngu nyi piga, si vbweta gu nyi songa.

Ezira 7:21

Eni mufumeli Aritasesi, nyi ngu ninga nayo ga enu mwatshavbo vaphari nya dzithomba mu guromo khu tshatugo nya tsongo, gukheni, satshavbo iso a na gu mi lombago Ezira, muphasi nya mhamba ni mulovi nya Nayo wa Nungungulu, gu vbwetega mu vbiredzela gu si gira.

Dzindzimo 119:46

Nyi na huwelela gambe sileletelo sago mbeli ga vafumeli, gima kha nyi na khala dzitshoni.

Dzindzimo 146:2

Nyi na rungudza Pfhumu Nungungulu matshigu yatshavbo nya guvbanye gwangu; gikhati gyatshavbo nyi na vbanyago nyi na embelela dzindzimo nya wuzundzo ga Nungungulu wangu.

Dzindzimo 27:6

Olu nyi na khusedza hungo wangu vbatshani ya valala va nyi randredego, nyi na bela nyumbani gwago nyi ningela miphaso nya mhamba nya gubonge. Nyi na embelela nyi womba dzingoma, nyi rungudza Pfhumu Nungungulu.

Dzindzimo 61:8

Kharati, nyi na rungudza lina lago kala gupindruga, litshigu ni litshigu nyi landrisa sisambanyo sangu.

Ekisodha 31:6

Nyi mu ningide Awoliyabhi, mwamana wa Ayisamaki, nya lihundzu la Dhani gu khala muphasedzeli waye. Nyi tadzide khu guti myonyo ya vameseri, gasi va kodze gu thuma satshavbo esi nyi gu leletedego a gu esi:

Levhi 26:28

Eni nyi na mi wugela khu likhulo, nyi mi tsayisa livbandre na dzimbili dzinyondro khu kotani nya sighoho sanu.

Dhewuteronome 32:1

Upwani ndzadzini, kholu nya gu vbweta gu ganela; Wpwa uwe litigo, magana ya kanani gwangu.

Dhewuteronome 32:3

Kholu nyi na huwelela lina la Pfhumu Nungungulu, rungudzani wugulu wa Pfhumu Nungungulu wathu.

Valamuli 5:7

Mitalala ya na Israyeli, yi di fuva kala eni Dhebhora, nyi dugelela nyi khala mayi wa Israyeli.