Valamuli 5:15 - Bhibhiliya Nya Guage

¹⁵ Manganagana ya Isakari, ma diri gumogo ni Dhebhora; Isakari gumogo ni Bharaki vomo panini, va va landra khu migondro, khu gitsongwanani gya Rubheni, gu dugide makungo nya makhongolo nya monyo.

Valamuli 5:15 Iomraidhean Croise

Genesi 35:23

Sanana sa Liya, khesi: Rubheni, matiwula ya Jakobe, guhandzamedza Simiyoni, Levhi, Judha, Isakari ni Zebhuloni;

1 Dzikoronika 12:32

Ga gipandre nya lihundzu la na Manasi, gu dzude tengo nya likhumi na livbandre na mararu magumi mazana (18.000), va nga hathedwago khu malina yawe, gasi guya pharisa ndronga nya wufumu Dhavhidhe.

Mavingu 22:13

Ngara a gu ganela, khuye: “Nghala yomo vbavbandze! Nya gu duga, nyi naya songwa vbakari nya ndzila.”

Mithumo 15:39

Gu di manega gu ganedzisana nya gukhongolo va hegisa khu gu hambana. Khavbo avbo, Bharinabha a di dzega Marko a khilela ngalava a gu hongola naye Kipre.

Mithumo 20:13

Ethu hi di thanga khu litaro hi hongola kala siwoni ga Asosi; iyo Pawulo a nga vega gukhuye hi ya mu virela iyo, kholu uye a di bela khu mawundru.

2 Vakorinto 11:2

Gu khathala gu ngu nyi girisa wufu, linani ga Nungungulu. Kholu enu mu khade nga sagadzyana nya makendzi, nyi mi ningedego ga mwama moyo basi, a gu Kristo.

Valamuli 4:10

Khavbo avbo, Bharaki a di tombanisa va na Zebhuloni ni va na Nafitali dhoropani ga Kedhesi, a di gwela ni likhumi magumi mazana (10.000) vama, Dhebhora a di hongola nuye naye.

Valamuli 4:14

Khavbo avbo, Dhebhora a di embela Bharaki, khuye: “Khuga, kholu muhuno, khilo litshigu Pfhumu Nungungulu a ningedego Sisera mandzani gwago. Ina, Pfhumu Nungungulu thangide mbeli gwago!” Khu guralo, Bharaki, a di relela khu gigomoni gya Tabhori, na gu landrwa khu likhumi magumi mazana (10.000) masotshwa.

Valamuli 4:6

Dhebhora a di rumela guya rana Bharaki, mwamana wa Abhinowamu, a nga bani na gu khala Kadesi wa na Nafitali, a mu embela, khuye: “Ina Pfhumu Nungungulu wa Israyeli, kha leletela a ganela, khuye: Dzega vathu u hongole navo gigomoni gya Tabhori, gumogo ni likhumi magumi mazana (10.000) vama nya sanana sa Nafitali ni sa Zebhuloni, gani?

Valamuli 5:16

Khu ginani u na gu tshalago mavbandroni u yingisa dzindrodzi nya vahavisi nya mitshambi, na? Khu mitsongoni ya Rubheni, gu dugide maalakanyo nya mangi khu monyoni.