Valamuli 5:12 - Bhibhiliya Nya Guage

¹² Khendzuga, Dhebhora, khendzuga! Kheni khendzuga, khendzuga u embelela ndzimo! Bharaki, Khuga u eme, u thangela avo u va modego va khala sibotshwa, uwe gumogo ni mwamana wa Abhinowamu.

Valamuli 5:12 Iomraidhean Croise

Dzindzimo 108:2

Khendzugani enu gitendre ni mihwambi! Nya gu vbweta gu vindruga nyi wusa Wuronga.

Dzindzimo 57:8

Khendzuga, uwe hefemulo wangu! Gitendre ni hwambi, wugani! Nya gu vbweta gu wusa Wuronga.

Dzindzimo 57:9

Uwe Mune wangu, nyi na gu bonga vbakari nya mayigo; nyi na embelela dzindzimo nyi Gu dhumisa vbakari nya vathu nya mafumbu ni mafumbu.

Dzindzimo 68:18

Uwe u gwede gigomoni nya gulaphe, u dzegide sibotshwa nya singi; u hakhide miningelo ga vathu, ni ava va gu wugelago navo va reside miningelo yawe, Pfhumu Nungungulu a na vbanya vbakari gwawe.

Isaya 14:2

Va nya mayigo va na va dzega va va yisa malangani gwawe, aholu vathu vovo nya vama ni vanyamayi, va na fumedwa khu nyumba ya Israyeli, tigoni ga Pfhumu Nungungulu. Va gira dzikhumbi vale va nga girwago khavo dzikhumbi, bwelo khavbo va tshanisa avo va nga tshaniswago khavo.

Isaya 33:1

Libango gwago, uwe muphangi, uwe gima u si gu phangwigo, u kanganyisago vakwanu avo gima va sa gu kanganyisago! Avbo uwe u na vbedzago gu phanga, u na phangwa nuwe, avbo u na vbedzago gu kanganyisa, va na gu kanganyisa nuwe!

Isaya 51:17

Khendzuga! Khendzuga! Khuga u ema uwe Jerusalema! Uwe u sedego khu mandzani ga Pfhumu Nungungulu gikombe nya likhulo laye. U sede gikombe gi levisago kala u vbedza ni giminya gyakone, u leva.

Isaya 51:9

Khendzuga! Khendzuga! Ambala tshivba yago; uwe gyandza gya Pfhumu Nungungulu. Khuga u ema u gira gu fanana ni iso u giridego matshigu ya gale, ga mimelana ya gale. Gasi khandri uwe u vetidego Egipito ni gu bayisa mwamilambo, gani?

Isaya 60:1

Jerusalema, khuga u ema u ngangamela, kholu, wenengedzo wago wu vbohide! Wudhumo wa Pfhumu Nungungulu wu ngu wenengedza vbatshani gwago.

Jeremiya 31:26

Khu guralo, nyi di khendzuga nyi wona, ligovbe langu li di nyi tsakiside ngudzu.

1 Vakorinto 15:34

Digani mavbanyelo nya guvivbe, vbanyani khu ndruda kha nga edzi a dzinago khidzo Nungungulu! Kholu, vbakari gwanu vomo va si mutigo Nungungulu. Nya gu ganela esi khu gufela gu mi thela dzitshoni.

Vaefeso 4:8

Khidzo yi ganelago Milowo, khiyo: “Gikhati a nga khusedzedwa Ndzadzini a di dzega va nya gukhothedwa pasoni a gu kabanisela vathu siningwa.”

Vaefeso 5:14

kholu silo satshavbo sa gu khala guwonegelani, sa gu wenengedzwa. Khidzo gu ganedwago pwani: “Khendzuga uwe u ladego, wuga khu ga vafudego, Kristo a na gu wenengedza.”

2 Thimoti 2:26

Khu kharato, va na vbuluga naphwini wa Sathane va hungidwego khuwo, gasi va gire edzi dzaye a dzinago.

Valamuli 5:13

Khu gikhati gyogyo, avo va gu mitshaledwa ya tigoni, va diya sasela vathu nya guthavisege, Pfhumu Nungungulu a di nyi dwanela nyi pala dzindrena.