Valamuli 4:9 - Bhibhiliya Nya Guage

⁹ Dhebhora a di hakha, khuye: “Khidzo, nyi na hongola nago; aholu khu na mana wuzundzo lipfhumbani gwago, kholu, Pfhumu Nungungulu a na ningela Sisera mandzani ga nyamayana.” Khavbo avbo, Dhebhora a di khuga ni Bharaki a hongola Kedhesi.

Valamuli 4:9 Iomraidhean Croise

2 Dzikoronika 26:18

Va ya ema mbeli ga mufumeli Uziya va mu himbedzela, khavo: “Uwe, Uziya, u mwalo fanelo nya guvbise libani mbeli ga Pfhumu Nungungulu, vbavbandze basi ga vaphasi nya mhamba, sanana sa Aroni, khavo va phasedwego gu vbisa libani; khuga wulangani nya guage kholu u ndragide Nayo; khu na nga mana khiso makategwa mbeli ga Pfhumu Nungungulu.”

Valamuli 2:14

Khu guralo, Pfhumu Nungungulu a di gorogela va na Israyeli, a gu va ningela mandzani nya vaphangi, va va phanga, bwelo khavbo, a va ningela mandzani ga valala, va tandrega ni gu ema mbeli gwawe.

Valamuli 4:8

Bharaki a di mu hakha, khuye: “Nyi naya wa gu dzumela gukhuwe hi hongole gumogo nago; aholu wamba hongola neni, eni neni kha nyi naya.”

Valamuli 9:53

Aholu nyamayi moyo a di rinya giwindri nya gutshindre khigyo, a veta hungo wa Abhimeleki a mu pandra girwarwa.

Valamuli 9:54

Khavbo avbo, uye a di rana lidzaha li nga bani li phara matshari yaye, a li embela, khuye: “Dusa litshari lago u nyi paya nyifa, gasi va si ganeli gupwani nyi di songwa khu giwindri khu nyamayi.” Muphari waye nya matshari, a di homola litshari laye a mu paya afa.

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.