Valamuli 4:7 - Bhibhiliya Nya Guage

⁷ Nyi na pfhadza Sisera, ndruna nya nyimbi ya Jabhimi, a ta dwana nago vbafuvbi ni tsongo wa Kisomi, ambari ulo uye a gu na ni dzikareta nya nyimbi ni masotshwa nya mwandra, nyi na mu ningela mandzani gwago.”

Valamuli 4:7 Iomraidhean Croise

1 Dzipfhumu 18:40

Khavbo avbo, Eliya a di va embela, khuye: “Hungani vaprofeti vatshavbo Vabhahali, a nga tshali wa gu tshala!” Va di va mola Eliya a di relela navo gitsongwanani gya Khisoni, aya va songela iyoyo.

Ekisodha 14:17

Eni nyi na bangisa myonyo ya Vagipiti, va fela gubela va va landra, nyi na pwala gidhumo khu kotani nya esi nyi na girago ga Faro ni ga mabutho yaye yatshavbo nya nyimbi, ni dzikareta ni vakhileli nya dzikavalu.

Ekisodha 14:4

Khavbo avbo, Eni nyi na bangisa monyo wa Faro ni mabutho yaye yatshavbo nya nyimbi, khavbo va na dzitigo Vagipiti gukhavo Eni kheni Pfhumu Nungungulu. Avo va di gira kharato.

Ekisodha 14:8

Kholu Pfhumu Nungungulu a di bangisa monyo wa Faro, mufumeli wa Egipito, afela gu landra sanana sa Israyeli si nga bani si gimbila khu gutshudwa khu gyandza nya tshivba.

Ekisodha 21:13

Aholu a gu bani na sa gira kha gwenye, nari a di ningedwa mandzani gwaye khu Nungungulu, nyi na gu vegela wulanga a yelago gu thavela avbo.

Josuwa 10:8

Pfhumu Nungungulu a di embela Josuwa, khuye: “U nga khali hwanga kholu vatshavbo nyi na va ningela mandzani gwago; mwalo na moyo wawe a na tiyago guta mbeli gwago.”

Josuwa 11:20

Kholu Pfhumu Nungungulu a di bangisa myonyo yawe a va gira va dwanisa Israyeli, gasi va kodze gu mbembisedwa muphelo nyamba pwedwa gisiro; gasi va fuviswa, kha nga idzo Pfhumu Nungungulu a nga leletisa khidzo Mosi.

Josuwa 11:6

Pfhumu Nungungulu a di embela Josuwa, khuye: “U nga khali hwanga mbeli gwawe; kholu mindru, khu gikhati nya gufanane ni egi, Eni nyi na bani nyi va ningede vatshavbo va songwa mandzani ga na Israyeli. U na pila misivba nya mawundru nya dzikavalu dzawe, u vbisa dzikareta dzawe khu nilo.”

Josuwa 8:7

Khavbo avbo, enu mu na dugani mu va dhumela mu phanga lidhoropa. Pfhumu Nungungulu wanu, a na va ningela mandzani gwanu.

Valamuli 4:14

Khavbo avbo, Dhebhora a di embela Bharaki, khuye: “Khuga, kholu muhuno, khilo litshigu Pfhumu Nungungulu a ningedego Sisera mandzani gwago. Ina, Pfhumu Nungungulu thangide mbeli gwago!” Khu guralo, Bharaki, a di relela khu gigomoni gya Tabhori, na gu landrwa khu likhumi magumi mazana (10.000) masotshwa.

Valamuli 4:8

Bharaki a di mu hakha, khuye: “Nyi naya wa gu dzumela gukhuwe hi hongole gumogo nago; aholu wamba hongola neni, eni neni kha nyi naya.”

Valamuli 5:21

Va di kukulutwa khu tsongo wa Kisomi, tsongo wule wa gale, tsongo nya mayunga. Uwe hefemulo wangu, tiya uya mbeli.

1 Samuweli 24:10

Maho yago kamwe ma ngu wona gu khayo muhuno Pfhumu Nungungulu a gu ningede mandzani gwangu phagoni momu, vambe va di nyi embela khavo nyi na gu songe; aholu mandza yangu ma bombide, kholu nyi di ganela, kheni: “Kha nyi na khusedza gyandza gyangu nyi songa mune wangu oyu a todzidwego khu Nungungulu.

1 Samuweli 24:18

Muhuno u yeyedzide gukhuwe u ngu nyi girela wuwadi; Pfhumu Nungungulu muhuno a di nyi ningede mandzani gwago, aholu uwe khwa nyi songa.