Valamuli 4:2 - Bhibhiliya Nya Guage

² Pfhumu Nungungulu a di va ningela mandzani ga Jabhimi, mufumeli wa Khanani, a nga bani na gu fuma dhoropani ga Hazori. Sisera a diri ndruna yaye nya nyimbi, uye a di gu vbanyela tigoni ga Haroseti-Hagoyimi.

Valamuli 4:2 Iomraidhean Croise

Dzindzimo 83:9

Va gire kha nga idzo u nga girago Vamedhiyani, kha nga idzo u nga girago Vasisera gumogo ni Vajabhimi gitsongwanani gya Kisomi;

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Matewu 18:25

Kha nga ulo a nga bani ari mwalo dzitsapawu nya gulivbe khidzo, pfhumu yile yi di ruma khiyo a rengiswe uye ni mwangadzi waye, ni sanana, ni thomba yaye yatshavbo, gasi gu mana iso nya gulivbe khiso mangava.

Josuwa 11:1

Avbo Jabini, mufumeli wa Hazori, a nga pwago mahungu yaya, a di rumela myango ga Jobhabhi, mufumeli wa Madhoni, ni ga mufumeli wa Siniromi, ni ga mufumeli wa Akisafi,

Josuwa 19:36

Adhama, Rama, Hazori,

Valamuli 10:7

khu guralo, likhulo la Pfhumu Nungungulu li di khondrela va na Israyeli, a va rengisa mandzani ga Vafilisitiya ni mandzani ga sanana sa Amoni.

Valamuli 4:13

Sisera a di tombanisa dzikareta dzaye dzatshavbo nya sikete, nya livbandre na mana mazana (900), ni masotshwa yaye yatshavbo a nga bani nari nawo, gukhugela Haroseti-Hagoyimi, kala tsongoni wa Kisomi.

Valamuli 4:16

Aholu Bharaki, a di lundra dzikareta ni masotshwa kala Haroseti-Hagoyimi; masotshwa yatshavbo ya Sisera ma di songwa khu matshari, nyamba vbuluga ni moyo basi.

1 Samuweli 12:9

Aholu, avo va di divaledwa khu Pfhumu Nungungulu wawe; khavbo avbo, uye a di va ningela mandzani ga Sisera, muthangeli nya nyimbi ya Hazori, ni mandzani ga Vafilisitiya, ni mandzani ga mufumeli wa Mowabhi, avo va nga va saselago.