Valamuli 4:16 - Bhibhiliya Nya Guage

¹⁶ Aholu Bharaki, a di lundra dzikareta ni masotshwa kala Haroseti-Hagoyimi; masotshwa yatshavbo ya Sisera ma di songwa khu matshari, nyamba vbuluga ni moyo basi.

Valamuli 4:16 Iomraidhean Croise

Dzindzimo 104:35

Sighohi si na fuviswe mafuni momu, ni va nya guvivba va nga manegi gambe, Uwe hefemulo wangu bonga Pfhumu Nungungulu. Bongani Pfhumu Nungungulu.

Dzindzimo 83:10

U nga va mbembisa dhoropani ga Eni-Dhori; sirumbi sawe si hinidego mafuni.

Dzindzimo 83:9

Va gire kha nga idzo u nga girago Vamedhiyani, kha nga idzo u nga girago Vasisera gumogo ni Vajabhimi gitsongwanani gya Kisomi;

Ekisodha 14:28

Kholu gikhati ma widego mati, ma dita khubhunyeta dzikareta, ni vakhileli nya dzikavalu, ma gu langaladza mabutho yatshavbo nya nyimbi ya Faro ma nga belago phwani ma landra sanana sa na Israyeli. Mwalo ni moyo basi a nga tshalago.

Isaya 43:17

Uye a nga yisago umo dzikareta ni dzikavalu ni masotshwa gumogo ni dzindrena, va mbembide gumogo umomo, gima kha va na wuga gambe; va mbembide va tshimega kha nga litirisida.

Varoma 2:12

Kholu vatshavbo va ghohago nyamba wuti Nayo, va na mbemba nyamba lamudwa khu Nayo yoyo. Gasi vale va ghohago na va gu wuti Nayo, va na lamudwa khu Nayo.

Jakobe 2:13

Gikhati Nungungulu a na gu lamulago, kha na tsetselela ava va ngamba tsetselela vakwawe, aholu, ava va nga tsetselelago vakwawe, kha va na ningwa nandru Litshigu nya Gulamudwe.

Josuwa 10:10

Pfhumu Nungungulu a di va tadza khu hwanga mbeli ga va na Israyeli, va dwana navo va sasedwa khu va na Israyeli vbafuvbi ni Gibheyoni, va va lundra khu ndzila yiyago Bheti-Horoni, a va sasela kala Azeka ni Makedha.

Josuwa 11:8

Pfhumu Nungungulu a di va ningela mandzani ga va na Israyeli, va va pala, va gu va lundra kala Sidhoni nya khongolo, va vboha Misirefoti-Mayimi, kala kovani wa Misipa khu Khugadambo; va di va sasela nyamba tshiya ni moyo nya guvbanye.

Valamuli 4:17

Khu guralo, Sisera a di tutuma khu mawundru a thavela tshatshani ga Jayeli, mwangadzi wa Hebheri, Mukheni; kholu gu diromo gurula vbakari ga Jabhimi, mufumeli wa Hazori, ni nyumba ya Hebheri, Mukheni.

Valamuli 4:2

Pfhumu Nungungulu a di va ningela mandzani ga Jabhimi, mufumeli wa Khanani, a nga bani na gu fuma dhoropani ga Hazori. Sisera a diri ndruna yaye nya nyimbi, uye a di gu vbanyela tigoni ga Haroseti-Hagoyimi.