Valamuli 4:15 - Bhibhiliya Nya Guage

¹⁵ Pfhumu Nungungulu a di pala Sisera ni dzikareta dzaye, gumogo ni masotshwa yaye yatshavbo mbeli ga Bharaki; Sisera a di ndraga khu karetani a thava, a tutuma khu mawundru.

Valamuli 4:15 Iomraidhean Croise

2 Dzipfhumu 7:6

Kholu Pfhumu, a di pwadza lizumboni ga Vaasiriya, ligwaha nya dzikareta ni dzikavalu, kha nga ligwaha nya gikwata nya gikhongolo nya masotshwa; avbo va nga embelana khu gyawe, khavo: “Dzi woneleni kholu mufumeli wa Israyeli, a hi rambede vafumeli nya Vahiti ni vafumeli va Egipito guta hi sasela.”

Dhewuteronome 7:23

Aholu Pfhumu Nungungulu wago, a na va ningela mandzani gwago, a na wusa pfilupfilu nya yikhongolo vbakari gwawe, kala va gumbembiswa.

Vahebheru 11:32

Ginani nyi yelago gu ganela gambe? Gikhati gi rode, khu lisine nyi di gu vbweta gu ganela khu Gidheyoni, khu Bharaki, khu Samisoni, Jafeti, khu Dhavhidhe, khu Samuweli ni vaprofeti.

Josuwa 10:10

Pfhumu Nungungulu a di va tadza khu hwanga mbeli ga va na Israyeli, va dwana navo va sasedwa khu va na Israyeli vbafuvbi ni Gibheyoni, va va lundra khu ndzila yiyago Bheti-Horoni, a va sasela kala Azeka ni Makedha.

1 Samuweli 7:10

Samuweli na nga gu ningela phaso nya guvbiswe, Vafilisitiya va di vboha vata dhumela va na Israyeli; Aholu Pfhumu Nungungulu a di pandra mabara nya tshivba litshigu lolo, Vafilisitiya va di hambanega wongo, va padwa va tutuma mbeli ga va na Israyeli.