Valamuli 4:14 - Bhibhiliya Nya Guage

¹⁴ Khavbo avbo, Dhebhora a di embela Bharaki, khuye: “Khuga, kholu muhuno, khilo litshigu Pfhumu Nungungulu a ningedego Sisera mandzani gwago. Ina, Pfhumu Nungungulu thangide mbeli gwago!” Khu guralo, Bharaki, a di relela khu gigomoni gya Tabhori, na gu landrwa khu likhumi magumi mazana (10.000) masotshwa.

Valamuli 4:14 Iomraidhean Croise

Genesi 19:14

Loti a di ya ganela ni vamwane vaye va nga bani va vbweta gu dzega sanana saye, khuye: “Khugani mu duga ga wulanga wowu, kholu Pfhumu Nungungulu a ngu vbweta gu mbembisa lidhoropa.” Aholu, avo va di mu wona kha nga muthu nya sithenga mbeli gwawe.

Genesi 44:4

Na va nga gu duga khu dhoropani, na va si gu vbohi hwindzo, Josefa a di embela muthangeli nya ndranga yaye, khuye: “Indra, landra vama vovo khu gututuma, avbo u na va manago, va embele, khuwe: Khu ginani mu nga bweledzela wuwadi khu guvivba?

2 Samuweli 5:24

Avbo u na pwago ligwaha nya gugimbile vbatshani nya misimbo nya mimorya; u na duga khu guvbiredza, kholu khu gikhati gyogyo, Pfhumu Nungungulu a na bani a thangide mbeli gwago gu ya sasela mabutho nya Vafilistiya.

Isaya 52:12

Kholu kha mu na duga khu givbiredza, ambari gu khugani khu gu thava; kholu Pfhumu Nungungulu a na thanga mbeli gwanu, ni Nungungulu wa Israyeli, a na mi vhikela khu hwane gwanu.

Mikeya 2:13

Moyo a na thanga mbeli a tula ndzila; avo va na ya bela khu mwanya va bwelo khavbo va duga khuwo gambe; mufumeli wawe a na thanga mbeli; ni Pfhumu Nungungulu, a na va gimbidzisa.

Dhewuteronome 9:3

Muhuno olu, dziti gukhuwe Pfhumu Nungungulu wago, khuye a na thangago mbeli gwago; gufana ni nilo wu vbisago, a na va mbembisa ni gu va fuvisa mbeli gwago; khu guralo, uwe u na va bhobha, u va phalalegisa, u va fuvisa khu givbiredza, kha nga a gu embedego Pfhumu Nungungulu.

Josuwa 10:8

Pfhumu Nungungulu a di embela Josuwa, khuye: “U nga khali hwanga kholu vatshavbo nyi na va ningela mandzani gwago; mwalo na moyo wawe a na tiyago guta mbeli gwago.”

Josuwa 7:13

Indra u ya agisa vathu! U va embela, khuwe: Dzi agiseni litshigu la mindru kholu, Pfhumu Nungungulu wa Israyeli, a ngu ganela, khuye: Kha mu na dzi kodza gu tiya gu ema mbeli ga valala vanu na mu si gu dusi guvivba gu guromo vbakari gwanu.

Valamuli 19:28

Uye a di mu embela, khuye: “Khuga hi hongole!” Aholu nyamayi kha nga mu hakha. Khavbo avbo, mwama wule a di khiledza gibhayi gyaye vbaburutunu gwaye a hongola gaya gwaye.

Valamuli 4:10

Khavbo avbo, Bharaki a di tombanisa va na Zebhuloni ni va na Nafitali dhoropani ga Kedhesi, a di gwela ni likhumi magumi mazana (10.000) vama, Dhebhora a di hongola nuye naye.

Valamuli 7:9

Pfhumu Nungungulu a di embela Gidhiyoni ni wutshiguwule, khuye: “Khuga u relela lizumbotunu, kholu nyi na li ningela mandzani gwago.

1 Samuweli 9:26

Va di wuga ni dzimindru, na li nga guduga lidambo, Samuweli a di rana Sawule khu vbalangwetunu, khuye: “Wuga, kholu nya guvbweta gu gu vbwelegedza.” Sawule a di wuga, va duga gumogo uye ni Samuweli