Valamuli 3:7 - Bhibhiliya Nya Guage

⁷ Va na Israyeli va di gira ugo guvivbidego mahoni ga Pfhumu Nungungulu wawe, va khozela Vabhahali ni sihuru sa Asitaroti.

Valamuli 3:7 Iomraidhean Croise

1 Dzipfhumu 16:33

Akabi giride gambe gifananiso gya Asitaroti, a engedzela gu gorosa Pfhumu Nungungulu wa Israyeli, khu gu gira silo nya gunyenyeze ngudzu guvbindra vafumeli vatshavbo va na Israyeli, va mu thangedego gufuma.

1 Dzipfhumu 18:19

Gasi olu, rumela guya ramba vatshavbo va na Israyeli, vaya tshangana gumogo ni vaprofeti gigomoni gya Karimelo gumogo gambe ni mazana mana ni livbandre magumi (450) vaprofeti Vabhahali, ni mazana mana (400) vaprofeti va Asitaroti, va hodzago vbamezatunu ga Jezabheli.”

2 Dzipfhumu 23:14

A di khungumula gambe sifananiso, a pilela ni madingo nya gifananiso gya Asitaroti, malanga yakone a ma tadza khu marambo nya vathu.

2 Dzipfhumu 23:6

A di dusa gambe khu Nyumbani ga Pfhumu Nungungulu gifananiso nya simbo nya guvatwe, a gi yisa vbavbandze ga Jerusalema, kala gitsongwanani gya Kedhroni, aya gi vbisa bambe nya gitsongwana gya Kedhroni, nguma wakone a wu vbaladzela marowoni ya vathu va tigoni.

2 Dzikoronika 15:16

Mufumeli Asa, a di dusa mayi waye Mahaka, wulangani nya wupfhumugadzi, kholu uye nuye a di giride gifananiso gya Asitaroti, Asa a di mu khungumulela gifananiso gyaye, aya gi vbisa kovani wa Sedhroni.

2 Dzikoronika 24:18

Va di hambana ni Nyumba ya Pfhumu Nungungulu wa vababe vawe, va thumela madingo nya sifananiso nya vambe vanungungulu nya malipha. Khu kotani nya gighoho gegi, gu dita ga Judha ni Jerusalema, likhulo la Nungungulu.

2 Dzikoronika 33:19

Nombelo waye, ni idzo Nungungulu a mu hakhidego khidzo, ni gighoho gyaye, guyeyisa gwaye, malanga a ma vbahidego nya sigomo, umo a nga emisago sifananiso nya guvatwe na si gu dzi thesi vbavbatshi, ma lovidwe yatshavbo umo nya Libhuku la Vaprofeti.

2 Dzikoronika 33:3

Kholu uye a di pheledza guvbaha malanga sigomoni, ayo ma nga bani ma khungumuledwe khu babe waye Ezekhiya; a emisa siluvelo sa Vabhahali, a gira madingo nya sifananiso, a khidzima mbeli nya mabutho yatshavbo ya ndzadzini.

2 Dzikoronika 34:3

Khu mwaga nya livbandre na miraru nya gufume gwaye, na ngari lidzaha, phede gu vbweta Nungungulu wa babe waye Dhavhidhe; khu mwaga nya likhumi na mivili, a di phela gu agisa va na Judha ni vavbanyi va Jerusalema, a dusa malangani nya sigomo, sihuru nya miphaso, ni sifananiso nya guvatwe niso nya gupfhudwe.

2 Dzikoronika 34:7

Avbo a nga vbedza gukhungumulela siluvelo, sihuru ni sifananiso nya guvatwe si khala nguma, ni gukhungumulela siluvelo satshavbo nya guvbisedwe libani tigoni ga Israyeli, mufumeli Josiya a di bwelela Jerusalema.

Dzindzimo 106:35

Aholu va di ya dzi pata gumogo ni va nya mayigo, va gu hevbulela tumbunugo wawe.

Dzindzimo 106:36

Va di khozela sifananiso sa va nya mayigo, va mbembiswa khu kotani nya isoso.

Dzindzimo 106:7

Vababe vathu gikhati va nga bani vari tigoni ga Egipito; kha va thela kota khu siliwugiso sago, kha va alakanya lihaladzo lago nya likhongolo, gambe va gu wugede vbafuvbi ni Yiphwa, a gu Yiphwa nya Gufuvile.

Ekisodha 34:13

Aholu mu na pfhungumulela malanga yawe nya miphaso, mu pandrelela sifananiso sawe, mu kokelela sihuru sawe nya miphaso.

Jeremiya 23:27

Mwa gu alakanya gukhenu, miloro va tshamuselago yi na gira gu vathu vangu va divaledwa khu lina langu khu kotani nya miloro yawe va tshamuselanago khu gyawe, va si nyi alakanyi kha nga vababe vawe va nyi digidego gu nyi ninga githawo, va ya khozela vanungungulu nya Vabhahali, gani?

Dhewuteronome 16:21

Gambe u nga tshuki u yala simbo nya guphasele avbo nungungulu nya gifananiso vbafuvbi ni giluvelo mu nga vbahela Pfhumu Nungungulu wago.

Dhewuteronome 4:9

Dzi vegedze uwe mune basi, u vegedza gambe gwadi hefemulo wago, u nga divali silo sile u si wonidego khu maho yago, si nga hidzimeli hwindzo ni monyo wago matshigu yatshavbo nya guvbanye gwago, u na si hevbudza ga sanana sago ni ga situgulwana sago.

Dhewuteronome 8:11

Dzi wonele, u nga divali Pfhumu Nungungulu wago, khu gumba landrisa milayo, sirumo ni sileletelo saye, esi nyi gu ningago muhuno;

Dhewuteronome 8:14

monyo wago wu dzi khusedza khu matshandza, u divaledwa khu Pfhumu Nungungulu wago, a gu dusidego khu Tigoni ga Egipito, nyumbani nya wugumbi.

Dhewuteronome 8:18

Phela khu gu alakanya Pfhumu Nungungulu wago, kholu khuye a gu ningago tshivba gasi u dzi girela dzithomba; gasi gu tiyisa gidzumeledzwano gyaye, egi a tumbisidego khu gusambanya ga vababe vago, kha nga u si wonago muhuno.

Valamuli 3:12

Va na Israyeli va di engedza va gira gambe ugo guvivbidego mahoni ga Pfhumu Nungungulu; aholu, Pfhumu Nungungulu a di ninga tshivba Egiloni, mufumeli wa Mowabhi, gasi gu sasela va na Israyeli, kholu, va di gira silo nya guvivbe mahoni ga Pfhumu Nungungulu.

Valamuli 3:8

Khavbo avbo, Pfhumu Nungungulu a di gorogela va na Israyeli, a va ningela mandzani ga Khusani-Risatayimi, mufumeli wa Mesopotamiya, va na Israyeli, va di fumedwa khu Khusani-Risatayimi, livbandre na miraru myaga.

Valamuli 6:25

Ga wutshiguwule wa wumowo, Pfhumu Nungungulu a di mu embela, khuye: “Dzega gimombyana gya babe wago, ni mombe nya wuvili nya livbandre na mivili myaga, u khungumula giluvelo gya Bhahali gi lumbago babe wago, u pila lidingo la Asera, li guromo khu bambe nya giluvelo.

Valamuli 8:33

Me ni gufa Gidhiyoni, va na Israyeli va di engedza gu gira wuphuphulu ni Vabhahali, va va khozela. Va di emisa Bhahali-Bheriti a khala nungungulu wawe.

Valamuli 8:34

Va na Israyeli kha va alakanya Pfhumu Nungungulu wawe, a va vbulugisidego mandzani ga valala vawe vatshavbo va nga bani va va randrede.

1 Samuweli 12:10

Va di lila ga Pfhumu Nungungulu, khavo: “Hi ghohide, kholu hi nga diga Nungungulu hi ya khozela vanungungulu nya Vabhahali ni sifananiso sa Asitaroti (nungungulu nya nyamayi), gasi olu, hi vbulugise mandzani ga valala vathu, hi na ta gu khozela.”

1 Samuweli 12:9

Aholu, avo va di divaledwa khu Pfhumu Nungungulu wawe; khavbo avbo, uye a di va ningela mandzani ga Sisera, muthangeli nya nyimbi ya Hazori, ni mandzani ga Vafilisitiya, ni mandzani ga mufumeli wa Mowabhi, avo va nga va saselago.