Valamuli 3:16 - Bhibhiliya Nya Guage

¹⁶ Ewudhi a di dzi girede litshari nya gulodzwe eno ni eno, na liri ni pimo nya kono moyo gulapha; a li hungelela nyongani gwaye gwa nyamudye khu vbavbatshi nya guambala gwaye.

Valamuli 3:16 Iomraidhean Croise

2 Samuweli 20:8

Na va vbohide vbagiwindritunu nya gikhongolo gi guromo vbafuvbi ni Gibheyoni, Amasa a di vboha mbeli gwawe; Jowabhi a di ambade dzingandzu nya wusotshwa, na dzi hungidwe khu libhandri a nga tshomegago litshari giwununi gwaye, na liri khu mudzitshokani; avbo a nga bani na gu gimbila li di homoga li thega.

Dzindzimo 149:6

Va na khusedze lito va pwadza gwadi wuzundzo wa Nungungulu, na va pharide mandzani matshari nya gulodzwe eno ni eno,

Dzindzimo 45:3

Hunga litshari giwununi gwago, uwe ndrena; kholu u ngu zundzega ni guthavisega!

Gizimba 3:8

Vatshavbo va ngu kodza gu thumisa matshari, dzindrena nya nyimbi; moyo ni moyo nari ni litshari giwununi gwaye, gasi a dzi vhikela khilo vbawutshigutunu.

Vahebheru 4:12

Mahungu ya Nungungulu khya guvbanya, ma na ni tshivba, ma ngu vbira guvbindra litshari nya gulodzwe eno ni eno. Ma gu paya, ma bela kala matshanganoni nya womi nya muthu. Ma ngu hambanisa gutshangana nya mongo ni marambo; ma ngu tugula mahingigedzo ni mapimo ma sihadego monyoni nya muthu.

Gutuledwa 1:16

Khu nyamudye a di pharide livbandre na dzimbili dzinyeledzi; khu kanani gwaye gu di duga litshari nya gulodzwe eno ni eno. Khovbe yaye yi di fanana ni lidambo nya gungangamele khu tshivba yaye yatshavbo.

Gutuledwa 2:12

Lovela ngilozi ya libandla la Pergamo, khuwe: “Wule a lodzidego litshari li vbira eno ni eno, wari, khuye:

Valamuli 3:15

Khavbo avbo, va na Israyeli va di lila gambe ga Pfhumu Nungungulu, uye Pfhumu a di va emisela mutshudzisi, a gu Ewudhi, mwamana wa Gera, nya lihundzu la Bhejami, mwama nya guthume khu nyambade. Va na Israyeli, va di rumela khu mandzani gwaye, miningelo nya guluve Egiloni, mufumeli wa na Mowabhi.

Valamuli 3:17

A diya ningela miningelo nya guluve ga Egiloni, mufumeli wa Mowabhi; Egiloni a diri mwama nya guene ngudzu.

Valamuli 3:21

Khavbo avbo, Ewudhi a di homola litshari nyongani gwaye ya nyamudye, a mu paya girumbu,