Valamuli 21:6 - Bhibhiliya Nya Guage

⁶ Va na Israyeli va di lila khu kotani ya vandriyawe va na Bhejami, va ganela, khavo: Muhuno li fuvisidwe lihundzu limwedo la va na Israyeli.

Valamuli 21:6 Iomraidhean Croise

2 Samuweli 2:26

Khavbo avbo, a di laledza a embela Jowabhi, khuye: “Ina matshari ma na simama ma vbedza vathu, gani? Uwe khu dziti gukhuwe, guhegisani gu na manega tshanisa, gani? Kala lini u na digago gu embela vathu va landrelela vandriyawe?”

Hoseya 11:8

Nyi na dzi kodza kharini gu gu diga, uwe Efrayimi? Nyi na dzi kodza kharini gu gu ningela mandzani ga vambe, uwe Israyeli? Nyi na dzi kodza kharini gu mu gira kha idzo nyi nga girago khidzo lidhoropa la Adima? Gu mi girani nga idzo nyi giredego va Zebhoyimi? Khu ndrani nya monyo wangu gwa gu vila, nyi tala khu wuhindzi nyi gu pwela gisiro.

Valamuli 11:35

Gikhati a mu wonego, a di pferula dzingandzu dzaye a ganela, khuye: “Yo! Mwanangu, nyi ngupwa wuvi nya wukhongolo khu kotani gwago, kholu nyi giride gisambanyo ga Pfhumu Nungungulu nyi si yeligo gumba gi landrisa.”

Valamuli 20:23

Va na Israyeli, va di gwela vaya lila mbeli ga Pfhumu Nungungulu kala ni silambo, va wudzisa Pfhumu, khavo: “Hi bwelela hi ya dwana ni vandriyathu va na Bhejami, gani?” Pfhumu Nungungulu a di va embela, khuye: “Indrani mu ya dwana navo.”

Valamuli 21:15

Khavbo avbo, va na Israyeli va di pwela gisiro va na Bhejami, kholu Pfhumu Nungungulu a di giride lihambano vbakari ga va na Israyeli.

Valamuli 21:5

Va na Israyeli va di wudzisa, khavo: “Khu mani wa vbakari nya mahundzu ya Israyeli a ngamba manega tshanganoni wa Pfhumu Nungungulu?” Kholu va di sambanyide vbakari nya tshangano, khavo: “Uye a na gumba gwela a ta Misipa tshanganoni wa Pfhumu Nungungulu, a na songwa.”

Valamuli 21:7

Olu hi na gira kharini khu madzaha ya na Bhejami ma vbulugidego, gasi ma kodze gu mana vagadzi, kholu ethu hi sambanyide ga Pfhumu Nungungulu khethu, kha hi na lowodzisa sanana sathu ga va na Bhejami?